راشد الخلاوي

[معلومات العضو عبدالله الحافر الغييثي]

هذه قصيده للعلامه والشاعر/ راشد الخلاوي كما وصلتني على الاميل وقيل ان فيها خلط بينها وبين ثلاث قصائد اخري

يقول الخلاوي والخلاوي راشد =وهو قاعد ٍ يبني جديد القصايد
قصايد لابد الملا تستفيدها =لامسى غريم الروح للروح صايد
لعل الذي يروونها يذكرونني =بترحيمة تودع عظامي جدايد
وأوصيك يا ولدي وصاة ٍتضمها =إلى عاد مالي من مدى العمر زايد
وصية عود ثالثت رجله العصا =وقصرت خطاه اللي من أول بعايد
لا تأخذ الهزلى على شان مالها =ولاتقتبس من نارهم بالوقايد
لا تأخذ الا بنت قوم ٍحميده =عسى ولد ٍمنها يحوش الحمايد
ولياك بنت النذل لا تشتقي بها =ولو زينو لك جيدها بالقلايد
يجزى عمل راعى الحساني بمثلها =ويجزى عمل راعي النكد بالنكايد
ولا تتقي في خصلة مابها ذرا =ولاتنزل الا عند راعي الوكايد
ولا تسفه7 المنيوب إلى جاك عاني =إياك ياولدي ومطل الوعايد
أبيك تسوي بي سواتي بوالدي =وأنت على غيره بمثلي وزايد
ويا طول ما وسدت راسي قتاده =من خوفتي يعتاد لين الوسايد
ومن عود القوم المناعير مطمع=تلوه بالانضا والجياد العدايد
ومن عود الصبيان أكل ٍببيته =عادوه في عسر الليالي الشدايد
ومن عود الصبيان ضرب بالقنا =نخوه يوم الكون يابا العوايد
ومن كثر الطلعات للصيد ربما =يوافيه غرات يجي منه صايد
ومن تابع المشراق والكن والذرا =يموت ما حاشت يديه الفوايد
الأيام ما باق ٍبها كثر ما مضى =والاعمار ما اللي فات منها بعايد
نعد الليالي والليالي تعدنا =والأعمار تفنى والليالي بزايد
إلى دقت الوسطى البهام تذكرت =زمان مضى ماهو لمثلي بعايد
فلا بد ما سحم الظهور تعودنا =بليل ٍولالي عن لقاهن ذايد
ويمعطن من ظهري هبر ٍ لكنه =خبايب ليف ٍ بين عوج الجرايد

 

 

 

 

[معلومات العضو محمد.الودعاني]

صح لساان ولساان رااشد والله يرحمه ويغفرله .لاهنت على الطرح الجميل وننتظر ابداععك القاادم. تقبل مروري محمد الودعاني

 

 

 

 

[معلومات العضو راشد محمد المقابله]

نـعــد اللـيـالـي والـلـيـالـي تـعـدنــا
والأعـمـار تفـنـى واللـيـالـي بـزايــد


الله يغفرله وصح الله اللسانه


والله يبيض وحهك يابومطر على النقل الأكثر من رائع

تحيات عاشق هريســــــــــــــــــــــــــــــــــــــــــــــ ـــــــان

 

 

 

 

[معلومات العضو نايف الخييلي]

الله يعافيك على طرح القصيده المليئه بالحكمه ودايماً تمتاز قصايد الخلاوي
بأبيات من الحكمه

ويا طـول مـا وسـدت راسـي نكـاده= مـن خوفتـي يعـتـاد لـيـن الوسـايـد

اظن الصحيح
ياطول ماوسدت راسي قتاده = من خوف لاتعتاد لين الوسايد


عافاك ربي يابو شيخه على الطرح الجزل

 

 

 

 

[معلومات العضو محمد بن حمد الشكرة]

رحم الله الشاعر الكبير /راشد الخلاوي واسكنه فسيح جناته فقد كان احد العالمين بالفلك والنجوم في زمانه فقد ذكر في هذه القصيدة النجوم والافلاك لاهنت يابو شيخة على النقل ولاعدمناك ياالقرم

 

 

 

 

[معلومات العضو عبدالله الحافر الغييثي]

صحت ابدانكم اخواني الاعزاء ولاهنت يابوفهاد على الملاحظه الهامه لكم مني فائق التحيه والاحترام

 

 

 

 

[معلومات العضو متعب الصخابره]

الله يرحم الشاعر راشد الخلاوي

لاهنت يابو مطر وبيض الله وجهك ولوني شاعر قلت فيك قصيده


تسعين بيت بس حظك اني مانيب بشاعر ههههههه طبعا مدح وانت تستاهل


تقبل تقديري واحترامي

 

 

 

 

[معلومات العضو عبدالله الحافر الغييثي]

جعل عمرك طويل يابوالسنافي وتراها وصلت ههههههه واشوى انها مدح لاهنت ياكحيلان على تواجدك ومرورك العذب