لا عــــلاقة مـــع خــبول الـــعرب وامــجامــلة !!!

[معلومات العضو أمـــيرتـــهم]

العذر .. يكفي تهاون ويكفـي ماحصـل=مابقى فالقلـب ذرة صبـر وامجاملـة !!
مابقى غير الصراحـة// تسمّعلـي عـدل=كلمةٍ تسوى كثيـر الحكـاوي ( صاملـة)
مانماشـي واحـدٍ ماحمـل ذرة خـجـل=والصياعة مشكلـة فـي حياتـه عاملـة
والخبـر ماناخـذه لأتانـا مـن خـبـل=مالنا مصلـوح ويّـا الهـروج الهاملـة
لك شكل وادروب .. وانا لي ادروب وشكل=ماستوى فكرك على فكري اللي حاملـة!!
الدروب انواع دربٍ وعـر .. دربٍ سهـل=والعزوم آصناف .. والنّاس ماهي كاملـة
به خفيفٍ مثلما الريش .. به مثل الجبـل=به صقورٍ جارحة /// به ديـوكٍ خاملـة!!
مافلح قلبٍ يئس واعتـزل سـاح العمـل=ينتظر موته .. وشغله يطـق آناملـه !!
والصحيح اللي سعا// كله آحـلام وأمـل=طرد الرزق .. وعزومه علـى عواملـه
والنوايـا خافيـه كـل قلـب وماحمـل!!=والبشـر ماكلهـا بالعـفـو متعامـلـه
قلتها لك .. والجهل دمّر اعقـول الجهـل=والفوايـد كلّهـا فالـدروس الشامـلـة
ذي حروفٍ موجزة !! والمثل واحد مثـل=جملـةٍ ليتـك تمعّـن بـهـا متكامـلـة
خير ماقال الفتـى : قـول مـا قـلا ودل=( لا علاقة مع خبول العـرب وامجاملـة)

 

 

 

 

[معلومات العضو خيالية]

والنوايـا خافيـه كـل قلـب وماحمـل!!
والبشـر ماكلهـا بالعـفـو متعامـلـه

صـــــح لســــاااانك أمـــيرتهم ،، احـــترامي

 

 

 

 

[معلومات العضو أمـــيرتـــهم]

صح بدنـك خيتووو
لاهــــنتي على مرورك

 

 

 

 

[معلومات العضو منتهى الرقة]

صح لسانك خيتي
وبارك الله فيك

تقبلي مروري

 

 

 

 

[معلومات العضو أمـــيرتـــهم]

صــــــح بدنك يالغـــلاا
لاهنتي على مرورك,,,

 

 

 

 

[معلومات العضو طلال بندر الهاجرى]

صح السانك يا اميرتهم و الاهنتي

تقبلي مرووووري وتحيااااااااتي لك

 

 

 

 

[معلومات العضو عبدالله الحافر الغييثي]

صح لسانك ويعطيك الف عافيه ولاتحرميننا من جديدك تحية وتقدير

 

 

 

 

[معلومات العضو محمد بن سالم الخضراني]

صح لسانك مبدعه

 

 

 

 

[معلومات العضو براك السديري]

يعطيك العافيه على القصيده

اخوك براك