بلديه محافظة الخرج الموقره؟؟؟

**معلومات** **العضو** · 17-08-2010, 04:07 AM

[center]بسم الله الرحمن الرحيم [/center]
السلام عليكم ورحمة الله وبركاته
انا ودي ادخل في الموضوع على طول شباب يمكن اغلبكم يعرف محافظة (الخرج) زين ويعرف شوارعها اللي تقول كنك في ردمية .. شوارع مقطعه ..و مطبات.. وحفر..في نص الشارع .. تقول مطبات صناعيه ماتقول انك في محافظة كبيرة وقريبه من الرياض وفيها جميع الخدمات .. عموما من المسؤول هل هو رئيس البلديه ولا من ..................................؟؟
اللمهم ما نستغني عن تعليقاتكم حول هذا الموضوع الله لا يهينكم
تقبلوا فائق احترامي وتقديري،،،،،،،،،،،،،،،،،،،،،،،،،،،،،،

**معلومات** **العضو** · 17-08-2010, 04:31 AM

الله لايهينك ياسالم على طرحك الرائع

بخصوص الخدمات البلدية في الخرج للاسف سيئة

وسفلتة الطرق اسؤا بكثير وذلك بسبب اهمال البلدية وعدم استماعها لشكاوي المواطنين

والكلام يطول بخصوص هذا الموضوع

**معلومات** **العضو** · 17-08-2010, 04:44 AM

يعطيك العافية
الله يهدي ويصلح
واتمنى من هو من اهالي محافظة الخرج ان يعلق على موضوعك

تحياتي وتقديري

**معلومات** **العضو** · 17-08-2010, 04:51 AM

والله الدنيآ كلها صآرت حفر ومطبآت لا تقول الا خير .

يعطيك العافيه على حرصك والله يكتب اللي فيه الخير .~ْ

**معلومات** **العضو** · 17-08-2010, 05:13 AM

لاهنت ياسالم

وحنا ياهل الرياض وش نقول

كل شارع فيه سبع تحويلات واكثر من يتوهق اللي مايدل زين

المشوار اللي طوله 5 كلم تمشيه في 10 كلم :d

لكن نقول بإذن الله أن يعقب هذه الحفريات والتحويلات مسارات وخطوط راقية

لاهنت وتقبل ودي وتقديري ،،،

**معلومات** **العضو** · 17-08-2010, 05:53 AM

الخضراني
لاحياة لمن تنادي شوارعنا ارزاقهم فيها يتم الانتهاء من طريق وبعد شهرين يعاد حفرة وش تفسر هذا ؟
وازيدك من الشعر بيت الطريق اللي يعتبر شريان الخرج لم تبى الصيانه فيه الا مع حلول هذا الشهر الفضيل مما سبب ربكه في السير وازدحام شديد في سوق الخرج الشعبي بسبب هذه الاعمال اللتي في غير وقتها.

اتمنى ان يصل صوتنا للمسؤلين لنظر في هذه المهازل اللتي لن تنتهي
تقديري واحترامي اخوي سالم

**معلومات** **العضو** · 29-08-2010, 05:05 PM

الله يعطيكم العافيه وما قصرتو

**معلومات** **العضو** · 29-08-2010, 06:24 PM

الله يعينكم ويصلح المسؤولين من كبيرهم الى صغيرهم

وان شاءالله نشوف الي يسر الجميع

تحياتي لكم

**معلومات** **العضو** · 29-08-2010, 10:26 PM

الله لايهينك ياسالم على طرحك الرائع

بخصوص الخدمات البلدية في الخرج للاسف سيئة للغاية

ولكن إذا صارت شوارع العاصمه وهي العاصمة متهالكة ومنتهية الصالحية

فماذا تريد الخرج ان يكون

مانقول إلى حسبنا الله على الحرميه والسرقان ماغير لهف من هالفلوس
وكل يوم طالع مقاول وقاشع الشارع وبعد شهر يجي مقاول ويقشع
وكذا وانت رايح
الله يعين من مطب إلى هظوم إلى حفرية إلين الله يزينها بس

**معلومات** **العضو** · 02-09-2010, 05:38 AM

بارك الله فيكِ ونفع بما نقلتِ

تحياتي وتقديري~ْ،

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية