إذا بغيت تدعي على أحد قل : اللهم جعله يطفي عليكم الكهرب 3 أيام

[معلومات العضو ذيب آل عريمه]

نعم يا أخواني ويا أخواتي :
إذا بغيت تدعي على أحد قل : اللهم جعله يطفي عليك الكهرب 3 أيام وأنتوا صايمين في رمضان .

ذبحنا الحر وبعض الناس جالس تحت المكيفات السبليت ما درى عنا ! ! ( أقصد منير بن راكان )
إرتفعت الأسعار فوق إرتفاعها وبعض الناس ما طلع للسوق يشوف إرتفاع الأسعار ( بعد هذه أقصد منير إبن راكان )
بس صدق ما عاد نبغى تنزلون الأسعار ولا نبغى شيء ، أهم شيء لا يطفي علينا الكهرب ساعه .
وأهم شيء عندنا فتح وحماس يجون ربع وأصدقاء ، وأهم شيء عندنا أهل الصومال يتحدون في وجه الأعداء ( على فكرة يا أخوان ، ترى ما يجون في السعوديه لعمل المفاوضات إلا إذا عطوهم الملايين )
وأهم شيء بعد تعمرون مدينة النهر البارد في لبنان لأنه في حاجتنا .
تصدقون دريت إن شركة الكهرباء يحبونا لأنهم جابوا لنا معدات من القصيم والرياض والعيينه طبعاً مستعمله وواجد لنا بعد ، حسبت إنهم بيشترون لنا معدات جديده من ألمانيا او غيرها . لكن خاب ظني
المهم تصدقون جات حالتنا حاله ( الله يقبل صيامنا )
كل شيء وقف عن الحياة وإقسم بالله يا أخوان ما توقعت الحياه كذا ، كل شيء توقف ، والظاهر تعرفون وش معنى كل شيء توقف .
حتى الخبز توقف عن المخابز لأن الأجهزة ما تشتغل إلا على كهرباء
اللبن لازم يبقى مبرد والزبادي وجميع المأكولات اللي نأكلها في رمضان وتعتبر وجبات رئيسيه حتى في غير رمضان .
النهار طبعاً حر وهواء حار من الساعه التاسعه صباحاً حتى الساعه الخامسه عصراً وعندها يبرد الجو شيء قليلا وأشغلنا فيه الذباب الله يشغلهم ، جات بيني وبينهم حروب طاحنه قتل فيها من قتل وأصيب من أصيب ولكن الدائرة وقعت عليهم قاتلهم الله .
وأما في الليل الجو مائل للبروده يمكن لأن بيتنا بين المزارع ، طبعاً صارت هناك مناخات كثيرة بيني وبين الناموس أصبت فيها إصابات بليغه في الوجه وفي اليدين يعني بالعربي الدائرة وقعت علي ، وهذا يعود بفضل سياساتهم الشريره لأنهم لا يخرجون إلا في الليل ويعرفون يحاربون وبشراسه لا تعادلها شراسة هتلر .

والله مدري وش أقول ومدري كيف أوصف الحاله ، لكن الحمد لله عدت على خير بفضل جهود المسؤولين والقائمين على شركة الكهرباء . ورجعت لكم في المنتدى بعد مناخاتي ومعاركي وصراعاتي .



أخوكم ذيب آل عريمه

 

 

 

 

[معلومات العضو فالح بن فهاد]

ذيب آل عريمه هههههههههههههههه بعد هذى اقصد (سهيل لاح يالقرم ذب العارض ولا البينه) والله ان تقول لابو المكيف لابو مثواه وخبز ماهيب عايقتك سنى الضو لاشمعلـُت وغدة كنها ثوب ٍ معلق والمنكوس يخالف المنكوس وخل الكهرب يولي ههههههههه عسى الله يعين يالذيب ولكن (كل يوم يقضي يوم يعانده زوم)اليوم قيض قفيه برد لابد اسأل الله يعجل انتكاف كل مايخل بالوطن وبالمسلمين اجمعين ولك الود والشكر الامبراطــــور

 

 

 

 

[معلومات العضو عبدالله بن قويد]

مرحبا بالذيب حياك الله
تدري أني توني ذابح عشر طعش مليون ذبانه
المهم أذا تبغاشيء أتصل على شركة ريد لمكافحة الضبان أقصد الذبان وطقتها ,,,
أما الكهرب فطلب الله قريب أن شاء الله ...

 

 

 

 

[معلومات العضو بنت الاشراف]

الله يعينكم على مبتلاءكم والله يرجع الكهرباء باقرب وقت..

 

 

 

 

[معلومات العضو أبونواف الدوسري]

الله يفرج همكم ....ويعينكم ..

أنتم خطلان الأيدي ياذيب أبائكم واجدادكم تحملوا من قبلكم الشدائد ...وأنتم لها وأنا أبوك...

كلها فتره بسيطه ويعود كل شئ ...عسي الله يسعدكم ويفرج همكم...بأذنه تعالي..

تقبل تقديري وأحترامي...

 

 

 

 

[معلومات العضو غربة وطن]

يالبى والله قلوبكم ياهل الوادي

وربي قلبي معكم

والله يكفيكم شر الثالثه يارب

 

 

 

 

[معلومات العضو ذيب آل عريمه]

المشاركة الأصلية كتبت بواسطة الامبراطـــور

الله يسلمك يا الأمبراطور وعسى الله يعين ، أبشرك إن شاء الله الأمور من أحسن إلى الأحسن .

 

 

 

 

[معلومات العضو ذيب آل عريمه]

المشاركة الأصلية كتبت بواسطة قيصر الوادي

مرحبا بالذيب حياك الله
تدري أني توني ذابح عشر طعش مليون ذبانه
المهم أذا تبغاشيء أتصل على شركة ريد لمكافحة الضبان أقصد الذبان وطقتها ,,,
أما الكهرب فطلب الله قريب أن شاء الله ...

والله شكلك سفااااح ذبابـيــن ، الله يستر منك .

والكهرباء إن شاء الله فرج الله قريب جداً

 

 

 

 

[معلومات العضو ذيب آل عريمه]

المشاركة الأصلية كتبت بواسطة بنت الاشراف

الحمد لله رجعت الكهرباء واليوم إنطفئت لمدة ساعة فقط . الله يعين الجميع

 

 

 

 

[معلومات العضو ذيب آل عريمه]

المشاركة الأصلية كتبت بواسطة أبونواف الدوسري

الله يفرج همكم ....ويعينكم ..
أنتم خطلان الأيدي ياذيب أبائكم واجدادكم تحملوا من قبلكم الشدائد ...وأنتم لها وأنا أبوك...
كلها فتره بسيطه ويعود كل شئ ...عسي الله يسعدكم ويفرج همكم...بأذنه تعالي..
تقبل تقديري وأحترامي...

ارحب يا عمي ابو نواف

والله كلامك طيب ، لكن إنا لها في الحر ( كثر منها يا شيخ )

وأما الشيبان متعودين من قبل وعارفين ، لكن إنا ما تعودنا وهذا الفرق اللي بينا وبينهم
أما والله لو إني في البر كان تهون المصيبه لكن بين جدران ، وكل جدار يقول الحرارة عندي .
واللي أتعبني وأرهقني الحروب الطاحنة التي خضتها وإنتصرت إنتصارات تتعدى الخيال .
ماشاء الله

 

 

 

 

[معلومات العضو ذيب آل عريمه]

أخواني وأخواتي :
يقولون إن الكهرب بيطفي علينا في الوادي يومي الخميس والجمعه القادمتين ( هل هذا صحيح ؟؟؟ )

لا تقلقون علي في ذا اليومين ، بس كهرب طافي ( فقط لا غير )

في العالم كله ما طفى إلا علينا وعلى إخوانا في غزة ( فلسطين )
شكلي بآخذ حجارة وأرمي شركة الكهرب ، أسوي مثل ورعان فلسطين .