قصيدة للشاعر الكبير / عيدان بن راجس الدوسري (( حفظه الله ))

[معلومات العضو عبدالرحمن الشرافي]

اخواني الاعزاء..


أسعد الله أوقاتكم بكل خير


هذه قصيدة للشاعر / عيدان بن راجس الهوامله الدوسري

قرأتها في منتدى النداوي وكاتب الموضوع في منتدى النداوي

هو أخي الكبير المرحوم/ دغش البطي (( رحمه الله ))


يقول عيدان فالقصيدة:

عفى الله عن عين تعرض لها ساموح=من أسباب شخص جاء من أقصاه غازيني
جذبني مثل مايجذبون الوحش باللوح=ألين أستحلو مهجتي وأسهرو عيني
ألاحي حمام الورق لامن سجع بالنوح=وأنا أقول ياعدأل ميل الموازيني
يخليه يشرب من غرام الهوى قرطوح=يذوق العنى اللي ذقت حتى يلاحيني
يلاوأن رفيقي جاهل قلتنا مسموح=فيلاكن رفيقي مخطي والخطى شيني
نصيته حزين وارد مظمي ملحوح=وهو يوم ساعات الرفاني يمنيني
ورواني الماء قلتت(ن) دونها لحلوح=صعيب مجيه مير وده يعنيني
وأنا أقدره وأدراه عندي سواة الروح=وأنا أحسبتناأنه مثل ماغليه يغليني
أثاريه مما فيه نفسه علي تفوح=وأنا أقول مافيني من الغيظ كافيني
وأنا طالبك تعطيني الحق يالمملوح=وحكم العدال ومقطع الحق يرضيني
ترى الحق خشم طيب ينصف المجروح=ويعطيك ماتبغاه مني ويعطيني
أنامنك مجروح الظماير بلا مصلوح=ولالي كفيل ياهوى البال بيديني
ولولا مقال ويش قومه يجي ويروح=لآجي كل يوم وأطلبك لين توفيني

وسلامتكم جميعأ

 

 

 

 

[معلومات العضو ابو زيد الغييثي]

الله يرحمك يابو محمد عز الله كان وافي


ويابو سالم

بيض الله وجهك على النقل هذه الابيات

الجزله


اخوووووووووووووك
ابو زيد

 

 

 

 

[معلومات العضو نايف الخييلي]

المبـــدع الكبيـــر : ابـــو ســالم

لاعـــدمنـــاك ولا عدمنـــا إبداعاتك ومواضيـــعك الرائــعه

أمتعتنا بهالقـــصيـــده الجـــزله للشاعـــر ابن راجــس الهوامله . صـــح لســانك

ولســان الشاعـــر وبيض الله وجـــهك يالسنــافي

 

 

 

 

[معلومات العضو أبونواف الدوسري]

ألأخ أبوسالم لك وافر الشكر علي نقل هذه القصيده..وعسي الله يرحم دغش بأذنه تعالي .. ويسكنه

فسيح جناته..

أخوك أبو نواف الدوسري.

 

 

 

 

[معلومات العضو بعيدالهقاوي]

الشاعر عيدان الهوامله من الشعراء اللي اشعارهم ترتقي الى الذوق والجزاله حتى في الغزل

وياعرق جيتك كن في خاطري عصروف** اتعبني مذبك لك الهود وهيالي
قال العرق رد على عيدان 0
انا قد نفعتك يوم دمعك يهل اعزوف ** بينتك على الوديان وتشوف لمثالي
ويقول في احد القصايد الاخرى0

اناادخل على الله من هواء جيل هالتالين ** هواهن اسبوع والشهر مايتمنه

تنزل هواهن من اسبوع الى يومين **** ولاعاد تاثق في كلامن يقولنـه

وياليت اللي عنده تكمله يفيدنا

 

 

 

 

[معلومات العضو فجـر العيــــد]

الله يسلمـك اخوي عبدالرحمن .. وابدعت في اختيار القصيده..

وصح لسان شاعرها..والله يرحم كاتبهاا..ويسلم من نقلها..

 

 

 

 

[معلومات العضو حشـاره]

لا هنت على النقل اخوي الشرافي


وصح الله لسااان الشاعر الكبير عيدان ابن راجس

 

 

 

 

[معلومات العضو عبدالله الحافر الغييثي]

الله يرحمك يابو محمد عز الله كان وافي ويابو سالم بيض الله وجهك على النقل هذه الابيات الجزله