هل هي موزونة؟؟؟

**معلومات** **العضو** · 02-04-2007, 10:55 PM

السلام عليكم ,,,,,,,,,

مساكم الله بالخير يابني عمي,,,,,,,,,,,

أنا كتبت قصيدة مدح فأرجوا من أخواني الشعار أنهم ينقدونها إذا فيها قصور من ناحية الوزن أو القافية

قم يانديمي وخذ من حبل أفكاري,,,,,,,,,,,,,,حبر (ن) كثير (ن) وخل الوصف منقاشي

على خوي المعزه طيب الطاري,,,,,,,,,,,,,,,أحمد لا مني زهمته واعتدى الواشي

قرم(ن) على حطة اليمنى في معساري..........أنا أشهد انه على الضيقات معتاشي

حر (ن) تعلى على ضلع (ن) له وكاري,,,,,,,,ضلع (ن) طويل (ن) ما يرقى الصبي الهاشي

والخاتمة صلوا على سييد الاخياري,,,,,,,,,,,أمحمد الهادي مروي الناس لعطاشي

وسلامتكم

أخوكم//// طالب المجد

**معلومات** **العضو** · 03-04-2007, 01:26 AM

اخوي طالب المجد ..

القصيده قافيتها مضبوطه ..

بس ينقصها الوزن ..

والكثير مننا ..

متعقد من سالفة الوزن .. ؟؟

وهي بالعكس سهله ؟؟ للي يفهمها ؟

أنا بختصر لك ؟؟ الوزن ؟؟ وركز معي ؟

الوزن قبل كل شي ؟؟؟ لحن ؟؟ او بمعنى آخر طرق ؟؟

انت الحين لما تسمع اغنيّه ؟ لها لحن ؟؟؟

ومو شرط اغنبيّه ؟؟

اي لعبه انت تلعبها ؟؟؟

سواء كانت عرضه ؟

أوسامري ؟ او او الخ ؟

وركب قصيدتك على لحنها ؟؟

واتمنى اني وصلت لك المعلومه ؟؟

وفالك المليون

**معلومات** **العضو** · 03-04-2007, 02:09 AM

طالب المجد

بداية موفقة ومثل ما قال اخي الخضراني في توجيهه لك

تقبل خالص الود والتقدير ..

اخوك في الله

محمد الغريري

**معلومات** **العضو** · 03-04-2007, 08:55 AM

السلام عليكم .......... بيض الله وجهك يا الخضراني على مرورك ولا هان محمد الغريري

لكن القصيدة أنا مركبها على طاروق وهذا الطاروق سمعته في قلطه وركب معي 100./.

أرجوا الإفادة إخواني .

تحياتي لإخواني/////طالب المجد

**معلومات** **العضو** · 06-04-2007, 04:28 AM

اخي طالب المجد

لا هنت و تم نقل القصيدة للموهوبين

لثقتنا بأن لديك القدرة على كتابة الأفضل

كل الود،،،

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية