ردي على من يسب جماعة الدعوة والتبليغ(الاحباب)

[معلومات العضو ابن ذيب الودعاني]

بسم الله الرحمن الرحيم


هذه القصيدة قلتها ردا على من تكلم في جماعة الدعوة والتبليغ هذه الجماعة اللتي هدا الله بسببها اناس كثير وانا اتكلم عن جهدهم اللذي رايته وعايشته في وادي الدواسر فكم من شخص لم يطري علي انه راح يهتدي مع ان الهداية بيد الله وهو يهدي من يشاء ولكن اقول هذا الكلا م من شدة احواله ومعاصيه وبفضل الله ثم هؤلاء الناس الطيبين الذين يضحون بانفسهم واموالهم واوقاتهم لاجل الدعوة الى الله اهتدوا وتابوا والحمد لله من بعد ما انتشروا في الوادي والخير مقبل والشر مدبر فاصلح الله على ايديهم بيوت خاربه وهدى الله على ايديهم خلق كثير الله يقويهم ويكثرهم والل يحز في النفس وهواللي مهيضني على بدع ذا القصيدة اني سمعت اناس ملتزمين خارجيا ومظهراً والله اعلم عن ما في صدورهم يتكلمون فيهم ويسبون فعلمت انهم اصحاب هوى ودخلت في قلوبهم الغيرة لما رأو الصلاح في دعوة الاحباب

وانا اقول اللي يسبهم فهو مناااااافق لانه يسب الدين ويسب الدعاة الى الله ولا اطول عليكم:

سلام يالاحباب ياعز الصحـــيــــب=يامكرمين اللحية قصار الثيــــــــاب
انتم كما شمس ٍ ضياها ما يغيــــب =تنور على من قلبه من النور غـاب
يا مطبقين ٍ سنة وهدي الحبيـــــــب =يا مقبلين ٍ للهدى مع كل بــــــــــاب
كم واحد ٍ يدعى ولكن ما يجيـــــــب = يتبع ملذاته ويطرد له ســــــــــراب
لكن بفضل الله ثم جهد ٍ مصيــــــــب = منكم رجع يم الهداية والصـــــواب
في دارنا تدعون وعند اهل الصليب =تدعون للتوحيد شيبان وشبـــــــاب
وشفنا ثمرتكم في البعيد وفي القريب= ماهوب شوف الا شربناها شـراب
أنتو دوا من لا يداويه الطبـــــــيــــب= قلب ٍ غشاه الران لين اصبح خراب
ياباحثٍ عن السعادة يا كئيـــــــــــــب = انحر مجالسهم علاج الاكـتــــــئـاب
وياجعل من قال ان بكم شك ٍ وريـب = وقال ان منهجكم يجيب الارتيــــــاب
ياجعل حظه في السعادة ما يصيـــب = وجعله يزكى له من اموال النصــاب
يومه يبربر بالكلام وباللغيــــــــــــب = ياويش فعله جعل تاكله الكــــــــــلاب
راعي الهوا ماله مع الطيب نصيـب =نصيبه الله يكرم السامع تـــــــــــراب
لكن بقول القول وافهم يا لبـيـــــــــب =الحر ما همه نــعـيـقـك يالغــــــــراب
والله انهم حماة البلاد من الحريــــب =لافروا العربان من يوم الحــــــــراب
يرسون لامنه ارتفع صوت النديــــب =يرسون مثل الرسيات من الهضـــاب
وصلاة ربي عد ما كبر خـــطـــــيـــب =على النبي وعداد ما هل السحــــــاب

 

 

 

 

[معلومات العضو ذيب آل عريمه]

جزاك الله خير ، وصح لسانك يا إبن ذيب

 

 

 

 

[معلومات العضو @الجابر@]

بيض الله وجهك وصح لسانك على هالابيات الجزلة واللي قليله في حق اخوانا الأحباب

والله ينصرهم على من ظلمهم

والله ياكم شاب حاول الانتحار بسبب ادمان المخدرات وارتكاب المعاصي مامسك يده من طريق الردى ووداه لطريق الخيـــر الا أخوانا الأحبـــاب وغيرهم من المطاوعة اللي يشنوون هجوووم عنيف عليهم ماشفنا حتى النصح منهم

الله يقويهم وينصرهم ويهدي شباب المسلمين على يديهم

 

 

 

 

[معلومات العضو تركي نجد]

الله يقويهم وينصرهم علي من عاداهم

 

 

 

 

[معلومات العضو نايف الخييلي]

ابــن ذيب الودعاني


صــح لسانك وجزاك الله خير على كلامك الطيب

والله ياكم شاب حاول الانتحار بسبب ادمان المخدرات وارتكاب المعاصي مامسك يده من طريق الردى ووداه لطريق الخيـــر الا أخوانا الأحبـــاب وغيرهم من المطاوعة اللي يشنوون هجوووم عنيف عليهم ماشفنا حتى النصح منهم

ياخوي ليس المطاوعه اللى يشنون هجــوم عنيف على الاحباب بل العلماء وهم مايهاجمونهم

بل ينكرون الاخطاء اللى عليهم وبعض الافكار المذهبيه الخاطئه التي يتحدثون عنها

وقد تكلم عليهم الشيخ عبد العزيز ابن باز وغيره من العلماء اللى ناصحوهم وجلسوا

معهم للنقاش . ومع هذا لايُنكر الجهد الدعوي اللى يقومون به فالله يهديهم لــطريق الحق

ويعافيهم على نشاطهم ويسدد خطانا وخــطاهم

 

 

 

 

[معلومات العضو سالم بن صمهود]

ســـلام يـالاحـبـاب يـاعــز الـصـحـيـبيامكـرمـيـن اللـحـيـة قــصــار الـثـيــاب

انتـم كمـا شمـس ٍ ضياهـا مــا يغـيـبتنـور علـى مـن قلبـه مـن النـور غــاب

يـا مطبقـيـن ٍ سـنـة وهــدي الحبـيـبيــا مقبلـيـن ٍ للهدى مــع كـــل بـــاب

كـم واحـد ٍ يدعـى ولـكـن مــا يجـيـبيـتـبـع مـلـذاتـه ويـطــرد لـــه ســـراب

لـكـن بفـضـل الله ثــم جـهـد ٍ مصـيـبمنـكـم رجــع يــم الهـدايـة والـصــواب

في دارنـا تدعـون وعنـد اهـل الصليـبتـدعـون للتـوحـيـد شـيـبـان وشـبــاب

وشفنا ثمرتكم في البعيد وفي القريبماهـوب شــوف الا شربنـاهـا شــراب

أنـتــو دوا مـــن لا يــداويــه الـطـبـيـبقلـب ٍ غشـاه الـران ليـن اصبـح خـراب

يابـاحـثٍ عــن الـسـعـادة يـــا كـئـيـبانـحــر مجالـسـهـم عـــلاج الاكـتـئـاب

وياجعل من قـال ان بكـم شـك ٍ وريـبوقــال ان منهجـكـم يجـيـب الارتـيــاب

ياجعل حظـه فـي السعـادة مـا يصيـبوجعلـه يزكـى لـه مـن امـوال النصـاب

يــومــه يـبـربــر بـالـكــلام وبالـلـغـيـبيـاويـش فعـلـه جـعـل تاكـلـه الـكــلاب

راعـي الهـوا مالـه مـع الطيـب نصـيـبنصـيـبـه الله يـكــرم الـسـامـع تــــراب

لكـن بـقـول الـقـول وافـهـم يــا لبـيـبالـحــر مـــا هـمــه نعـيـقـك يـالـغـراب

والله انهـم حمـاة البـلاد مــن الحـريـبلافــروا العـربـان مـــن يـــوم الـحــراب

يرسـون لامنـه ارتـفـع صــوت النـديـبيرسـون مثـل الرسيـات مـن الهـضـاب

وصــلاة ربــي عــد مــا كـبـر خطـيـبعلى النبـي وعـداد مـا هـل السحـاب



الاخ الغالي ابن ذيب الودعاني
صح الله لسانك ملايييييييييييين وجعل من ارثك في جنات النعيم

 

 

 

 

[معلومات العضو مطلق الحصان آل عمار]

ابن ذيب بيض الله وجهك

وصح لسااااانك

وكثر الله من امثالك

وانت احتميت اعراض اخواننا

نسئل المولى ان يحميك من النار

لاهنت لاهنت لاهنت

تحياااااااتي وتقديري لك

 

 

 

 

[معلومات العضو ابو المثنى التركي]

حبيبي ابن الذيب من الذي تهجم على الاحباب كشخاص كل ما في الامر ان علمائنا بينوا الخطا الموجود عنهم وبعض ما هو خافي عن العرب ويعلمة غيرهم من العجم حبيبي لا ينكر جهودهم احد لكن كما قال سماحة شيخنا ووالدنا الشيخ ابن باز حين سؤال عن الخروج معهم قال يخرج معهم طلاب العلم ليعلموهم وهذا ليس بعيب فالكل يحتاج للتعلم وتوجيه

 

 

 

 

[معلومات العضو ابن ذيب الودعاني]

ارحب ياذيب ال عريمة تراحيب المطر ولاهنت على مرورك الكريم يا ابو محمد
تقبل تحيات اخوك ابن ذيب الودعاني

 

 

 

 

[معلومات العضو ابن ذيب الودعاني]

اخوي الجابر لاهنت على مرور وكلامك صحيح لكن على فئة معينة واشكرك على مرورك العطر

 

 

 

 

[معلومات العضو ابن ذيب الودعاني]

اخوي تركي نجد تقبل الله دعائك ولاهنت على مرورك الكريم

 

 

 

 

[معلومات العضو ابن ذيب الودعاني]

مرقبنا العزيز نايف الخييلي حياك الله وكلامك صحيح وابن باز حبذ الخروج معهم وامتدح جهدهم وقال ياحبذا لو يدعم جهدهم بطلبة العلم والحمدلله فمن الاحباب علماء ومشايخ والانكار على بعض اللذين يدخلون في امور العقيدة بالاحاديث الضعيفة او المكذوبة لان العقيدة مهم ان تكون الاحاديث المتعلقة بها صحيحة لانها اساس الدين


وكلام اخوي الجابر صحيح على البعض وانا ما كتبت هذه القصيدة الا بسبب بعض الملتزمين اللي يطعنون في اعراض بعض الاخوان من الاحباب مع التركيز على كلمة البعض وهم قلة ان شاء الله

وجزاك الله خير يا نايف الخييلي ولا هنت على مرورك

 

 

 

 

[معلومات العضو ابن ذيب الودعاني]

مشرفنا الغالي سالم بن صمهود مرحبا ملااااااااايين وشرفت الموضوع ونورته بردك الجزل وتقبل الله دعائك
تقبل عاطر التحايا

 

 

 

 

[معلومات العضو ابن ذيب الودعاني]

مطلق الحصان ال عمار صح بدنك ومرحبا ومسهلا مدد مهوب عدد واثريت الموضوع بردك وتقبل الله دعائك وتقبل تحياتي

 

 

 

 

[معلومات العضو أبونواف الدوسري]

جزاك الله خير ، وصح لسانك يا إبن ذيب