لي ديــــــرة ماهيب توصف بغيرها

**معلومات** **العضو** · 18-06-2007, 03:18 PM


	بسم الله الرحمن الرحيم مناسبةهـذه القصيده قالها الشاعر وهو يصـف ديرته ويطلب الله سبحانه تعالى لها بالحيا والمطر المستمر لها نظرا لحاجة الاولين بصراحه اكثر من وقتنا الحالي للمطر فتنبت به الارض وتتغذا منه الماشيه وهذا من حبه لهم رحمه الله وانتقل يمدح ربعـه ويتنومس بفعولهم وتاريخهم المشرف حيث ذكر رحمه الله بانها ليس لها نظير من جمالها من وجهة نظره وبين رحمه الله فيها ان هذه الديره هي ديرة مصانيم الدروع ال زايد ويقصد بها رجالها الشجعان والاقويا الذين كانوا حماة لها من كل من اخذه الغرور بنفسه غزوها وكسبها بمافيها فتحطمت جيوشهم على اطراف هذا الوطن من ما واجهوه من قوة وبطش وجور هؤلأ الابطال عليهم في المعارك حتى ان من جرب حظه مره لم يكررها لا اريد ان اطيل عليكم فالبقيه تجدونها بالقصيده. لي ديــرتا ماهيب توصـف بـغـيرهـــا = حــيـثا مــالــه بـالــديـــار وصـــــيف ان جا الشتا نلقى بها الــكـــن والــــذرى= والقــيض نسنــاســـا هــواه لـطـيــف سقــــاهـا الاه الخــلق من رايــح الحـــيا= لــيلا بـعــــد ليـــلا يـجـــيــه قـنيـــف رواح وسـمــــي حــقــوق مــخــايــلــــه= لادبـــرالـوســمي يــجيـــه الصــيــف بجـــاه الالـــه اللــي عــبــاده تســالـــــه= يعطي ولا لــه فـي عــطـــاه نــكيــف عطــأيــاه مـايـبـغــي جـــزاها من الملا= رب الـعبــــاد وبـــالعـــبـــاد لــطـــيف ديــرة مـصانــيـــم الـــدروع ال زايـــد= وديـــارهــم مــلجــا الــكــل اضـعيـف كـم طـامــع بــالــسيــف ردوه دونــهـ = ثـــم راح مـنهــا خــاســرا ومـعـيــــف دار حــمــينــاهـــا وصـنـــا حـمـــاها = فــي حــربــت الشــلفا وحــد السيـــف ويطــوعــون الشــره بـالسيـف والقنا= كمــا يطــوع بـــالــخطــام عـسيـــــف من الخـرج للهضب المـسمى يحــدها = غــرســا ظليـلا والضــواحـي ريــــف ماحيط بالــجــدران مـن يمـة الـعـــدا = تحمـــــيه عــــودان القـــنــا والســيــف ذا قــول مـن قــال الحقيــقه وعــدها = حـقيــــقة مــاقــــــالـهـــا تــــزيــيــــف والسيــف يشـــهد والتــواريــخ والقنا = بهـــزيمــة نــكــــرا علــى الشــريــف دون الدخــيل اللـي زبــن في ديارنا = ودخــيــلــنا مـحــــدا عــليــه يــحـــيف صـفحــات مــجـدا سجلوها جدودنــا = نصــرلــنا وانــــا عــلــيــه انضــيــــف انضيف مـانـكسـبه المـجد والفــخـــر =ولاضن مـعـروفــا يــبــي تــعــــريـــف تمت وصـلاة الله علــى سيــد البــشر= اعـــداد مــاهــــل الــهـــلال وشــــيــــف الشاعر : دخيل الله بن محمد ابن دخيل الله الشكره رحمه الله وادي بـــــــــــــرك

**معلومات** **العضو** · 19-06-2007, 01:54 AM

بيض الله وجهك ياسلطان على اتحافنا بقصائد الشاعر الكبير والد الجميع

دخيل الله الشكره رحمه الله وجعل مثواه الجنه

تقبل التقدير والاحترام

**معلومات** **العضو** · 19-06-2007, 02:01 AM

لاهنت ياسلطان

ورحم الله الوالد دخيل الله واسكنه فسيح جناته

تقبل خالص ودي

**معلومات** **العضو** · 19-06-2007, 02:36 AM

الله يجزاكم خير ويبيض وجيهكم هذا جزء من حقه على نقل ونشر هذه القصايد وهذا جزء من اللي اقدر اقدمه ال بني عمي وسامحوني على القصور.

**معلومات** **العضو** · 24-06-2007, 12:12 PM

اشكر للجميع مرورهم الطيب اعضاء وزوار واداره

**معلومات** **العضو** · 25-06-2007, 10:09 AM

بيض الله وجهك ياسلطان على اتحافنا بقصائد الشاعر الكبير والد الجميع

دخيل الله الشكره رحمه الله وجعل مثواه الجنه

تقبل التقدير والاحترام

**معلومات** **العضو** · 25-06-2007, 11:06 AM

اقتباس:

المشاركة الأصلية كتبت بواسطة سلطان بن دخيل الله

هـذه قصيده قالها الشاعر وهو يصـف ديرته ويمدح ربعـه ويتنومس بفعولهم وتاريخهم المشرف.

لي ديرتا ماهيب توصف بغيرهـا=حيثـا مالـه بالديـار وصـيـف
ان جا الشتا نلقى بها الكن والذرى=والقيض نسناسـا هـواه لطيـف
سقاها الاه الخلق من رايح الحيـا=ليـلا بعـد ليـلا يجيـه قنيـف
رواح وسمـي حقـوق مخايلـه=لادبرالوسمـي يجيـه الصـيـف
بجاه الاله اللـي عبـاده تسالـه=يعطي ولا له في عطـاه نكيـف
عطأياه مايبغي جزاها من المـلا=رب العبـاد وبالعبـاد لطـيـف
ديرة مصانيم الـدروع ال زايـد=وديارهم ملجـا الكـل اضعيـف
كم طامع بالسيـف ردوه دونـهـا=ثم راح منهـا خاسـرا ومعيـف
دار حميناهـا وصنـا حمـاهـا=في حربت الشلفا وحـد السيـف
ويطوعون الشره بالسيف والقنـا=كمـا يطـوع بالخطـام عسيـف
من الخرج للهضب المسمى يحدها=غرسا ظليلا والضواحـي ريـف
ماحيط بالجدران من يمـة العـدا=تحميـه عـودان القنـا والسيـف
ذا قول من قال الحقيقـه وعدهـا=حقيـقـة ماقالـهـا تـزيـيـف
والسيف يشهد والتواريـخ والقنـا=بهزيمـة نكـرا علـى الشريـف
دون الدخيل اللي زبن في ديارنـا=ودخيلنـا محـدا عليـه يحيـف
صفحات مجدا سجلوها جدودنـا=نصرلنـا وانـا عليـه انضيـف
انضيف مانكسبه المجـد والفخـر=ولاضن معروفـا يبـي تعريـف
تمت وصلاة الله على سيد البشـر=اعـداد ماهـل الهـلال وشيـف

شاعر الشكره : دخيل الله بن محمد الشكره رحمه الله

وادي بـــــــــــــرك

الله يعافيك ياسلطان ويبيض وجهك ، والله يرحم شايبك وجميع موتى المسلمين

الحقيقة حنا كسبنا رجل يمدنا بقصائد لشاعر كبير المنتدى بحاجة لمثلها

بس ياليت ياخوي سلطان تقبل ملاحظتي هذي لاهنت :
الملاحظ إنك تنزل القصائد بشكل متتابع وبكثرة وهذا يقلل من فرصة الاطلاع عليها ويفقدها أهميتها

فياليت ياسلطان تتريث شوي وتعطي كل قصيدة تنزلها الوقت المناسب حتى تصل للقاريء وتنتشر ثم التي تليها وهكذا ...

ولك ولكل الراقين في هذا المنتدى أجزل التحيات

**معلومات** **العضو** · 25-06-2007, 11:17 AM

اقتباس:

المشاركة الأصلية كتبت بواسطة ابن وتيد السباعي

بيض الله وجهك ياسلطان على اتحافنا بقصائد الشاعر الكبير والد الجميع

دخيل الله الشكره رحمه الله وجعل مثواه الجنه

تقبل التقدير والاحترام

ــــــــــــــــــــــــــــ قناص الرمله ــــــــــــــــــــــــ.

