|
|||||||
11-11-2005, 07:30 AM
|
#1 | ||||
|
قصيده نادره جدا تؤرخ تاريخ البدارين السدارا في عمان
هاذي قصيده هامه جدا من ناحية قيمتها التاريخيه..تؤرخ تاريخ شبه مفقود.. تاريخ السدارا في عمان.. ليس فقط هذا .. بل تاريخ الدولة السعودية الثانية في تلك الجهات..قصيدة لم تنشر في السعودية في اي كتاب.. واكثر السدارا انفسهم ما يعرفونها الاالشياب..مصدري نسخه من القصيده مصوره من المكتبه الوطنيه في البحرين..كما اني سمعت بعض ابيتها من لسان المرحوم الامير مساعد الاحمد السديري في مجلسه بالغاط..
ياالله يا مغني الرجال المفاليس = يامنبت ني الشحم بالفقاير [/poem][/poem]ياخير مطلق احبال المحابيس = آمنت بك يا عالم بالسراير افرج لقلب داخل به هواجيس = كنه يقلا فوق حامي الصهاير من صاحب عنا اعلومه مراميس = ناس الخبر وانا اترجى البشاير اللي ثليله فوق ردفه دبابيس = متعكرش من فوق مثل الزباير ورد و جوخ خالطه كالقراطيس = بالعون فكري بعد فرقاه حاير ما ياصلنه مسمنات العراميس = الا شحمهن مابقى له ذخاير حنا تعوضنا بكسب النواميس = والحمد للوالي لما راد صاير وثيابنا ماهيب تصبح نواريس = الا من البارود فيها غثاير ما ناب من يلهى بكثر المعاريس = كيفاتنا من فوق عوص فطاير نسري الى من الدجى جا خراميس = من فوق ما يحتاج ضرب المساير نزوى سهجناها بحد العبابيس = غصب عليهن لين رد المخاير ياما وطيناهم بوسط المتاريس = من فوق قب ما علقهن بناير وطيت منهم خمسة بالملاميس = وعندي على هذا شهود براير خيالة ياوي والله مداعيس = لو هو ينفل من ركض بالبراير لا شك واسوهم بناس نواريس = بناية المجلس بهرج الفشاير وجينا لشي ماتجيه القرانيس = عن راس رجمه ينثني كل طاير النو خالفنا نشوفه مغاليس = على الوطا يمطر وحن بالحجاير ودسنا لدرب للعرب ما بعد ديس = غصب على وجه الخبيث المغاير حنا وطينا له بعزم وتهويس = وهو بنا سوى لك الله عباير ياما تركنا فيه هجن مراويس = وخيل تركناها ولا هي خساير وقمنا نبشر بالسهل و الطعاميس= من شين ما جينا عساها ستاير واخيلنا اللي كنها في محاميس= حتى تهاتف من عرقها مطاير هاذي سواة امبعدين المناييس = اللي على القادي تجر الجراير نجرها في دار قو م مناجيس = على النقا نمشي بيان جهاير دار السعيدي فيه شبت مقابيس = سووا بها ربعي لهوب السعاير غرنا صحم و صحار و ام قيس = وهو ببركه باني له حضاير لو هو تريض لين جينا كراديس = لازم على السيد تروح الكساير حتيش لو حط العجم و الكبابيس = حنا على شوفه نسوق البشاير هذا جزا من باعنا بالبهانيس = وخذ العوض بربوعنا كل باير وديارنا ما حط دونه حراريس = حامينها بمصقلاتن طراير في شف شيخ ما طرا بالدنافيس = خيالنا يوم اشهب الملح ثاير ساجر وابو نايف وشيخ السناعيس = نادوا عليه الخيل فوق الحراير ايضا وابن هذال خوف الخماميس= تخمس نياقه في رشاش الزباير الا وابن شعلان هجنه مقاويس = حفيا ومن طول التنايف جماير وجميع شيخان القبايل ملابيس = صاروا بحكم السبا في العشاير من ولب من هد الصعب والمطاويس= ومن خوف سيف جاير بيد جاير يتلاه صبيان و قب نواعيس = وفي ساقته يلقى من المال خاير وعقب النياق المجهمه جت حراريس = زمايل تعقل واهلها نحاير يا شيخ يا مردي لشيب النسانيس = من حاربك عمس النظر والبصاير اشكي عليك الحال ما نيب بليس = والحظ يا فرز الوغى بات باير من يمكم يا كاسبين النواميس = غاد عور ويصفقه كل عاير الى عاد لا بخس ولابي حواسيس = ولا نيب بالذله على الربع شاير آمنت باللي يدجي الزرع والخيس = الخيير اللي رازق كل طاير ذا قول من لا طاوع النفس وابليس = مستعصم بالله وبالحجر جاير ما قل دل وحاجتي ياهل العيس = معكم على شيب كبار الحصاير باهوم واترك لي هموم وهواجيس = والشح بالدنيا واخيره سفاير وصلوا على من خصه الله بتلبيس = محمد جا بالبشر والنذاير وجينالشي ما تجيه القرانيس/ هذا وصف للجبل الاخضر في عمان السعيدي/الاسره المالكه في عمان صحم و صحار و ام قيس و بركه/ مواقع معروفة في عمان حتيش لو حط العجم و الكبابيس/عمان كانت محميه بريطانيه او برتغالية على ما اظن ساجر/اظنه ساجر الرفدي ابو نايف/ماادري شيخ السناعيس/اظن انه الامير عبيد الرشيد ابن هذال/ شيخ العمارات العنوز ياشيخ يا مردي لشيب النسانيس/اظنه يقصد الامام عبدالله بن فيصل بن تركي بن عبدالله آل سعود.. الله اعلم تمنياتي ان يشاركني اعضاء المنتدى في تحليل هذه القصيده وفك طلاسمها التاريخيه.. مع العلم على حسب ظني انها سبق لمنتديات قبيلة الدواسر..
|
||||
|
|
|
|
11-11-2005, 07:46 AM
|
#2 | ||||
|
غرنا صحم وصحار وشناص وام قيس = وهو ببركه باني له حضاير
سهوا نسيت كلمة شناص من الشطر وهي احد الماقع في عمان.. وهو في الشطر الثاني المقصود فيه البو سعيدي حاكم عمان..
|
||||
|
|
|
|
11-11-2005, 07:42 PM
|
#3 | ||||
|
بيض الله وجهك يابوسالم
|
||||
|
|
|
|
11-11-2005, 08:39 PM
|
#4 | ||||
|
حيا الله ابو زيد.. مشكور اخوي على مشاركتك..
|
||||
|
|
|
|
11-11-2005, 10:36 PM
|
#5 | ||||
|
السلام عليكم ورحمة الله وبركاته اخواني حبيت اذكر السدارا الي بالمنطقه الشرقيه وهم مع بني خالد بمدينه عنك وبالثقبه ومنهم المرشد والقضيب والسكران والزهمول والعامر وال عبدالعالي والرشيد منهم من سجل خالدي ومنهم من احتفظ بالسديري وهم معروفين ومنهم ولهم علاقه بالبحرين بسبب قربها ومنهم شعار كثيرين ولا اقول هذه القصيده لهم بل ربما لانهم شاركوا بني خالد عده معارك في شمال الجزيره وجنوبها وبحرها ايضا اخوكم فيصل المسعري
|
||||
|
|
|
|
11-11-2005, 11:07 PM
|
#6 | ||||
|
شكرا اخوي فالك طيب على اجتهادك وذكرك لي هالمعلومات المفيده. لكن احب اقو لك اني متاكد من ان القصيده هاذي لاحمد السديري الملقب بالكبير او لابنه تركي.. لانه معروف ان الاب و ابنه حكموا عمان لحساب ائمة الدولة السعودية الثانية.. كما هو مذكور في كتاب عنوان المجد في تاريخ نجد لابن بشر النجدي.. ومركز امارتهم في منطقة البريمي بين عمان والامارات..
|
||||
|
|
|
|
12-11-2005, 03:53 PM
|
#8 | ||||
|
ياالله يا مغنـي الرجـال المفاليـس =يامنبـت نـي الشحـم بالفقـايـر ياخير مطلـق احبـال المحابيـس=آمنت بـك يـا عالـم بالسرايـر افرج لقلب داخـل بـه هواجيـس=كنه يقلا فـوق حامـي الصهايـر من صاحب عنا اعلومه مراميـس=ناس الخبر وانـا اترجـى البشايـر اللي ثليلـه فـوق ردفـه دبابيـس=متعكرش من فوق مثـل الزبايـر ورد و جوخ خالطـه كالقراطيـس=بالعون فكري بعـد فرقـاه حايـر ما ياصلنـه مسمنـات العراميـس=الا شحمهـن مابقـى لـه ذخايـر حنا تعوضنـا بكسـب النواميـس=والحمـد للوالـي لمـا راد صايـر وثيابنا ماهيـب تصبـح نواريـس=الا مـن البـارود فيهـا غثـايـر ما ناب من يلهى بكثر المعاريـس=كيفاتنا من فـوق عـوص فطايـر نسري الى من الدجى جا خراميـس=من فوق ما يحتاج ضرب المسايـر نزوى سهجناهـا بحـد العبابيـس=غصب عليهـن ليـن رد المخايـر ياما وطيناهـم بوسـط المتاريـس=من فوق قب مـا علقهـن بنايـر وطيت منهـم خمسـة بالملاميـس=وعندي على هـذا شهـود برايـر خيالـة يــاوي والله مداعـيـس=لو هو ينفل من ركـض بالبرايـر لا شك واسوهـم بنـاس نواريـس=بنايـة المجلـس بهـرج الفشايـر وجينـا لشـي ماتجيـه القرانيـس=عن راس رجمه ينثني كـل طايـر النـو خالفنـا نشوفـه مغالـيـس=على الوطا يمطر وحـن بالحجايـر ودسنا لدرب للعرب ما بعد ديـس=غصب على وجه الخبيث المغايـر حنا وطينـا لـه بعـزم وتهويـس=وهو بنـا سـوى لـك الله عبايـر ياما تركنا فيـه هجـن مراويـس=وخيل تركناهـا ولا هـي خسايـر وقمنا نبشر بالسهـل و الطعاميـس=من شين ما جينـا عساهـا ستايـر واخيلنا اللي كنهـا فـي محاميـس=حتى تهاتف مـن عرقهـا مطايـر هاذي سـواة امبعديـن المناييـس=اللي على القـادي تجـر الجرايـر نجرها فـي دار قـو م مناجيـس=على النقـا نمشـي بيـان جهايـر دار السعيدي فيه شبـت مقابيـس=سووا بها ربعي لهـوب السعايـر غرنا صحم و صحـار و ام قيـس=وهو ببركـه بانـي لـه حضايـر لو هو تريض لين جينـا كراديـس=لازم على السيـد تـروح الكسايـر حتيش لو حط العجـم و الكبابيـس=حنا على شوفـه نسـوق البشايـر هذا جـزا مـن باعنـا بالبهانيـس=وخذ العوض بربوعنـا كـل بايـر وديارنا ما حط دونـه حراريـس=حامينهـا بمصقـلاتـن طـرايـر في شف شيخ ما طـرا بالدنافيـس=خيالنا يـوم اشهـب الملـح ثايـر ساجر وابو نايف وشيخ السناعيـس=نادوا عليه الخيـل فـوق الحرايـر ايضا وابن هذال خوف الخماميـس=تخمس نياقه في رشـاش الزبايـر الا وابن شعـلان هجنـه مقاويـس=حفيا ومن طـول التنايـف جمايـر وجميع شيخـان القبايـل ملابيـس=صاروا بحكم السبـا فـي العشايـر من ولب من هد الصعب والمطاويس=ومن خوف سيف جاير بيـد جايـر يتـلاه صبيـان و قـب نواعيـس=وفي ساقته يلقى من المـال خايـر وعقب النياق المجهمه جت حراريس=زمايـل تعقـل واهلهـا نحـايـر يا شيخ يا مردي لشيب النسانيـس=من حاربك عمس النظر والبصايـر اشكي عليك الحال ما نيـب بليـس=والحظ يا فرز الوغى بـات بايـر من يمكم يـا كاسبيـن النواميـس=غاد عـور ويصفقـه كـل عايـر الى عاد لا بخس ولابي حواسيـس=ولا نيب بالذله على الربـع شايـر آمنت باللي يدجي الزرع والخيـس=الخييـر اللـي رازق كـل طايـر ذا قول من لا طاوع النفس وابليـس=مستعصـم بالله وبالحجـر جايـر ما قل دل وحاجتي ياهـل العيـس=معكم على شيب كبـار الحصايـر باهوم واترك لي هموم وهواجيـس=والشـح بالدنيـا واخيـره سفايـر وصلوا على من خصه الله بتلبيـس=محمـد جـا بالبشـر والنـذايـر مشكور أخوي وماقصرت
|
||||
|
|
|
|
12-11-2005, 04:27 PM
|
#9 | ||||
|
الأخ العزيز ابوسلمى
|
||||
|
|
|
|
12-11-2005, 06:14 PM
|
#10 | ||||
|
شكر
السلام عليكم ورحمة الله وبركاته اشكر الاخ ابو سلمى على مجهوده الطيب ولاشك ان اسرة السدارى اهل تاريخ ومجد يستحق العنايه والكتابة فيه واخيرا ارجو منك اتحافنا بالجديد وشكرا لك اخي الكريم
|
||||
|
|
|
|
14-11-2005, 08:45 PM
|
#12 | ||||||||
|
مشكور اخوي ع المشااركه
|
||||||||
|
|
|
|
20-04-2006, 02:50 PM
|
#13 | ||||
|
رد: قصيده نادره جدا تؤرخ تاريخ البدارين السدارا في عمان
مشكور اخى على القصيدة
|
||||
|
|
|
|
27-05-2008, 02:54 AM
|
#14 | ||||
|
رد: قصيده نادره جدا تؤرخ تاريخ البدارين السدارا في عمان
مشكور أخوي على القصيدة الرائعه
و هي خلافاً لما ذكرت لقد وردت في كتاب روضة الشعر وهو فعلاً موجود في مكتبة البحرين الوطنية و لكن لم ترد في في مرجع آخر حسب علمي تشكر على مجهودك الطيب
|
||||
|
|
|
|
27-05-2008, 03:22 PM
|
#15 | ||||||
|
رد: قصيده نادره جدا تؤرخ تاريخ البدارين السدارا في عمان
الأخ العزيز ابوسلمى
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:05 AM
