خذيت من دنياي لي جملة دروس

[معلومات العضو مبارك بن شافي النتيفات]

خذيت من دنياي لي جملة دروس
وكل شي راح يكون درس الليالي

دنيا دنيه خلت الفكر محيوس
وانا ادري انها تاليتها الزوالي

من ما تشوف العين في الخاطر حسوس
والقلب من ماشاف فيه اجتوالي

كني بعض الاحيان بالجن ممسوس
واحيان فيها رايق البال سالي

تساوت الكرعان قدر مع الروس
ماعاد ميز بين قدر الرجالي

وتصدر المجلس رديين ونجوس
يظرب بقوم قوم ولا يبالي

وكثير حكية نمة وعلم دنفوس
حكي من التقدير والزين خالي

وبعض المجالس مجلس فيه ناموس
تلقا هل الطالات واهل المعالي

اهل الكرم ذربين غنية نفوس
دينن ودنيا طيبين الخصالي

#مبارك_شافي_النتيفات

 

 

 

 

[معلومات العضو أبونواف الدوسري]

صح السانك أخي مبارك بن شافي...

وفقك الرحمن...

 

 

 

 

[معلومات العضو راشد المسعري]

الله الله يابو شافي

صح لسانك ولاعدمتك على الأبيات اللي تكتب بالذهب

كأنك تشرح واقع في مجتمعنا وصحيح مية بالمية

شكراً يامبدع ،،،

 

 

 

 

[معلومات العضو سعيد ال سعد]

الله عليييييييك في ذمتي انك رجلن شريف

تساوت الكرعان قدر مع الروس
ماعاد ميز بين قدر الرجالي

وتصدر المجلس رديين ونجوس
يظرب بقوم قوم ولا يبالي

وكثير حكية نمة وعلم دنفوس
حكي من التقدير والزين خالي



الله اكبر صح الله لسانك مدى الحياه تحياتي وصادق
أمنياتي لك يبطل تقبل مرورك والاتقاطع بنتظار جديدك

 

 

 

 

[معلومات العضو مبارك بن شافي النتيفات]

صح بدنك يابونواف وشاكر مرورك

 

 

 

 

[معلومات العضو بنت الذيب]

اخوي مبارك صح لسانك وصدقت في كل بيت قلته

ماشاءالله ابدعت يعطيك العافيه

شكري وتقديري

 

 

 

 

[معلومات العضو موسى ابومشهور]

الله - الله
ابداع وجزاله
وشاعريه فذة
صح لسانك

 

 

 

 

[معلومات العضو مبارك بن شافي النتيفات]

الابداع لايكتمل الا بحظورك يابومحسن

شاكر لك مرورك العطر

 

 

 

 

[معلومات العضو مبارك بن شافي النتيفات]

ارحب ياسعيد

وشاكر لك مرورك العذب

نورت وشرفت متصفحي يالامير

تحياتي ووافر احترامي

 

 

 

 

[معلومات العضو مبارك بن شافي النتيفات]

هلا بك ي بنت الذيب

شاكر لك مرورك العطر

دمتي بحفظ الرحمن

 

 

 

 

[معلومات العضو مبارك بن شافي النتيفات]

هلا ومرحبا بك ياموسى

نورت متصفحي

تحاااايااااي