الدوسري عن عشر وديان.....

[معلومات العضو الحربي.]

سلام عليكم ورحمة الله وبركاته..

مساء جميل لــــ رجال الكرم والجود الدواسر..

هذي قصيده لي كتبتها بعد زيارتي لأول مره لديار الكرم [ وادي الدواسر]

كتبتها حينما اذهلني كرم الرجال // وانا كلي ألم بأنني لم اقبل عزايمهم

لأني كنت على سفر كنت اتمنى شرب فنجال القهوه بمجالس الكرم // ما شاء الله

عليكم يا اهل الوادي..

اتمنى لمن يسكن بالوادي مراسلتي على الخاص ..اريده يوصل القصيده لـــ رجال ذاك الحي الذي يوصف جميع احيا وادي الدواسر..

بسم الولي انظم القيفان=قافٍ على قـــاف وابيــــــــها
قصيدةٍ تدبـــــــل الميزان=يــــــــم الدواســـــر قوافيها
صيت الفعول الجزيله بان=وانـــــا ذكــرت بمرابيــــها
مجالسٍ للـــــــكرم عنوان =ولد الردي ما قلط فيــــــها
دلالهم صفر من عمان=والكيف من صنعا مشريها
قالوا لــ حايل كرم شجعان=وقولي من الوادي قانيهــا
وادي لطيب الفعول ازمان=والطيـــب ساسه سواديها
الدوسري عن عشر وديان=يـــــــــاكبر طنخة اهاليها
اعيالهم نسل لـــــــ كحيلان =وجدانهــم رمز وافيـــــها
يم الدواسر انــــــــا حيران=ياكيف ابوفي معانيـــــها
تربطني ابهم نسل جدان=زايد بأبيار ماشيــــــهـــا
حربي انا من نسل بدران=ماني بنــــــاسي اهاليها

15 // 12 // 1429


ليله قمريه جميله بوادي الكرم والجود // لن انساها ما حييت


محمد الطحش البدراني الحربي

 

 

 

 

[معلومات العضو راشد المسعري]

ارحب تراحيب الحيا يالبدراني وصح لسانك ملايين ، وبيض الله وجهك ووجه اهل الوادي واحد واحد وهذا واجبهم واللي سووه قليل في حقك أو في حق أي ضيف أو صديق أو رفيق يزورهم في دارهم. ولو إنك تممت للرجال وخليتهم يكملون واجبك لكان أسعد الاوقات وابرك الساعات عندهم ، لكن بإذن الله إنك تعوضهم في اقرب فرصة تزور فيها الوادي أو أي ديرة من ديار الدواسر.
تقبل ودي وتقديري يالغالي ،،،

 

 

 

 

[معلومات العضو صبي آل عريمه]

ارررحب يالبدراني الحربي

ونت مثل ماقلت تربطني ابهم نسل جدان

.......زايد بأبيار ماشيــــــهـــا

وصح لساانك ووافي يالقرم وابيض وجه

 

 

 

 

[معلومات العضو فهد الغريري]

الشاعر الكبير والاخ الفاضل " الحربي " اررررحب ترحيب البدو للمطر صح الله السانك وعتلا شانك وزادك الله من زواد فضله شاعر بما تعنيه الكلمه اخي الكريم وكم يفتخر هذى المنتدى الكريم ان يكون بين جنباته شاعر شرواك ويستاهلون اهل الوادي الناموس جعلهم المعزه ونتتظر جديدك المميز اخي العزيز تقبل مني فائق التقدير والاحترام في مقامك العالي اخوك / فهد الغريري,,

 

 

 

 

[معلومات العضو أبـ ريماس ـو]

صح لسانك اخوي الحربي و نعم بلابتك حرب وماعليك زود و انت شاعر رائع تسلم على ما ابدعته تقبل شكري

 

 

 

 

[معلومات العضو احمد الشختلي]

صح الله السانك وعتلا شانك

وزادك الله من زواد فضله . .

شاعر بما تعنيه الكلمه اخي الكريم

تحياتي لك

 

 

 

 

[معلومات العضو محمد الولامين]

ارحب يالحربي

ماعليك زود يالامير

وونعم فيك وفي ربعك وصح لساانك وبيض الله وجهك

 

 

 

 

[معلومات العضو كلاش]

المشاركة الأصلية كتبت بواسطة الحربي.

سلام عليكم ورحمة الله وبركاته..

مساء جميل لــــ رجال الكرم والجود الدواسر..

هذي قصيده لي كتبتها بعد زيارتي لأول مره لديار الكرم [ وادي الدواسر]

كتبتها حينما اذهلني كرم الرجال // وانا كلي ألم بأنني لم اقبل عزايمهم

لأني كنت على سفر كنت اتمنى شرب فنجال القهوه بمجالس الكرم // ما شاء الله

عليكم يا اهل الوادي..

اتمنى لمن يسكن بالوادي مراسلتي على الخاص ..اريده يوصل القصيده لـــ رجال ذاك الحي الذي يوصف جميع احيا وادي الدواسر..

=قافٍ على قـــاف وابيــــــــها
=يــــــــم الدواســـــر قوافيها
=وانـــــا ذكــرت بمرابيــــها
=ولد الردي ما قلط فيــــــها
=والكيف من صنعا مشريها
=وقولي من الوادي قانيهــا
=والطيـــب ساسه سواديها
=يـــــــــاكبر طنخة اهاليها
=وجدانهــم رمز وافيـــــها
=ياكيف ابوفي معانيـــــها
=زايد بأبيار ماشيــــــهـــا
=ماني بنــــــاسي اهاليها

15 // 12 // 1429


ليله قمريه جميله بوادي الكرم والجود // لن انساها ما حييت


محمد الطحش البدراني الحربي

يامرحبا فيك ياذيبان=اعداد ماطر مناشيها
تحيةٍ تروي الضميان=أقولها لك وأثنيّها
القلب يالطحش لك مسكان=بين الضلوع ومحانيها
ضيفٍ معزّز ومن عربان=كلن يسمّي بساميها
عيال بدران مروي الزان=محدن يقرّب حراويها
تشهدلهم ماضي الاكوان=لا عادها الله وماضيها
والا أنت يامعرّب الجدان=ألي تنومس عزاويها
وافي ومشكور ياكحيلان=وياقل هالوقت وافيها

 

 

 

 

[معلومات العضو سالم بن صمهود]

وونعم فيك وفي ربعك وصح الله لساانك وصح الله لسان كلاش

 

 

 

 

[معلومات العضو المطنوخه]

الدوسري عن عشر وديان ياكبـر طنخـة اهاليهـا اعيالهم نسـل لـكحيـلان وجدانهـم رمـز وافيهـا يم الدواسـر انـا حيـران ياكيف ابوفـي معانيهـا تربطني ابهم نسـل جـدان زايـد بأبيـار ماشيهـا حربي انا من نسل بـدران مانـي بناسـي اهاليهـا

صح لسااااااانك يالحربي والنعم فيك وفي ربعك تسلم يمنااااااك... وصح لسااااان الشاعرالمتميز كلااااااااش..

 

 

 

 

[معلومات العضو فيصل الشكري]

صح لسانك يامحمد على الابيات الوافية واهل الوادي دايما يحرون بالعوم الطيبه


وصح لسان الشاعر كلاش على الرد الوافي


وبيض الله وجيهكم


وتقبلوا تحياتي ,,

 

 

 

 

[معلومات العضو الزين]

صـــــــــــــ لسانك ــــــح وبيض اللهـ وجهك يالحربــــــــــي

 

 

 

 

[معلومات العضو بدر بن صقر العجالين]

صح الله لسانك يالحربي كفيت ووفيت وانا كنت بجاريك لكن ذيبنا ( كلاش ) ما قصر فـ صح الله لسانك يالحربي وصح الله لسان المبدع ( كلاش ) ..

ونيابة عن ربعي هل الوادي أقولك يالحربي الوادي اعتبره ديرتك وحياك الله بأي وقت وصدقني المحل محلك ولن تلقى منهم غير الكرم والطيب لأنهم أساسا أهل الكرم والطيب عن بكرة أبيه,,

أشكرك على كلامك الطيب يالحربي وقصيدتك ان شاء الله بتوصل لربعنا فالوادي...

وأتقدم بجزيل الشكر لهل الوادي الأسود الذين بيضوا وجيهنا ورفعوا رؤوسنا أمام هذا الرجل ( الحربي ) ولا على حرب زوود..

مشكورين مشكورين ياهل الوادي بيض الله وجيهكم ولا تبعتوا..

وتقبلوا تحياتي..

أخوكم
( بدر بن صقر العجالين )

 

 

 

 

[معلومات العضو الحربي.]

راشد المسعري..
هلا والله بـــ ابيض الوجه..تسلم يا الغالي..


والله وانا اخوكـ..عاقني السفر عند عزيمة الرجال ..


ولا احد يعزمة دوسري ويتعذر ..والله انه اكبر شرف للواحد عزايمكم..


صح بدنكـ يا رفيق ..كفووو بكـ

 

 

 

 

[معلومات العضو الحربي.]

صبي ال عويمر

صح بدنكـ يا النشمي ..


ابيض وجه..يا رفيق..