الله يبيحك عدد نجم(ن) حدر ساري ..

**معلومات** **العضو** · 08-03-2007, 05:41 AM

يسعد أوقاتكم بالخير ..

قيل (أن حنين المرؤ لماضيه دليل على وفاءه)

و(نذاله) أشغلت فكر رفيقي بترميز بيني وبينه

سلطـان بالله شـف خاطـرك مامـرّه=طيف(ن) لفا البارحه وأشغلّي أفكـاري
جانـي بغـدرا مغيـر نجـوم منثـرّه=عقب أنتصف ليلي ابهجعات الأسحاري
مدري لفا من شمـال أو ديـرة المـره=الموجب أنـه عليـه آثـار الأسفـاري
قلت أسترح وأرتشف فنجال ذا المـره=من دلة(ن) هي نديمي بأطرف اوجاري
ونوّخ ذلول(ن) من الارمـاس منظّـره=وليا ركد ثايرَك حمّض باالاخبـاري ؟
قال أنت جاحد..نسيت الفضل بالمـره=أسألك بمصورك،،خلاقـك،،البـاري
بالله ماتذكر الضحكه..وأبـو غـره=والعيد،،والصيد،،والبـراق سمـاّري؟
نهلت عمري وجـاك العـز مـن دره=وبدّلت عرفي ومعروفي بالانكـاري
وجحدتني يوم أنـا ماعـاد لـي كـرّه=الله يبيحك عدد نجم(ن) حدر ساري
قلت أنت هم روح(ن) بسيرتك مجتّـره=أليـا تناسيتـك يجيبـك لـي الطـاري
تشوف حالى تحسب الـروح مستّـره=عليـك لـولا التجلـد هلـت أعبـاري
ميت بلاماك فـي بـرده وفـي حـره=وظلالك عذري وبلسم جرحي العاري
لو تنفع (الليـت) ليتـي كاسـر الجـره=لوّي لغيب ألليال المجهمـه قـاري !!
من عقب ماروضة الخفـاق مخضـّره=غدت هشيم(ن) ذرا من فوقـه الـذاري
وضلوعها الحدب أتّـل النـوح وتّجـره=وأنـا آداري آخـاف تبيّـح أسـراري
وتملكتنـي تعاسـه مالـهـا ضــره=وأمسيت مثل الغريب بداخل ديـاري !!
أقفيت وأخفيت عنـي وجهـة الجـره=وخليتني للعـذاب ولانـت بـي داري
واليوم تلفي ياضيـف البـال تتّشـره=تطلبني بحق وألا تسبـر أغـواري ؟؟
قال آسف..والظن قبلي ماحد(ن) سـره=مير السموحه لذنبي وأقبـل آعـذاري
أنا أحسب انـك سليـت بعالـم الـذره=وأثرك وفي(ن) عريب(ن) للشقا ضاري
وأقفى ولاَعـاد لـي بخيـره وشـره=ومع الهواجيس تهت وطال مشواري ..

**معلومات** **العضو** · 08-03-2007, 07:32 AM

صح لساانك
وابياات رائعه وجزله
والله لايهينك
على مطرحت وابدعت

**معلومات** **العضو** · 08-03-2007, 02:27 PM

صح بدنك وشرفتني ياسليل أهل الثمان

**معلومات** **العضو** · 08-03-2007, 03:28 PM


	قلت أنت هم روح(ن) بسيرتك مجتّـره=أليـا تناسيتـك يجيبـك لـي الطـاري تشوف حالى تحسب الـروح مستّـره=عليـك لـولا التجلـد هلـت أعبـاري صححححححححححححح السانك يالبدراني 0 ااااااااااااااااااااااااااابيات مميزه ومعاني عذبه0 ووالله يالشاعر يابعض الذكريات تذبح راعيها وهو حي0 مشكوووووووووووور على القصيده الجزله0 تقبل مروري وشكري وتقديري0

