الـــــــــــــــــــــدواســـــــــــــــر (الودعاني)

[معلومات العضو مبارك الخييلي]

يهتز سطح الارض والشعر زالزال

زلزال في شرق اسيا يشبهـه حيـل

شعرٍ يخلدني علـى مـر الاجيـال

يبقى على مر الزمن مابقى سهيـل

لاقلت بيت من الصدى ردت جبـال

وما استبعده يلغي شعر كل هالجيـل

وان ما شهرني وانضرب فيه الامثال

ماقول حرفي شمس وحروفهم ليـل

ياقاري حروفي و يا طيـب الفـال

اربط حزام الدهشـة بكـف تحليـل

شعري نوى يمدح غزيرين الافعـال

الوافييـن الشامخيـن الحلاحـيـل

اللابة اللـي فعلهـا يسبـق القـال

مثل الرعد يسبقه بـرق المخاييـل

الموت كنّه عندهـم شـرب فنجـال

والخوف مالـه فالحنايـا مداهيـل

مثل المحيط اليا ضرب موجه الجال

غريمهم شـاف الغرابيـل والويـل

وصبيهـم ينطـح ثلاثيـن رجـال

وقت اللقا له ضربةٍ تسقـط الخيـل

كل الدواسر ياهل العـرف ابطـال

فعل القبايل غصن وافعالهـم سيـل

واخص منهم عمي معـرب الخـال

طير الهدد ذيب الجلد ذابـح الحيـل

المجلـس اللـي للمناعيـر مدهـال

من عقبه اصبح (حاتم) بعيني ابخيل

هذاك ذكـره بـدل اليـاس باامـال

وهذاك ذكره كنّـه الشمـس بالليـل

والطيب لو له هامة اتطاول اجبـال

تصير ساس لطيب راس الرجاجيل

مادام فزعة لابتـي روس الامـوال

والنخوة بعمي هي ذخـر المقابيـل

لاقلت ابن زايد من الوقـت لامـال

تضحك لي الدنيـا ويتعـدل الميـل

ماهو غـرورٍ لكـن الحـق ينقـال

انا شموخي عانق الجـدي وسهيـل


خـالـد الودعـانـي الـدوسـري

مـــع تــــحــــيـــاتـــي

مــبــارك الـــخــيــيــلي

 

 

 

 

[معلومات العضو ابو فايز]

تسلم اخوي على هالابيات الرائعه وصح خـالـد الودعـانـي

 

 

 

 

[معلومات العضو لين]

تسلم أخوي مبارك على هذه القصيدة الرائعة

ويستاهلون الدواسر أهل الجود والطيب

 

 

 

 

[معلومات العضو ابو زيد الغييثي]

لاقلت ابن زايد من الوقـت لامـال=تضحك لي الدنيـا ويتعـدل الميـل

الاخ مباركـ الحجاج الخييلي لاهنت وجل يمناك مايجيها العطب

على نقل هذه الابيات الرائعه


محبك ومغليك


ابو زيد الغييثي

 

 

 

 

[معلومات العضو السيف دايـم]

صح لساان الشاعر ..

لاهنت على النقل..

 

 

 

 

[معلومات العضو فرحان فهد ال فرحان]

كل الدواسر ياهل العـرف ابطـال

فعل القبايل غصن وافعالهـم سيـل

افلح ياوجهه
بيض الله وجهك ووجه ولاهنتو جميع
الله يوفقك انت وهو
عز الله انه شاعر

 

 

 

 

[معلومات العضو الزين]

تسلـــــــــم يمينك علي النقل وصــــــــــــــــــح لسان شاعرهـــــــــــــــا

لاقلت ابن زايد من الوقـت لامـال=تضحك لي الدنيـا ويتعـدل الميـل
ماهو غـرورٍ لكـن الحـق ينقـال=انا شموخي عانق الجـدي وسهيـل

الزيــــــــــــــــــن

 

 

 

 

[معلومات العضو الذيب العماري]

والله شاش راسي

لاهنت على النقل وصح السان قايلها

 

 

 

 

[معلومات العضو مبارك الخييلي]

الله لايهينكم جميع علي مروركم الأكثر من مشرف لي

أبو زيد يعلم الله أني أحبك بالله

وكلما شاركة أنت والاخوه كلما أرتفعت معنوياتي

تقبلوا خالص شكري وتقديري

 

 

 

 

[معلومات العضو عبدالله الحافر الغييثي]

يسلم الناقل والقايل
ولاهنت وبيض الله وجهك

 

 

 

 

[معلومات العضو مبارك الخييلي]

ولا هنت علي مرورك المشرف


تقبل خالص ودي وتقديري

 

 

 

 

[معلومات العضو ابواسرارالودعاني]

بيض اللة وجهك اخوي مبارك وصح ولسان الشاعر وبن العم خالدالودعاني

 

 

 

 

[معلومات العضو ابواسرارالودعاني]

بيض اللة وجهك اخوي مبارك وصح لسان الشاعر وبن العم خالدالودعاني

 

 

 

 

[معلومات العضو مشعان المصارير]

بيض الله وجه ناقلها وصح ألسان قايلها وعزالله أنها قصيده جزله

 

 

 

 

[معلومات العضو ولد ودعان]

صح السانك ولسان قايلها

لاهنت ياغالي
على القصيده

تحياتي