بديت اشك ان النذاله فضيله

[معلومات العضو ابو حسين الدوسري]

مادمت تنشد يارفيقي عن الحال = مالي على كتمانها عنك حيله
الصبر عن بوح الاحاسيس قتال = والبوح في بعض المواقف فشيله
لو كل ماينطري على البال ينقال = ماكان احسان الثقيله ثقيله..
ابطيت اكافح ضيقة البال بالبال = وادفع بلا هاجوسها كل ليله
لين اقبلت مثل السحابه بهمال = تشفي غليل اللي تزايد غليـله
رعادها خيلن تدابك وتختال = وبراقها لمع السيوف الصقيل
طاحت والاوفق من حنياك منزال = وسع فضاء صدرك لفيض المخيله
يابدر يابدر يابدر ماني عال لو صحتي عال = شفني من الصدمات نفسي عليله
اشيل حملٍ لو يشيلنه جبال = الله ، وامانه غير تصبح نثيله
أرمي من هموم الزمن واسحب أدبال = وانزل عن الجوكر وغيري يشيله
من كثر ماشفت بحياتي من انذال = بديت اشك ان النذاله فضيله
ماطاح من عيني رجل ..!! طاحوا رجال = ورجال يابن حنيف ماهي قليله
اقرب من اللي قالهم ضمن ماقال = راكان بن حثلين راعي الجزيله
هذا ولد عمٍ ، وهذا ولد خال = وهذا .. صديقآ ماندور بديله
سبحان منهو يابدر بدل الحال = وحط الجفا بين الخليل وخليله
هذا الزمن يبغاله لسان دلاّل = من يستحي هالوقت واعزتي له
وقتٍ به الراعي غدى راعي دلال = كلٍ على طاريه ينفض شليله
ومن كان ساسه للردى مضرب امثال = اليوم يحسب من كبار القبيله
المال يابن حنيف ملعون ابو المال = ذل العزيز وعز ناسٍ ذليله

خلف المشعان

 

 

 

 

[معلومات العضو مبارك بن شافي النتيفات]

صح لسانه ولسانك والله لايهينك على النقل المميز

تحياتي وتقديري

 

 

 

 

[معلومات العضو بنت الشمال]

صح لسانك ولسانه

 

 

 

 

[معلومات العضو خالد المشاويه]

صح لسانه ولاهنت يابوحسين على النقل وسلمت يمناك


جزيل الشكر والتقدير

 

 

 

 

[معلومات العضو ابو حسين الدوسري]

حياكم الله جميعآ وسعدت بتواجدكم
كل التقدير