( الأمنيات الثلاث ) للشاعر سلطان المسعري

[معلومات العضو غازي المسعري]

بسم الله الرحمن الرحيم اخواننا اعضاء هذا المنتدى المتميز وزواره المتميزين حرصاً على تقديم كل ماهو متيمز ورائع وانطلاقاً من مبدئنا السامي وهو خدمة الشعر الجزل والموروث الشعبي يسرني ان أقدم هذه القصيدة الرائعة والذي لاقت نجاحاً منقطع النظير بعد انتشارها عن طريق تقنية البلوتوث وهي بعنوان ( الأمـنـيــــــات الـثــــــلاث ) للشاعر المتألق : سلطان المسعري فأليكم هذه الرائعة الفريدة

الله من قلبٍ همومه تلوفه=والهم والهاجوس عنده ولايف
واثّر على حال برته النحوفة=لاقلت هوّد جا من الهم طايف
قلب تمنا والليالي عيوفه=واصبح من احداث المقادير عايف
في كل يوم الحزن يصنع بروفة=وتنشر على الاخبار قبل الصحايف
سبت ثلاثٍ للمعنا كلوفة=تسوى مقاليد الشرف والوظايف
في وقتنا اللي مالقي له طروفه=هن لذة الدنيا وهن الطرايف
جند لهن قلب الشقاوي صفوفه =واصبح لهن باب الحنايا مسايف
الأولة جيب غريبة وصوفه=جيب على كيف الضمير المهايف
تصدير شركة فالخليج امعروفة=من البريمي كل مافيه كايف
لامن نهمته واستدارت بلوفه=بتقول حر فوق روس النوايف
وليا قفيته شفت طبعت حروفه=طبعت حروفه مثل توقيع نايف
اليا استوى المرواح محدٍ يطوفه=راعيه وقت الجد ماهو بخايف
يصنعه من نفسه عليه امعسوفه= يقود علم الصنع قود العسايف
حقق طموحاته وساوى رفوفه= تصتيع خبرة عمر ماهو بزايف
موتر غناويٍ يضيع ولوفه=ماهوب في صرف الدنانير رايف
وحسرت فقيرٍ حادياته ظروفه=لويتحسف ماتفيد الحسايف
والثانية نفسي عليها شغوفة=سود البكار اللي زهن السفايف
طفح اللواحي مبعدات الحسوفة=فنس الخشوم مكملات الوصايف
جرد الرقاب اللي ماهي بمعكوفة=اللي لها يوم الملاقا وقايف
كم شيخ قومٍ قد تذوّق حتوفه=من شانها يوم السنين العجايف
تذري عن الوقت الظلوم وصدوفه=لاصار في الدنيا علوم وجزايف
وعسا السحاب اللي تزبر قنوفه= واقبل من القبلة مزونه ردايف
يسقي ديارٍ شاكيات الحفوفة=مدهال ترعات الرقاب النوايف
وجميع عشبٍ في ثراها تشوفه=وشوف الخزامى والنفل فالحوايف
وصوت أم سالم كنه صوت امعزوفة= تسوى السياحة والسفر والمصايف
والثالثة غروٍ ملكني امعروفه=أبو الثمان القاتلات الرهايف
والعين شرٍ لي ولابه مروفه=من شوفها ذقت العنا والكلايف
لامن تكلم سحر بابل تشوفه= كنّه يخدرني بهمس الشفايف
وليا تنطحه الهوى في وقوفه= ادعي عسا يلتم شمل الولايف
يفداه من حناه خضب كفوفه= وتفداه خدرات البني العفايف
حبه ملك قلب المعنا وجوفه=وطبع حروفه في الضلوع النحايف
والقلب من غيره سريعٍ نكوفه=يوم ان حبه في العروق الصخايف
مشيت مع قلب صعيبة شفوفه=قلب يلوفه من هوى الزين لايف
وعزفت من بين الضلوع امعزوفة= لين اثّرت فهل القلوب النظايف
أثر السعادة بالهموم امحفوفة= وشيل الثقايل قبل شيل الخفايف
هذي مناتي والليال امخلوفة= قدام لا تطوى علي اللفايف

 

 

 

 

[معلومات العضو المحيط بن هادي]

شكراً ياغازي على هذه الرائعة في المبنى والسامية في المعنى
والشكر موصول للشاعر سلطان المسعري

 

 

 

 

[معلومات العضو أبو سعود الودعاني]

الله الله

اخي الكريم غازي المسعري

امتعتنا بهذه الرائعه

سلمت وسلمت يمينك

وصح الله لسان الشاعر الكريم

سلطان المسعري

وتقبل خالص ودي

 

 

 

 

[معلومات العضو غازي المسعري]

الاخ الغالي المحيط بن هادي


أسعدني مرورك


وتقبل تحياتي

 

 

 

 

[معلومات العضو غازي المسعري]

اخي الغالي أبو سعوووووود أشكرك على مرووورك ودمت ساااااااالماً

 

 

 

 

[معلومات العضو مبارك الخييلي]

	غازي المسعري الله لايهينك وجعل يمينك سالمه لنقلك هذه الرائعه وصح ألسان الشاعر الفذ والمتألق سلطان وجعله منها الى الأعلى أنشالله تقبل جزيل شكري والتقدير

 

 

 

 

[معلومات العضو غازي المسعري]

الاخ الفاضل / مبارك الخييلي شكرا على هذا الكلام الطيب ,,,,, ودائماً تسعدني بمررورك الجميل ,,,,, وتقبل تحياتي ,,,,,

 

 

 

 

[معلومات العضو سالم الحراجين]

قصيده جداا جميله ورائعه

اشكرك ياغازي المسعري على هاذا النقل

واشكر سلطان المسعري على هاذهي القصيده وصح السانه

وتقبل مروري الطيب

 

 

 

 

[معلومات العضو غازي المسعري]

الاخ سالم الحراجين .....

هذا واجبنا تجاه الشعر المتميز ,,,,

وشكراً على مرورك ولاهنت ,,,,,,

 

 

 

 

[معلومات العضو غازي المسعري]

شكراً للجميع على المرررررور

 

 

 

 

[معلومات العضو بدر بن صقر العجالين]

صح الله لسان الشاعر

( سلطان المسعري )

والله يحقق مطلبه ومراده إن شاء الله..

ومشكور ولاهنت يا

( غازي المسعري )

على القصيده

عسى الله يحقق مطلبك ومرادك انت بعد ان شاء الله..

والله يبيض وجيهكم يا لاد مسعر..

وتقبل تحياتي،،

 

 

 

 

[معلومات العضو غازي المسعري]

أخوي الغالي بدر العجالين لاهنت على المروووور وعسى يحقق لك مطلبك بعد ولا عليكم زود وتقبل تحياتي أخوك غازي المسعري

 

 

 

 

[معلومات العضو غازي المسعري]

center]شكراً للجميع على المرور غازي المسعري[/frame]

 

 

 

 

[معلومات العضو مخاوي الوادي]

لاهنت اخوي غازي على النقل
وصح لسان قايلها

 

 

 

 

[معلومات العضو غازي المسعري]

أخوي مخاوي الودي

لاهنت على المرور

وتقبل شكري وتقديري