ياباغي العليا لها عشرة ابنود=سجل وانا بمليك واحفظ عددها

[معلومات العضو خالد المشاويه]

بسم الله الرحمن الرحيم

السلام عليكم ورحمة الله وبركاته


قصيدة من اجمل ما قرأت ...

ياباغي العليا لهـا عشـرة ابنـود


سجل وانا بمليـك واحفـظ عددهـا

من شان مايلحقك عيبـن ومنقـود


احفظ وصاتي والوصـاه اعتمدهـا

اوصيك قبل الجسم يدبيبـه الـدود


في حفرتـن لابـد نسكـن لحدهـا

دنيا العنا فيهـا مشاريـب وعـدود


وكم واحدن له حاجتـن ماوجدهـا

عليك بالتقوى ترا العمـر محـدود


واردع هوى النفس الدنيـه وقدهـا

واحفظ صلاتك تكسب الرزق والفود


تكسب مكاسيـب الحيـاه وسعدهـا

وصوم رمضان وزك يالشامخ الطود


ترا البيـوت النايفـه مـن عمدهـا

وجالس هل التوحيد والعز والجـود


واتـرك مقاريـد العبـاد وقردهـا

الي على التفريق ياتونـك احشـود


فصيلتن دب الجهـل فـي جسدهـا

واحسن جوار الجار لو كان مقـرود


لـو جـار نفسـك لاتبيـن نكدهـا

والضيف عطه الطيب والطيب مردود


اكسـب جنـاب الطيبيـن وسندهـا

عقب الشحم والبـن قدملـه العـود


حيثك من الي مـن لفاهـا حمدهـا

وبنت الردي لو هي زلالن وقرهـود


حـذراك تقربهـا وتمسـك بيدهـا

خذ بنت قرمن عند الاجواد محمـود


لا جا نهار الهـوش بيـن ولدهـا

وزلة رفيقك لالفـت دون مقصـود


لاتمسـك الزلـه وهـو ماقصدهـا

ثـلاث مررهـا ولا شـك بشهـود


والرابعه شـب الحطـب لاوردهـا

هذي عشر وان كـان تبغينـي ازود


سجل على عشر الوصايـا وزدهـا

الظلم شين وتالـي الظلـم مـردود


والغيظ شيطـان القلـوب وكبدهـا

والصمت زينه والحكي سيف محدود


والحقـد غيمـه والتباغـظ بردهـا

فكر وميز واعرف البيض والسـود


واحذر قلوب الحاسديـن وحسدهـا

يابوك بين الناس طـارد ومطـرود


ماتجهلك بعـض الحـرار وهددهـا

وان ضامتك دنياك واصبحت مضهود


فاطلب من المولـى يحلـل اعقدهـا

الواحد الـي كلبينـا لـه اسجـود


الي جميع اعمـال خلقـه رصدهـا

هذي نصيحه وانت معطيني اوعـود


واهل الوفى والعرف توفي وعدهـا

قدمتها بالمسـك والطيـب والعـود


زرعتها لك زرع وانـت اتحصدهـا

حميتها مـن دون ملحـن وبـارود


خوفـن عليهـا المنتقـد ينتقدهـا

وختامها العليا لها اشـروط وبنـود


يالـي تبـا العليـا تمعـن وعدهـا

 

 

 

 

[معلومات العضو شافي بن راشد النتيفات]

بيض الله وجهك يابوغازي اشهد بالله انك تنقيت الله لايهينك

 

 

 

 

[معلومات العضو محمد بن سالم الخضراني]

اخوي الشاعر خالد المشاويه بيض الله وجهك على الانتقاء الطيب وهذي القصيده تدل على ذوقك الرفيع وطيب اخلاقك

تقبل مروري وتحياتي

 

 

 

 

[معلومات العضو مبارك بن شافي النتيفات]

خالد المشاويه

سلمت يمناك على النقل المميز

اختيار رااائع وذوق رفيع

صح لسان شاعرها

دمت وسلمت يامبدع

 

 

 

 

[معلومات العضو خالد المشاويه]

اقتباس:المشاركة الأصلية كتبت بواسطة شافي النتيفاتبيض الله وجهك يابوغازي اشهد بالله انك تنقيت الله لايهينك

ووجهك يابوشالح ومن قال ماهان شاكر تشريفك المتصفح