**معلومات** **العضو** · 08-03-2007, 08:08 PM

هلا بشاعرنا المبدع

ماشاء الله عوايدك ماتجيب الا الثمين بيض الله وجهك على الشعر الجزل

والمعاني الفريدة لاتحرمنا من جديدك ,,, واقولك ترى القصيدتين بسبب خل في الموقع

لم نحصل عليها ,,, ماعليش نرجو كتابتها مره اخرى ويعطيك العافية

**معلومات** **العضو** · 09-03-2007, 12:25 AM

نايف البدراني

قصيدة جميلة

صح لسانك

و على الأخرى عانكـ

كل الود،،،

**معلومات** **العضو** · 09-03-2007, 04:16 PM

صح لساانك يابن عمي
وابياات رائعه وجزله

**معلومات** **العضو** · 10-03-2007, 11:09 AM

صح اللسانك يانايف البدراني

سجل اعجابي بشاعريتك في النظم وفي المحاوره

وانا من جمهورك ومن المعجبين بشاعريتك الفذه

تقبل تقديري واحترامي

**معلومات** **العضو** · 10-03-2007, 10:30 PM

نايف البدراني

صح الله لسانك وسلم بنانك

قصيدة رااائعة وجميلة وجزلة بقامة شاعرها

فلا تحرمنا جديدك يا بن بدران ..

أستاذ يا نايف ..

اخوك في الله

محمد الغريري

**معلومات** **العضو** · 10-03-2007, 10:39 PM

الأخ نايف البدراني صح الله لسانك ...

أتمني لك التوفيق....مع تقدير وأحترام..

أخوك أبونواف الدوسري.

**معلومات** **العضو** · 10-03-2007, 10:52 PM

نايف البدراني

قصيدة جميلة

صح لسانك

لاهنت

**معلومات** **العضو** · 26-03-2007, 12:02 PM

أخي الغالي
تحية عطرة
السلام عليك ورحمة الله
صح لسانك ومشاركة جميلة تشكر عليها
نتمني لك التوفيق والنجاح

اخوك
ابو عبدالحكيم

**معلومات** **العضو** · 26-03-2007, 12:12 PM

صح اللسانك يانايف البدراني

سجل اعجابي بشاعريتك في النظم وفي المحاوره

وانا من جمهورك ومن المعجبين بشاعريتك الفذه

تقبل تقديري واحترامي

**معلومات** **العضو** · 28-03-2007, 08:05 PM

صح إلسانك يانايف البدراني
على القصيدة الرائعة
وتقبل مروري ،،

**معلومات** **العضو** · 29-03-2007, 02:40 AM

أبناء عمي عبدالله بن عريمه وعبدالله الدوسري وبدران البدراني وفيصل بن جزا ومحمد الغريري

وأبونواف الدوسري وماجد المهنا وفهد المحيسن وهايف العماني وشجاع الخريم والشاعره شوق2

شرفتوا ولاكلفتوا الله لايهينكم ومروركم على خاطره لاترتقي لمستوى ذائقتكم تواضع من جنابكم ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديوان الشاعر دخيل الله ابن محمد ابن دخيل الله الشكره رحمه الله	سلطان بن دخيل الله	:: قسم قصايد مدح وفخـر في الــدواسـر ::	60	17-08-2022 03:24 AM
50 معلومة عن الرسول صلى الله عليه وسلم	الركن	:: القسم الإسلامـــي ::	23	08-07-2011 11:58 PM
المتعة و إستعارة الفروج و نكح الدبر عند الرافضة	الدردور	:: القسم الإسلامـــي ::	12	22-03-2011 12:07 PM
وفاة النبي ولها أثر عجيب في القلب	الحرالابيض2	:: القسم الإسلامـــي ::	2	05-12-2010 06:50 PM
كيف تصبح من أفضل عباد الله يوم القيامه ؟؟	محمد مطلق آل بريك	:: القسم الإسلامـــي ::	23	15-10-2010 03:09 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية