الشايب والوانيت

**معلومات** **العضو** · 07-09-2007, 08:39 PM

الشايب والوانيت
يسولفون عن شايب نوا يشتري له وانيت..عشان الحلال،،
وعزم يجمع له بالدراهم لين صار عنده ثمانين الف ريال،، وتوكل على الله،،
واقبل ذاك اليوم إلا ذيك الناس المجتمعة في ارض فضا،،
واثري جمبهم وانيت،، وعجب خوينا هالوانيت،،
قال بس خلني اشوف هالوانيت عساه للبيع،،
يوم وقف واثري هالجماعة يحرجون:
50 ،، 52 ،، 55 ،،
قال بس شكلهم يحرجون على هالوانيت إن شاء الله انه من نصيبي،،
ويخش بالحراج... 56 .. ويزود.. ويزودون ... ويزود..
لين وصلوا 75 .. قام خربها وقال 80 ..
هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!
يناظرونه.. يناظرون بعض.. يوم تغامزوا ونقز له واحد منهم ..
ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..
قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله
وش اسمك؟؟ عطاه اسمه وكتب له الشيك بمليون ريال وصرّف الرجال..
هو ما يدري وش السالفة ..
طيب وش العلم ..!!!!!؟؟!!!!
..
..
اثري هالجماعة يحرجون على المخطط وواقفين بالصدفة جمب الوانيت..
و56 مليون و75 مليون.. وبو الشباب خش معهم..
ويحسبونه هامور يبي يلطش عليهم المخطط.. قاموا صرفوه بمليون..
وهو طاير من الفرحة
_______________________________________________
ا رزاق ياقدعان اللهم لا حسد ،
لا اوصيكم الله الله بالوانيتات
والي يحصل وانيت واقف يعلمنا يمكن الله يرزقنا مثل هالشايب
بس مدري وش صار فيه المسيكين شكله مات من زود الفرحه
أتمنى تعجبكم

مـ نـ قـ ول

**معلومات** **العضو** · 07-09-2007, 09:20 PM

سبحانه يرزق من يشاء بغير حساب

كل الشكر والتقدير أخي أبن مخيول

دمت بسعاده...أسعدك الله

أبو نواف الدوسري

**معلومات** **العضو** · 07-09-2007, 09:23 PM

بن غيـــــــــــــــــــــــاث

وينهم وين خلنا نروح نحرج معهم خخخخخخ

لاهنت على الموضوع

أخوك

ابو زيد

**معلومات** **العضو** · 07-09-2007, 10:19 PM

هههههههههههههههههه

ابن مخيول جعلك يمناك ميجيها العطب الله لا يهينك ومشكور وماقصرت يالقرم

بيض الله وجهك وعلى قولت ابن غياث دلنا على ذا الحراج
هههههههههه

تقبل تحياتي اخوك \ أبـــن زاايــــد

**معلومات** **العضو** · 07-09-2007, 10:31 PM

اخوي ابن مخيول
والله موضوع فوق الممتاز والله يرزقنا مثل مارزق الرجال
ولا هنت ياغالي على الموضوع
وتقبلوا كل احترامي وتقدير
اخو بتلا

**معلومات** **العضو** · 08-09-2007, 02:13 PM

ابونواف الله لا يهنك على مرورك المشرف

وتقبل احترامي

**معلومات** **العضو** · 08-09-2007, 02:15 PM

ابو زيد الغييثي

تسلم على المرور يا الغالي

**معلومات** **العضو** · 08-09-2007, 02:41 PM

ههههههههه

ابن مخيول لاهـــنت
تسلم يمينك... الله يرزقنا مثل ما ارزقه

**معلومات** **العضو** · 08-09-2007, 02:59 PM

الله يرزق من يشاء سبحانه جل شانه

الله يعطيك العافيه

تحياتي

**معلومات** **العضو** · 08-09-2007, 11:45 PM

قصه حلوة بس الدنيا ارزاق الله يرزقنا من واسع فضله ولايجعل الدنيا اكبر همنا
مشكور اخوى على ها القصه

**معلومات** **العضو** · 09-09-2007, 05:30 AM

ابن زايد’’’اخو بتلا

تسلمون على الاطلاله المشرفه

فــهــاد الــخــيــيــلــي

**معلومات** **العضو** · 09-09-2007, 05:34 AM

اميرتهم
ابوفيصل
فهد المحيسن

شرفتوا الصفحه بمروركم

تقبلوا احترامي

فــهــاد الــخــيــيــلــي

**معلومات** **العضو** · 22-09-2007, 08:34 PM

حلوه وياليتني مكانه

وماقصرت اخوي على القصة

**معلومات** **العضو** · 25-09-2007, 01:31 PM

مشكور

**معلومات** **العضو** · 27-09-2007, 12:11 AM

وسم العصا
العفو ولاهنت على المرور

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قناة الساحة تطلق النسخة الثانية من مسابقة شاعر المعنى	الوسمي الدوسري	:: قسم المــحــاورة والألــغـاز::	2	19-10-2010 11:42 PM
الشايب والوايت	مبارك ال بريك	:: قسم القـــصص والروايـــات ::	6	07-09-2010 06:11 AM
حفل زواج تركي خشمان الهواملة على قناة الساحة غداً	راشد المسعري	:: قسم مناسبات وأخــبار الـدواسـر ::	8	27-07-2010 05:21 PM
حوار الشاعر عبد الرحمن أبالجيش على قناة الساحة غدا 11 مساء	محمد حمدان المالكي	:: قسم أخبــار الشـعر والشـعراء ::	1	08-06-2010 11:23 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية