تعبنا من مدارى خواطر وحب خشوم**وصبرن على اللي هرجته مايثمنها..

[معلومات العضو حمد ابن فهد]

تعبنا من مدارى خواطـر وحـب خشـوم
وصبر{ن} على الـلي هرجتـه مايثمنهـا

أليا جات من فـم المغفـل بـدون وسـوم
حذفها علـى اذن الـلي معـه ماتشاينهـا

تحمل وحـاول ماتعـرض لبعـض اللـوم
وخف الكلمتين اللـي لـك ايـام ساجنهـا

ولو ماتقدر بعض قوم{ن} لحشمـة قـوم
كثيـر الرجـال تشـك عنـدك باماكنهـا

أليا ضاق صدرك غيض ماهو حـرام تقـوم
قبـل لاتطيـع ابليـس نفسـك ويفتنهـا

وسق الرجل للي من دروب الردى محشوم
وريـث الـرجـال اللــي نباه ايبينـهـا

لو تجيه تشكي ضيم وقت وشقى وهمـوم
تعـود ولايبقـى معـك وحـدة منـهـا

ولاهو يغيره الزمـن بيـن ليـل ويـوم
على حال واحد والعـرب مـن معادنهـا

لاصار الردي من لذة المرجلـه محـروم
ونفسـه عليـه بسوهـا تامـر وتنـهـا

ترى مانت في خوة ضعيف العقل ملـزوم
تغـرب عنـه لنـذال ماينشـد عنـهـا

رخومن يداعبها الزمان وخذاهـا النـوم
مثـل ماخـذا جهالهـا مــع مجننـهـا

ارى الطيب بدر وطيبين الرجـال نجـوم
واشوف الردى حفره ولا عـاش زابنهـا

وصهيل الحصان نفرقه من نعيـق البـوم
مثـل مانفـرق عالـي الارض واطمنهـا

ولابه مطر لاصار مافـي سمـاك غيـوم
ولا لرض تنبت عشب من ماء مخازنهـا

هذا اللي طرى يوم انكشف سري المكتـوم
رسالـه مـادام الله كشفـهـا بنعلنـهـا

ولو ماتـداري لـك خواطـر تصيرعلـوم
لكن احفر لزلـة هـل الهـرج وادفنهـا

وسلامتكــــــم

 

 

 

 

[معلومات العضو شوق خالد]

صح لسـآان شآعرهآ
وإعتلى شـآاان نآقلهآ
أبيآات في قمة الجمآاال
رآااق لي مـآتم طرحهـ بين السطوور
دوم على القووهـ يـآ حمد لاهنت .

 

 

 

 

[معلومات العضو حمد ابن فهد]

المشاركة الأصلية كتبت بواسطة شوق خالد

صح لسـآان شآعرهآ
وإعتلى شـآاان نآقلهآ
أبيآات في قمة الجمآاال
رآااق لي مـآتم طرحهـ بين السطوور
دوم على القووهـ يـآ حمد لاهنت .

مرحبابك وبمرورك العطر