**معلومات** **العضو** · 26-06-2007, 01:09 AM

صح الله لسان شاعر الشكره : دخيل الله بن محمد الشكره رحمه الله

وبيض الله وجهك على اتحافنا بقصائده الجزله

لك جزيل الشكر

اخووووك

ابو زابن

**معلومات** **العضو** · 26-06-2007, 08:44 AM

اخواني بيض الله وجيهكم ومشكورين على هالمرور الطيب طاب حظكم انشالله

**معلومات** **العضو** · 27-06-2007, 05:42 AM

بيض الله وجهك ياسلطان والله يرحم الشاعر الفحل الكبير دخيل الله الشكره

حمية .. ومرجله .. وعزة .. وفخر ..وصدق .. تلحظها في ثنايا قصائدة

**معلومات** **العضو** · 27-06-2007, 10:40 AM

اخوي عبدالله
الله لايهينك ومشكور يالغالي على هالمرور الطيب جعله يطيب حظك

**معلومات** **العضو** · 12-07-2007, 06:58 AM

اقتباس:

المشاركة الأصلية كتبت بواسطة الذيال

الله يعافيك ياسلطان ويبيض وجهك ، والله يرحم شايبك وجميع موتى المسلمين

الحقيقة حنا كسبنا رجل يمدنا بقصائد لشاعر كبير المنتدى بحاجة لمثلها

بس ياليت ياخوي سلطان تقبل ملاحظتي هذي لاهنت :
الملاحظ إنك تنزل القصائد بشكل متتابع وبكثرة وهذا يقلل من فرصة الاطلاع عليها ويفقدها أهميتها

فياليت ياسلطان تتريث شوي وتعطي كل قصيدة تنزلها الوقت المناسب حتى تصل للقاريء وتنتشر ثم التي تليها وهكذا ...

ولك ولكل الراقين في هذا المنتدى أجزل التحيات

اخوي الذيال
الله يصبحك بالخير
ويبيض وجهك ويرحم والديك من عذاب
النار

مقبوله ملاحظتك وبارك الله فيك وفي رايك

اعذرني انا كنت ماعندي خلفيه عن طرق
التعامل
بالشكل المفيد بالمنتديات فعمري فيها
لم يتجاوز الـ3 اشهر
ودخلت المنتديات وقد وضعت امام عيني
هدف هو النشر والتوثيق فلم تكن الردود تعني لي شي
في حينه
اعذرني خبرتي قليله ولاكن انا الان لدي
القدره على التعامل بشكل احترافي
في هذا المجال
واشكر لك نصيحتك الغاليه واهتمامك
حفظك الله
اخوك سلطان ابن دحيل الله محمد الشكره

**معلومات** **العضو** · 13-07-2007, 01:41 AM

الأخ العزيز سلطان بن دخيل الله

بيض الله وجهك على هذه القصيده

اللهم ارحمه واسكنه الجنه ... اللهم وسع له في قبره

اللهم اجعل قبره روضةً من رياض الجنه

اللهم اجمعه بالنبيين والصديقيين .. واللهم أنس وحشته

وأمن روعته

وارحم اموات المسلمين والمسلمات 0

اللهم اميييييين

**معلومات** **العضو** · 19-07-2007, 02:48 PM

اقتباس:

المشاركة الأصلية كتبت بواسطة أبونواف الدوسري

الأخ العزيز سلطان بن دخيل الله

بيض الله وجهك على هذه القصيده

اللهم ارحمه واسكنه الجنه ... اللهم وسع له في قبره

اللهم اجعل قبره روضةً من رياض الجنه

اللهم اجمعه بالنبيين والصديقيين .. واللهم أنس وحشته

وأمن روعته

وارحم اموات المسلمين والمسلمات 0

اللهم اميييييين

ابونواف

الله يرحم والديك من عذاب النار

مشكور

يالغالي على هالمرور الطيب

اللي اتشرف به

محبك في الله: سلطان ابن دخيل الله ابن محمد الشكره

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية