<<مووووووت المشااااااااعر

**معلومات** **العضو** · 28-08-2009, 12:01 AM

جتك المــشاعر تسوق الكرهـ محتــدهـ=تشرح لك الوضع .. ليتـك تفهمـه ليتـك
ما أبيـه وقـت ٍ معـاك الله .. لايــردهـ=عقب المحبـة تـراي بـجـد .. وطـّيتـك
دامي خسرتـك ترى الـصدهـ هي الصدهـ=!.. في دار الامـوات عن دنيــاي عديتـك
رح دوّر اللي عطـاك الشـوووق وتـودهـ=!.. كان الخـطا من خـفوقي يـوم حبيتـك
" الحـب غلطه معك " يالعن ابو جـدهـ=لا عاش راسي تشوف أن كان ما أبكــيتك
أعطيتك اللي تعجز النـاس عـن عـدهـ=!.. ما فيه شي ٍ ( طلبته ) ثـم رديتــك
لقيـت دربـك بـه الحسـرات ممـتـدهـ=ظلمت نفسي .. خسارهـ كيـف عليتــك
سليت سيفـك بـ وجهـي حيـل وتحـدهـ=!.. ما كني اللـي نزفـت الجـرح وأغليتـك
.. العالم اللـي دخلتـه ما أنته بـ قــّـدهـ=نسيـت عمـري وراك .. ولا تناسيـتـــك
ابشر بـ قسـوة تبـد الحيــل .. وتهـدهـ=ومع كل هذا .. تـرى ما ظنـــي أوفيتـك
ذكراك تبقى بـ وسـط الجـــوف مسودهـ=!.. لو الليالي تعرفك زيــن .. مـا جيتـك
خلاص كرهـي تجاهـك واصــل ٍ حـدهـ=من نفس كاسك... عطـيتك كاس واسقيتـك
" ما أبيك وقت الرخا " ولا أبيك بـ الشدهـ=!.. مليت منهـا ( حياتـك ) .. دام خليتـك
انهيت حبـك وبـاب ( الهـم ) بـ اسـدهـ=" ما عاد قلبي مثل ما كان .. هـو " بيتــك
بعض المـشاعر تمــووووت .. ولا لهـا ردهـ=بـ الضبط مثلي .. نسفت الحـــب وانهيتـك

**معلومات** **العضو** · 28-08-2009, 12:05 AM

صح لسانك ولسان الشاعر ولاهنتي على القصيده

**معلومات** **العضو** · 28-08-2009, 12:29 AM

اهلين ومراحب يالغلا

**معلومات** **العضو** · 28-08-2009, 01:26 AM

صح لسانك ولسان الشاعر ولاهنتي

**معلومات** **العضو** · 28-08-2009, 04:31 AM

لاهنتي على نقل القصيده الرائعه
وياليت تذكرين اسم الشاعر حفظا" للحقوق الادبيه
واسمحي لي على التنسيق

**معلومات** **العضو** · 28-08-2009, 04:51 AM

**معلومات** **العضو** · 28-08-2009, 05:25 AM

اااااااااااااااااااالله

ابيااااااااااااات قااااسييييييييية

بس انا مالوم الشاعر اكيييد ماكتب ها الابيات الا من موقف قوي حده عليها

صح الله لساان القايل ولاهان الناااقل

راقت لي اختيارك