هذيه قصيدتي يوم العيد القيتها عند الجماعة واعذرونى على التقصير

[معلومات العضو سعد هذال آل جيعان]

يالله يـاعـالـم خــفــيــات الأعــمـال = ترضي الوجوه الطيبة وتحميها

هل الكرم والـجـود والـجـاه والمـال = ربع نـشـاما سعد ابو من يجيهـا

راعي الكرم غاية ومكسب ومنوال = وربيعي الكرم والخير تلقاه فيها

سبحة ودلـة وعـود ازرق وفــنـجـال = سـلـوم شـيـبـان(ن) ربينا عليها

مـن حـلـنـا بـالـفـعـل تضرب بنا أمثال = طـيـور حـوران تـعـتـلـي معتليها

يـاديـار نـجـد أنـبـتـي انـواع واشـكـال = خـزامـى ويـشـمـوم ونـفـل وفـيحا

لـشـيـوخ عـز سـطـرو مـعـنـا الافـعال = فـي مـقـدم الـتـاريـخ تـلـقـى يـديها

الـطـيـب فـيـنـا ورث لاجـيـال واجـيـال = وشـيـبـانـنـا قـدوة لـمـن يـقـتـديــهـا

تـسـتـاهـلـون الـمـدح فـي كل الاحوال = ياعزوت (ن) بالشعر مانيب موفيها

واخــتــم ســـلامي عـد وابـل وهـمـال = عـلـى نـــبـــــي لـلبـشـر بـعـث فـيـهـا

قصيدة أبنكم \ سعد آل جيعان الغييثي الدوسري

 

 

 

 

[معلومات العضو أبونواف الدوسري]

الأبن (الأخ) سعد آل جيعان الغييثي

تسلم يداك بما خطت وصح لسانك علي هذه القصيده .

تقبل تقدير وأحترام

أخوك أبو نواف الدوسري.

 

 

 

 

[معلومات العضو فيصل بن جزاء]

لاهنت على القصيده ياابو هذال وصح السانك يالقرم

ننتظر جديدك ولاتبطي علينا تقبل التقدير والاحترام

 

 

 

 

[معلومات العضو سعد هذال آل جيعان]

هذي قليل في حقكم يابني عمي وما قلت هالقصيدة الا من الشهامه اللي شفتها فيكم وردودكم هذي تشرفني وتزيدني فخر واعتزاز ياعزوتي ياعصبة الراس

 

 

 

 

[معلومات العضو شيهانه على كف صقار]

	صــــــــــح الله لســـــــانك وبيض الله وجهك وكفووووووووووو عزالله انــــــــكم ياخوالي ترفعون الراس بالتوفيق وننتظر جديدك

 

 

 

 

[معلومات العضو الحمودي]

صح لسانك وننتظر جديدك



اخوك /الحمودي

 

 

 

 

[معلومات العضو الضغط العالي]

لاهنت على القصيده ياابو هذال وصح السانك يالقرم

ننتظر جديدك ولاتبطي علينا تقبل التقدير والاحترام

 

 

 

 

[معلومات العضو بوحمد الحمد]

سعد آل جيعان الغييثي الدوسري

صح السسسسانك ياغالي

كلمات تفووق الخيال

ولاهنت ياخوك على تقديمك الرائع

بني عمنا على العين والراس

تقبل مروري

 

 

 

 

[معلومات العضو أبوعبدالله الحقباني]

سبحة ودلـة وعـود ازرق وفــنـجـال = سـلـوم شـيـبـان(ن) ربينا عليها
كفو ياسعد وصح لسانك
ولاتبطي علينا بجديدك الله يحييك

 

 

 

 

[معلومات العضو سعد هذال آل جيعان]

بيض الله وجيهكم جميع يا بني عمي وهذا هقوتي فيكم يا خطلان الايدي

 

 

 

 

[معلومات العضو آل بوراس]

صح لسانك يابن جيعان وودي لو تذكر لنا بعض قصايد الشاعر ابن جيعان رحمه الله ان بغيت هنا والا في رسالة ولو تذكر لنا بعض قصايد مشحن وولده فهد بن مشحن ان كنت تعرف منها شي

 

 

 

 

[معلومات العضو محمد الولامين]

صح لساانك يالذيب

وبيض الله وجهك على ماقدمت


تقبل تحياتي

 

 

 

 

[معلومات العضو ولد ودعان]

صح السااانك يالقرم وبيض الله وجهك على ماكتبت وقلت

تحياتي

ولد ودعان