مجري تهيض والمثايل تفايض فيه

**معلومات** **العضو** · 11-08-2009, 05:58 AM

هذه ابيات متواضعه قلتها واتمنى ان ترقى لذائقتكم الشعرية :

مجري تهيض والمثايل تفايض فيه = على عيلم فيه التفاكير ملتجه
على عيلم ميراد من يرتجي راويه = حداه الضما والقيظ والليل والعجه
تلفت ولا عين من الناس من يوحيه = ولا واحد يبهج الى طالت الفجه
ترى القلب ميراد الهوى لانوى ياتيه = تصافق وجاته كل الافكار مهتجه
انا لي وليف والله ما نيب انا ناسيه = وليف يعي دونه الولف والسجه
خجلني بعينه كل ما جيتنا اراعيه = عيون كما عين الوحش قايد الهجه
وترى الحب ما يهفي للاجواد ممشى فيه = وهو خطة مدهولة من هل الحجة
ونا الحب عندي عز ماهوب فيه وفيه = محبة نقا بالصدق ماهيب معوجه
ودرب المراجل عادة الرجل ماتخطيه = دليل على دعوى المعالي ولي حجه

[/poem] [/poem]

**معلومات** **العضو** · 11-08-2009, 07:17 AM

صححح لسااااااانك واعتلى شانك قصيده رائعه
سلم بناااااااااااانك

**معلومات** **العضو** · 11-08-2009, 07:42 AM

صح لسانك قصيدتن جزله من واحدن جزل

**معلومات** **العضو** · 11-08-2009, 08:37 AM

ونا الحب عندي عز ماهوب فيه وفيـه=محبة نقا بالصـدق ماهيـب معوجـه
ودرب المراجل عادة الرجل ماتخطيـه=دليل على دعوى المعالي ولـي حجـه

**معلومات** **العضو** · 11-08-2009, 05:34 PM

نا الحب عندي عز ماهوب فيه وفيـه
محبة نقا بالصـدق ماهيـب معوجـه

الله الله بيت عن قصيددددة

وااافي يالسنافي

ابيات جزززلة وطيبببة

صح الله لسااانك واعتلى شانك وسلم بنانك

تحياتي لك

اختك

شهانهـ