قصيدة سعود البقمي في الشيخ فيحان بن شجاع بن سويلمه

**معلومات** **العضو** · 25-12-2010, 12:12 PM

السلام عليكم و رحمة الله وبركاته

هذي قصيدة مدح في الشيخ فيحان بن شجاع بن سويلمه آل بريك وابو محمد يستاهل ماقيل فيه وهو اهل للمدح بعلمه الطيّّب بين القريب والبعيد.

والقصيدة للشاعر سعود بن ضحيان البقمي:

بديت باسم الله رب السماوات = الواحد المعبود منجي خليله
اللي فرض للعبد خمس الصلاوات= سبحانه اللي كلنا نلتجي له
من بعدها زانت تعابير الابيات = بالهاجس اللي يعشق المستحيله
عندي على المعنى براهين واثبات= واعسف قوافي الشعر عسف الاصيله
واهدي لابو محمد سلام وتحيات = راع الفعول الغانمة والجزيله
رجلا رقى بالطيب روس الطويلات = من عادته كسب الوفا والنفيله
للطيب في وجهه رسوم وعلامات = راعي جميل ولا يجازي جميله
طلق الحجاج اللي علومه جزيلات= ياسعد منهو فالأصل ينتمي له
فيحان شيال الحمول الثقيلات = ما يشتكي ضيم الدهر من يجي له
فيحان ياشوق البني العفيفات = رجال تسوالك رجال وقبيله
من روس قوما يتعبون الأصيلات = ليا قدح بالزند خشم الفتيلة
بمصقلاتاً فالملاقى عطيبات = كم فرقوا بين الخليل وخليله
عدوهم لاطاح من ضربهم مات = وبقى مكانه ما لقى من يشيله
دواسر من غير شك ومراوات = فصيلةٍ ياحيها من فصيله
اقول قولا ما يجي فيه شكات = والحق يشفي للكبود العليله
هذا وانا ربعي هل الطيب بالذات = سمو البقوم اهل الوفا والفضيله
قبيلتا يوم الغثا والمثارات = يروون بالدم السيوف الصقيله
وختامها مني سلام وصلوات = على النبي راع الصفات الجليله

**معلومات** **العضو** · 25-12-2010, 12:24 PM

ارحب يابومحسن وبيض الله وجهك على النقل
ويستاهل ابوشجاع ماقيل فيه وصح لسان
الشاعر سعود البقمــــــــــــــــــــــــــــي

**معلومات** **العضو** · 25-12-2010, 01:04 PM

تبقى يابو شالح

ويستاهل ابو محــمد

وبيض الله وجه البقمي

تقبل ودي وتقديري ،،،،

**معلومات** **العضو** · 25-12-2010, 01:17 PM

صح الله لسان سعود البقمي على هذه القصيده .

وأبو محمد يستآهل ما قيل فيه وأكثر وشهادتي فيه مجروحه عسى الله يطول بعمره .

.................................................. ...............

ولا هنت يا أبو محسن على النقل .

**معلومات** **العضو** · 25-12-2010, 01:31 PM

ارحب يابومحسن

وبيض الله وجهك على النقل
ويستاهل ابومحمد ماقيل فيه وصح لسان
سعود بن ضحيان البقمي

**معلومات** **العضو** · 25-12-2010, 07:09 PM

ارحب يا ابو محسن

حية وحي ماجاب وبيض الله وجهك يا ذيبان

يستاهل ابو محمد ماقيل فيه وازود وفعله غانم وينومس

وصح الله لسان البقمي وابيض وجه

تحياتي وتقديري~ْ،

**معلومات** **العضو** · 25-12-2010, 08:59 PM

ارحب يابومحسن وبيض الله وجهك على النقل

ويستاهل ابوشجاع ماقيل فيه وصح لسان

الشاعر سعود البقمــــــــــــــــــــــــــــي

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية