الدوســــــ 502ــــــــري ؟؟؟

**معلومات** **العضو** · 26-10-2007, 02:38 PM

بسم الله الرحمن الرحيم
السلام عليكم ورحمة الله وبركاته....
امسي بالخير على جميع اعضاء منتدى الدواسر وزواره....
اخواني هناك ظاهرة او عاده بدأت تنتشر بين الشباب في الاونة الاخيرة
الا وهي الرمز الى القبائل برموز واحرف معينه ومخصصه لكل قبيله
مثل : 502 ـــــ للدواسر كافة
511ــــــــ لعتيبه
505ـــــــ لقحطان
707 ـــــ لغامد
وغيرها من الارقام التي ترمز للقبائل
وهذه الظاهرة رايتها وبكثرة بين الشباب حيث يقومون بوضعا في قزاز السيارة الخلفي
او على الصدام الخلفي او في اي مكان بالسيارة وقد رايتها اول الامر في المنطقه الشرقيه( النعيريه الدمام الخبر) وبدايتها كانت برمز 502 للدواسر ثم بعد ذلك اصبحت تظهر لنا الرموز المميزه لباقي القبائل ثم اصبحت اراها من فتره في الرياض.
وقد قرات مقال في احدى الصحف اليومية تذم هذه الظاهره وانها تؤدي الى العصبية القبلية
فما راي اعضاء المنتدى في هذه الظاهرة...
هل هم مع هذه الظاهرة؟؟ او ضدها؟؟
وماهور رايهم بوضع ابناء قبيلة الدواسر لـ502على سياراتهم؟؟
ارجو من الاعضاء ابداء الرأي حول هذا الموضوع لتعم الفائدة للجميع
وفي الختام اعتذر عن الاطاله وفي انتظار ارائكم.....
اخوكم: أحمد بن فهد البدراني الدوسري

**معلومات** **العضو** · 27-10-2007, 10:13 PM

اتمنى من الاعضاء التفاعل وابداء الراي

**معلومات** **العضو** · 27-10-2007, 10:25 PM

هذه الأرقام تدعوا إلى المشاحنة بين القبائل

**معلومات** **العضو** · 27-10-2007, 10:27 PM

انا مع الظاهره هاذي لان الزمن هاذا ما عد فيه احد غير متعنصر وخل نكون واقعين قبل يومين جا ولد عمي الي في الثنويه مطقوق من ناس سألته ليش قال علشاني دوسري ومن الي طقه ناس يمشون بالشارع اكبر منه بس شافوه كاتب على القزازه الخلفيه 502 رحت انا وخوه نتفاهم قالو دوسري ه قلت الله يهديك بس لا تتكرر احسلك قال خلاص طبعن ولد عمي الي بالثنويه رجع وبدا المشكله وجا ابو الولد وشرحتله السالفه قال ولا يهمك انا اوريهم يعني لابد من العنصريه يا اخي

**معلومات** **العضو** · 27-10-2007, 10:40 PM

صحيح يسبب بعض المشاحنات
ومالاها داعي أصلاً ...

**معلومات** **العضو** · 27-10-2007, 10:43 PM

اقتباس:

المشاركة الأصلية كتبت بواسطة عبدالله بن قويد

صحيح يسبب بعض المشاحنات
ومالاها داعي أصلاً ...

تدري اخوي انه بعظ الناس ما يعطي قبيله الدواسر اهتمام ولا هيبه وكثير اعرفهم كذا

**معلومات** **العضو** · 27-10-2007, 11:53 PM

اقتباس:

المشاركة الأصلية كتبت بواسطة شيخ بدران

تدري اخوي انه بعظ الناس ما يعطي قبيله الدواسر اهتمام ولا هيبه وكثير اعرفهم كذا

اذا تسمحون اعلق بس علي شيخ بدران (( الاهتمام والهيبه الدواسر فارضينها فرض علي الناس

بفعل يمناهم وعلومهم الغانمه.........مايطلبونها من احد ولاننطر احد يعطيني اياها ))

**معلومات** **العضو** · 28-10-2007, 12:01 AM

ذا الرمز على قلة صحه وش اللي حدني احط 502 على الموتر

يعني شوفوني يا عرب انا دوسري لا والله الناس خلها تشوف

فعلي ثم تدري اني دوسري

المهم انا ضد هذي الظاهره اللي اعتبرها غبيه

**معلومات** **العضو** · 28-10-2007, 04:02 PM

فهد العوسجي
شيخ بدران
عبدالله بن قويد
الزين ابو زيد الغييثي
لاهنتم وفي انتظار بقية الاراء

**معلومات** **العضو** · 28-10-2007, 04:25 PM

السلام عليكم ورحمة الله وبركاته

ياخوك انا كنت مشارك في منتدى للسيارة والاستعراض
شفت واحد حاط هذا الرمز او الرقم..على سيارة
للتمين بين الفرق السيارات أو القروب مثل مايسمونها..شباب التفحيط و الاستعراض
انا اشوفها ملها داعي..بس ما أتوقع تسبب التعصب لالا ماأضن تسبب التعصب

**معلومات** **العضو** · 28-10-2007, 04:29 PM

والله انا أشوف ان اللي يحطها فيه نقص وشاك بنفسه يمكن حاس انه مهب قبيلي أو فرحان بأنه قبيلي
خلاصة الموضوع أشوفها فتره وتعدي على الشخص لأن اللي يكتبها صغار في السن ومراهقين
فأشوف ماتستحق الذكر
وانا لا أؤيد هذي الظاهره فالرجل مهب بأصله وفصله الرجل بأفعاله
ويعطيكم العافيه

**معلومات** **العضو** · 28-10-2007, 05:41 PM

اخوي احمد البدراني

لا هنت على المشاركه الطيبه واستنكارك لهذة الظاهره الغريبه

لا تستغرب اخوي احمد من قلة التفاعل والردود لأن الموضوع مكرر

ويمكنك المشاركه على هذا الرابط

http://www.alduwasser.com/vb/showthread.php?t=11503

ودمت بود

**معلومات** **العضو** · 28-10-2007, 06:57 PM

اقتباس:

المشاركة الأصلية كتبت بواسطة الزين

اذا تسمحون اعلق بس علي شيخ بدران (( الاهتمام والهيبه الدواسر فارضينها فرض علي الناس

بفعل يمناهم وعلومهم الغانمه.........مايطلبونها من احد ولاننطر احد يعطيني اياها ))

القصيده الي في مدح القبايل وش تقول ؟
قوليلي

**معلومات** **العضو** · 28-10-2007, 08:05 PM

اخوي قاتل الوقت لاهنت على المرور وابداء الراي

اخوي هتلر مرحبا بك وتشرفت بمرورك

**معلومات** **العضو** · 28-10-2007, 08:08 PM

اخوي (( سالم الغريري )) ارحب ياولد عمي ترحيبة الام لولدها
تشرفت بمرورك.. والعذر والسموحة والله اني مادرين ان احد كتب مثل ذا الموضوع ولا انت يا سالم
ما عقب رايك راي يبن الصروم وتقبل اعتذاري
ولاهنت على المشاركة
اخوك : أحمد البدراني

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية