دواسرا" وقت الشدايد ...

**معلومات** **العضو** · 09-03-2010, 02:39 AM

السلام عليكم ورحمة الله وبركاته ..

أخواني وبني عمي الدواسر ..

حبيت أطرح بين أياديكم .. قصيده لي كتبتها هالأيــام ..

ويـاليت من أخواني الشعراء الكبار يبدون رائيهم في القصيده وأي خطاء يعلقون عليه

ومانزلت هالقصيده الا ابي اشوف نقدكم في القصيده .. والخطاء من الصح ..

.................................................. ..........

وطرت علي القصيده .. بما انه راح الشتاء والربيع .. وأقبل علينا القيض ..

وجت ربطة الطيووور .. وراحت أوقات المقانيص .. الله يعيدها علينا وياكم بالخير

وطبعا؟ بداية القصيده في طيري (( عـديـم ))

وحاولت أنزل القصيده قبل فتره في المنتدى ولكن عضويتي ماتفعلت .. ونزلتها في

منتديين أخرى .. وكان ودي والله أنزلها من زمان في منتدى الدواسر ..
v
v
v
عديم انا عقبك ترى ماني بخير .. لاذكرتك زاد حزني واللتياعي
متى علينا يظهر سهيل ونسير .. واسج رجلي وتبرى معك الاوجاعي
وتلج لبرق الجناح التباشير .. واجيك من اقصى نجد حادر و فزاعي
واهد عوقها ولايحتاج له تضيير .. تربض ليا شافته خوفا" على القاعي
أبيض نحر أفجح وساقه قصير .. ودقات صدره الذهب فيه ضاعي
وشلايله مايبيلها زود تصوير .. شعر الهنوف اليا انتثر عالوساعي
له في حشى جوفي معزه وتقدير .. ابيع حالي فدوته ولا يباعي
من عزته عايش بعالي المواكير .. تكسر اذا ماشالتك دوم اذراعي
وانا من الي عاشقين المغاتير .. ربعي هل الطولات في كل ساعي
دواسرا" وقت الشدايد معاسير .. نارد حياظ الموت وردة وداعي

وسلامتكم ..

أرجو أن تحووز على رضاكم ..

سلطان مساعد الغييثات الدوسري

**معلومات** **العضو** · 09-03-2010, 06:15 AM

عديم انا عقبك ترى ماني بخير .
.. ذكرتك وزاد الحزن وإللتياعي
متى علينا يظهر سهيل ونسير ..
.واسج رجلي وتنبري له أوجاعي
وتلجّ بي لأ ابرق جناح التباشير ..
. واجيك من نجد العذية هزاعي
واهد عوقن ولا يحتاج تضيير ..
. تربض ليا شافته من خوف قاعي
أبيض نحر أفجح وله ساقن قصير..
. دقات صدره بالذهب فيه ضاعي
وشيّاله اللي مايبي زود تصوير ..
. شعر الهنوف اليا انتثر عالوساعي
له في حشى جوفي معزه وتقدير .
.. ابيع حالي فدوته ما يباعي
من عزته عايش بعالي المواكير .
.. تكسر إذا ماهي تشيله اذراعي
وانا من الي عاشقين المغاتير .
.. ربعي هل الطولات في كل ساعي
دواسرا" وقت الشدايد معاسير .
.. نارد حياض الموت وردت وداعي
××××××××××××××××××

صح الله لسااانك ياسلطان
وياليت وانا اخوك لةتشيله بلحن وانا اخوك
بحسب الطرق اللي كاتب غليه..
مثلا" القصيدة ذي على المسحوب
تشيلها على لحن خالد عبدالرحمن
وش تنتظر يامحرق القلب بالنار
لانه افضل لحن يوضح خلل المسحوب
لان فيه الحان على المسحوب وتغر كاتبها
وعليك وانا اخوك بحفظ قصايد لغيرك
تراها تقوي التعود على الاوزان والبحور
وارجع اقول صح الله لسانك وكل موهبة تنصقل
وانا اخوك وانت لديك الموهبة وعليك صقلها ياسلطان
لاتحرمنا جديدك والقصيدة بإذن الله كما اوردتها موزونة..
تقبل مروري المتواضع لاهنت..

