ضيعت عمري

[معلومات العضو مسفر ابن عبدالله الدوسري]

لامــن قســى قلبــــي وقلبك جفــاني
عجـــايب ان قالــــوا حبايب وخــلان

يكفي يقـول الناس ذا الحب فانـي
ان كان ماقالـــوا حــرايب وعـــدوان

من قال بس ان به ضحيه وجـــــاني
في الحب لا معـنى لفايز و خسـران

ما دام ذا حظـــي ونصيبك دعانـــي
اما الصــبر والا المفـــارق بغفـــــران

صحيــح مثلك مايخـلى ثـــواني
وان العمـر دونك سرابٍ لضميان

لكـــن حبـــي ذا وحـــبك بــلاني
وزادك على غيك صدودٍ وهجـران

مدري نسيت ان العـــمر شى فـاني
ولحظة كدر تحسب بلاشك نقصـان

معنـــى كــــذا ياصاحبـي انك اناني
ضيعت عمـــري بين هـــمٍ واحــزان

وبانصفك واقــــول انا كنت جـــاني
لاجلي رضيت الظلم وما قلت غلطان

لاتعتقد قـــولي تعــــدى المعــاني
وان الوفــــاء مايعـــرفه قلب خــوان

حشا وربـــي ماغـــــدرت بزمـاني
بس الــدواء يوصف ولو سم ثعـــبان

بارقيــــك بالسبع العظـام المثاني
وودعــــك ربٍ حفـظ غيرك انسان


مسفر بن عبدالله الدوسري
(دايم الاشواق)

 

 

 

 

[معلومات العضو مبارك بن شافي النتيفات]

صح لسانك يابوعبدالله

 

 

 

 

[معلومات العضو مسفر ابن عبدالله الدوسري]

الله لايهينك يابوشافي على المرور. لاخلى ولاعدم

 

 

 

 

[معلومات العضو خالد المشاويه]

صح الله لسانك يامسفر واعتلا شآنك

على القصيده الرائعه

جزيل الشكر والتقدير

 

 

 

 

[معلومات العضو مسفر ابن عبدالله الدوسري]

حياك الله اخوي خالد , شكراً على المرور. لاخلا ولا عدم.

 

 

 

 

[معلومات العضو شافي بن راشد النتيفات]

صح لسانك وبيض الله وجهك مبدع مبدع

 

 

 

 

[معلومات العضو مسفر ابن عبدالله الدوسري]

لاهنت يابو راشد على المرور. لاخلا ولاعدم.

 

 

 

 

[معلومات العضو أبونواف الدوسري]

صح السانك

وبارك الله فيك..

 

 

 

 

[معلومات العضو مسفر ابن عبدالله الدوسري]

لاهنت يابو نواف على المرور. لاخلا ولاعدم.