( يا مغيّرة المفاهيم ) لمبدعها سعد بن مناحي بن شفلوت

[معلومات العضو الوسمي الدوسري]

ماحسبت حسـاب ليلـى ولامجنونهـا
أحسب احساب الهبايب مضيّقة الصدور

والطروق اللي تغث الكبـود لحونهـا
خايف انها تثني الغصن واتطير الطيور

واتورّط في هقاوي العـرب وظنونهـا
والعواذل من بغوا منه ماهو بمعـذور

مايبلأظلمت سود الليالي على زرق البحور
ونه مـن وراهـا ولامـن دونهـا

يامغيّرة المفاهيم فـي بعـض الامـور
ودّكـم ترضونهـا والاّ ماترضونهـا

قبل لايحرجكم الوقت والدنيـا تـدور
لاتـحـدّون المخالـيـق وتردّونـهـا

من قراله كلمة غامضه بين السطـور
لد عينه مـع خبـول ٍ تلـد عيونهـا

والاّ حنّا ماخبرنا حصل منّـا قصـور
اسمعوهـا واتركوهـا علـى يكونهـا

لاتحسبون الدقايق وتنسـون الشهـور
وان بقى للوقت قيمـه فـلا تنسونهـا

ولاتثيرون المشاعر بتجريح الشعـور
وتكبر الدعوى عليكم وهـي ياهونهـا

والنهايه كان تبغون من الاشوار شـور
الجمايـل قدّموهـا لاجـل تلقونـهـا

الشاعر : سعد بن مناحي بن شفلوت

 

 

 

 

[معلومات العضو عبدالله الحافر الغييثي]

صح لسان شاعرها ولاهان ناقلها,,,انتقاء رائع اخوي الفاضل لاهنت وبارك الله فيك

 

 

 

 

[معلومات العضو محمد بن حمد الشكرة]

صح لسان شاعرها ولاهان ناقلها قصيدة جزلة رائعة وسامية في معانيها لاهنت اخوي الوسمي على النقل تقديري

 

 

 

 

[معلومات العضو محمد.الودعاني]

صح لسان شاعرها ولاهان ناقلها,,,انتقاء رائع اخوي الفاضل
لاهنت وبارك الله فيك




تقبل مروري

محمد الودعااني

 

 

 

 

[معلومات العضو الوسمي الدوسري]

مشكور اخوي خميس الغييثي
مشكور اخوي محمد الشكره
مشكور اخوي محمد الودعاني
على ردو الجزاله