**معلومات** **العضو** · 09-03-2010, 03:08 PM

سلطان بيض الله وجهك ومحاولات جيدة وكلام مبارك بن الجوير في محلة حاول ان تأخذ به وتطبقه تقبل مروري واشكرك على استعدادك لتقبل النقد الهادف فأنت رجل مثالي ومن رجال نفتخر فيهم

**معلومات** **العضو** · 09-03-2010, 04:47 PM

صح السانك قصيده راقت لي

تحياااااااتي لك

**معلومات** **العضو** · 09-03-2010, 10:17 PM

صح لسانك

فصيده كفوو وفوق الكفو

راقت لي

واذا على النقد دورت ولا عينت

احترامي وتقديري

**معلومات** **العضو** · 10-03-2010, 11:40 AM

الله لايهينكم جميع ..

أخوي مبارك بن الجوير .. الله لايهينك على النقد .. وأتقبل نقدك وتعليقك بكل صدرا" رحب .. وأنـا مانزلت هالقصيده الا علشان اشوف نقدكم

أنا شلت هالقصيده بلحن أغنية خالد عبدالرحمن .. حبيلك أكبر من جميع التواصيف ..

وضابط معي اللحن ..

أنت عدلت في القصيده .. وغيرت كثير من المعاني

مثل .. هالشطر .. (( وتلجّ بي لأ ابرق جناح التباشير))

تحس انه ناقص أو فيه خلل .. وماله اي معنى ..

وهالشطر بعد (( تربض ليا شافته من خوف قاعي ))

نفس الطريقه .. ماله اي معنى .. من خوف قاعي مدري وشلوون تجي ..

والشطر هذا .. (( وشيّاله اللي مايبي زود تصوير ))

أنا مدري وش قصدك بالشطر هذا .. أنت تقصد الي يشيله أو وش مدري ؟

لأن مقصدي هي الشلايل .. الريش الي يغطي رجل الطير ..

وعلى كل حال بيض الله وجهك يامبارك .. وأستقبل نقدك بصدرا" رحب ..

شافي النتيفات .. وجهك أبيض والله لا يهينك على المرور

أبوفهد الغييثي .. صح بدنك .. والله لايهينك على المرور

هادي الغييثي .. الله لايهينك على المرور ..

ودمتمـ بخير جميعا"

**معلومات** **العضو** · 10-03-2010, 12:25 PM

ابومساعد مرحبا والله ومسهلا يالقرم
صح لسانك واعتلى شانك ياكحيلان وياحبي للرجال اللي واثقن في نفسه وفي شاعريته
ويطلب النقد من الشعار لان هذا يدل على ان الشاعر يبي يتعلم من تجربة غيره وهذا هو الشاعر اللي يبي يطور مستواه ماهوب مثل بعض القصّاده اللي يقيمون الدنيا ولايقعدونها عندما يوضح لهم خطاء بسيط في قصائدهم ,,,
سلطان بداية ممتازة وصح لسانك واعتلى شانك وان شاء الله من احسن الى احسن وانتبه على

عديم

و زيّن مقياضه,,,,
تقبل مني الاعجاب وفائق الاحترام والتقدير

**معلومات** **العضو** · 11-03-2010, 05:03 AM

اقتباس:

المشاركة الأصلية كتبت بواسطة خميس مطر الغييثي

ابومساعد مرحبا والله ومسهلا يالقرم

صح لسانك واعتلى شانك ياكحيلان وياحبي للرجال اللي واثقن في نفسه وفي شاعريته
ويطلب النقد من الشعار لان هذا يدل على ان الشاعر يبي يتعلم من تجربة غيره وهذا هو الشاعر اللي يبي يطور مستواه ماهوب مثل بعض القصّاده اللي يقيمون الدنيا ولايقعدونها عندما يوضح لهم خطاء بسيط في قصائدهم ,,,
سلطان بداية ممتازة وصح لسانك واعتلى شانك وان شاء الله من احسن الى احسن وانتبه على

عديم

و زيّن مقياضه,,,,
تقبل مني الاعجاب وفائق الاحترام والتقدير

الله يبقيك ويسلمك .. يامرحبـا والله يابومطـر .. تراحيب المطر ..

وماعليك زووود يابومطر ..

صح بدنك يالقرم وبيض الله وجهك .. على المروور المشرف ..

والله مانزلت هالقصيده الا أبي أشوف ردوود بني عمي ونقدهم في القصيده ..

والمقصد كله نتعلم من الأخطاء ونصححها ..

وماهو بعيب .. أن الواحد يخطي .. بني أدم ماهوو معصوم من الخطاء ..

أسعدني مروورك ياكحيلان ..

وعديم أبشرك على أحسن حال .. وإن شاءالله أن مقياضه زيــن ..

أرقى التحايا لسمووكم ..

**معلومات** **العضو** · 11-03-2010, 07:08 AM

اقتباس:

المشاركة الأصلية كتبت بواسطة سلطان الغييثـات

الله لايهينكم جميع ..

أخوي مبارك بن الجوير .. الله لايهينك على النقد .. وأتقبل نقدك وتعليقك بكل صدرا" رحب .. وأنـا مانزلت هالقصيده الا علشان اشوف نقدكم

أنا شلت هالقصيده بلحن أغنية خالد عبدالرحمن .. حبيلك أكبر من جميع التواصيف ..

وضابط معي اللحن ..

أنت عدلت في القصيده .. وغيرت كثير من المعاني

مثل .. هالشطر .. (( وتلجّ بي لأ ابرق جناح التباشير))

تحس انه ناقص أو فيه خلل .. وماله اي معنى ..

وهالشطر بعد (( تربض ليا شافته من خوف قاعي ))

نفس الطريقه .. ماله اي معنى .. من خوف قاعي مدري وشلوون تجي ..

والشطر هذا .. (( وشيّاله اللي مايبي زود تصوير ))

أنا مدري وش قصدك بالشطر هذا .. أنت تقصد الي يشيله أو وش مدري ؟

لأن مقصدي هي الشلايل .. الريش الي يغطي رجل الطير ..

وعلى كل حال بيض الله وجهك يامبارك .. وأستقبل نقدك بصدرا" رحب ..

شافي النتيفات .. وجهك أبيض والله لا يهينك على المرور

أبوفهد الغييثي .. صح بدنك .. والله لايهينك على المرور

هادي الغييثي .. الله لايهينك على المرور ..

ودمتمـ بخير جميعا"

اخوي سلطان ,,,
هههه.. يمكن تفلسفت انا شوي كمحاولة مني لعدم تغيير
مفرداتك الشخصية وانا اخوك لانها ادوات الشاعر الخاصة
ومابغيت اغيرها بمفردات من عندي,,,
والثانية ياولد ابوي انا اخذتها بمعناها الحرفي دون التفاتي
لمغزاها الاخر من ناحية مسميات الصقارة ياسنايدي..
الثالثة وهي الاهم والله لانيب صقار ولو ودي لحبي
متابعة الرفاقة هل الطيور ومخاواهم كمشاهد وكرفقة
ومقناصي على سلاح.. والرابعة فديتك توضيحي
ككيف طرقة تفعيلات المسحوب ووزنه ..
للفائدة مستقبلا" لي ولك يا ذيبان,,
_______
(حتى تلجّ ابرق جناح التباشير )

(وتربض إلا شافته و تحن قاعي)

(و شلايّله ماعنها زود تصوير )

_______
ما قصدت اغيّر ولا فلسفة يعلم الله لكن اعجابي بجزالة ماكتبته خلاني اطرح رايي وانت جزل ورب البيت
واعتبرها طلبة أخو .. موهبتك بها قوة طرح وفكر وجزالة..
اصقلها فديتك لعيون الشعر بالحفظ للقصايد الشعر الكبار
لتتعود تلقائيا" على الوزن وغناها وهذا دربن مشاه كل شاعر
محدن انولد وهو يهلها موزونة وجزلة ويطرقها الا مع الوقت..
ارجع اقول صح الله لسانك ملايييييييين
ولا خلا ولا عدم.. ياولد العم..
اخوك/ مبارك بن الجوير المساعرة...
ولاهان منطوقك يا القرم..

**معلومات** **العضو** · 11-03-2010, 08:04 AM

أخوي وأبن عمي ... مبارك بن الجوير ..

والله ثم والله .. أن نقدك وتعليقك زاد القصيدهـ حلاوهـ يالقرم ..

وأنت تعد واحـد من شعراء الدواسر وأفتخر بك اذا نقدت القصيدهـ ..

وصح بدنك .. دبل الملااااااايين ..

بيض الله وجهك .. والله لايهينك يالقرم ..