اليامي والمصارير

[معلومات العضو خالد السنافي]

كان في وقت مضى رجال من قبيلة المصارير الدواسر يدخلون اليمن على سيارات كبيره(عايديات)وكان لهم صديق اختار خوتهم وترك كل القبائل يقال له مسرع ابوفقايا ال فطيح اليامي
وفي احد الايام حصل بان مسرع سافر اليمن مع شخص يقال له ابن ديك من جماعته وعندما دخلوا اول حدود اليمن تعطلت سيارة مسرع ابوفقايا وكانت مرسيدس كبير وقد قال ابوفقايا لخويه ابن الديك اسحبني ولكن اعتذر وكان عذره خائف على سيارته من ان تتعطل هي الاخرى او تسقط في رمال الربع الخالي الجنوبيه فقال اجل احرسها حتى احاول ان احصل على احد يساعدني وعندما ذهب ابوفقايا كان المصارير داخلين اليمن وعرفوا سيارة مسرع ابوفقايا وحصلوا ابن ديك عندها فقالوا اين مسرع ابوفقايا قال ذهب مع صاحب جيب الي منطقه يمنيه تسمى (البقع) لكي يحاول اسعاف سيارته فقام المصارير وقالوا سيارة مسرع سوف نسحبها حتى تدخل صناعية صنعاء وانت يابن اديك اخبره وسحبوا سيارة مسرع العايدي حوالي 800 كيلوا وكان الطريق رمال ثم يدخلون منطقة جبال شاهقه وكانوا يمرون بالقبائل القويه الخطيره في سلب الناس مثل دهم وعبيده ووايله وعندما رجع ابوفقايا حصل ابن الديك فقال اين ذهبت سيارتي قال خذواها المصارير وقالوا موعدك صناعية صنعاء الورشه وحددوا له اسم الورشه وقد وصلوا صنعاء وصلحوا سيارة خويهم
فقال مسرع ابوفقايا اليامي هذي القصيده :
حصلت ابن الديك في دربهم مكسوح ***يقول التراب لي يكزونه اعماني
مسيرآ مع اربع المصارير زاد الروح ***على وارد(ن) تفننت فيه للماني
الى علقوا بالفنس كن شيخهم مطروح***والي شفتهم بتقول كن بينهم شاني
مع شقة الريان شبوا لهن بالضوح ***تحدي لاهل جبهة عدن وابن هضباني
ابن هضبان شيخ قبيلة دهم واشرسهم قوه

 

 

 

 

[معلومات العضو عبدالله الحافر الغييثي]

صح لسانه والمدح مايزهى الا اهله ولاهي غريبه على لاد الحبيبي الفعل الغانم فهذي عوايدهم يامال المعزة لاهنت يالسنافي

 

 

 

 

[معلومات العضو محمد بن حمد الشكرة]

صح الله لسان الشاعر/مسرع ابو فقايا ال فطيح اليامي على قصيدته الجزلة ويستاهلون لاد الحبيبي العلم الغانم والناموس وهم كفون له بدون قصور في القبايل ولاهنت ياالسنافي على نقل القصة والقصيدة وعساك على القوة تقديري,,,

 

 

 

 

[معلومات العضو خالد السنافي]

الاخ خميس الغييثي
والاخ ابوحمد الشكره
تشرفت بمروركم العطر وكلامكم الذرب الطيب ولايستغرب منكم الجزل فانتوا كفوا ومن روس رجال وقبايل اخذت النعم
وفعال المصارير لكم وطولتكم للمصارير الاسم واحد والقبيله والسمعه وحده لو حاولوا ضعاف الرجال التقسيم البايخ الذي لم نسمع عنا الاقريب دمتم بالف خير

 

 

 

 

[معلومات العضو عامر النتيفات]

خالد السنافي

مثل هذا الفعل لا يستغرب على المصارير

وافين لاد الحبيبي وعند الخوي خاصه قل ان تجد مثلهم

وايراد مثل تلك اقصه مع بيتين شعر كاثبات هذى والله اللي يرتاح لها الانسان
لا قراها فعل واضح وقصيد في محله

تقبل جزيل شكري وتقديري

 

 

 

 

[معلومات العضو خالد السنافي]

الاخ وبن العم عامر النتيفات ماعليكم زود يشهد الله اني خويتكم عدة مرات داخل وخارج انكم غريبين بيطيبكم مع خويكم لك الشكر

 

 

 

 

[معلومات العضو شافي بن راشد النتيفات]

ارحب ياخالد السنافي

وهذا الفعل ما يستغرب على المصارير

فانا بنفسي من جرب ذلك كفو بلاد الحبيبي

عند الخوي وعند القصير وعند الضيف وفي جميع

العلوم الغانمة لهم بصمة معروفة اخوي خالد بيض الله

وجهك على نقل القصة والقصيدة التي تحسب للدواسر عامة تقبل مروري

 

 

 

 

[معلومات العضو خالد السنافي]

الاخ وبن العم شافي النتيفات شرفني مرورك
وانت وافي من وافين ولا عليكم زود دمت بخير

 

 

 

 

[معلومات العضو نايف الخييلي]

مسيرً مع الربع المصارير زاد الروح = على واردً تفننت فيه اللماني
اللى علقوا بالفنس كن شيخهم مطروح= والى شفتهم بتقول كن بينهم شاني
مع شقة الريان شبوا لهن بالضوح = تحدي لاهل جبهة عدن وابن هضباني

كفوا والله بـ لاد الحبيبي

ولاهوب غريبً عليهم هالفعل مع الخوي فهذا عندهم شرع وعاده

واكبر دليل سالفه المعيبيل مع خويه , وكل علوم المصارير تطلق الوجه وتنومس الدواسر

لاهنت يالسنافي واشكرك على طرح هالسالفه الطيّبه

 

 

 

 

[معلومات العضو خالد السنافي]

الاخ نايف مرورك اكبر فخر لي لاعدمتك

 

 

 

 

[معلومات العضو عبدالرحمن بن فلاح آل بريك]

السنافي بيض الله وجهك على نقل هذه القصه والقصيده لنآآ .

وكفوو والله بلاد الحبيبي وعلى فعلهم اللي يبيض الوجه ..

 

 

 

 

[معلومات العضو خالد السنافي]

الاخ عبدالرحمن ال بريك ووجهك ابيض ولا عليكم زود يابني عمي يسرني مرورك ولك الشكر