"تكفى" اقـول اليوم و"تكـفى" سنينا

[معلومات العضو مسفر ابن عبدالله الدوسري]

هذه القصيده مجاراه لقصيدة الشاعر احمد بن عبدالرحمن العريفي (نديم المجره) عن " تكفى" ارجوا ان ترقى الى مستواها.


تسـلم يمينٍ ساقت المـــــاء علينــا
وحنا برجـوى الغيث وللغيث حزات

ماهو شعر .. ذا نبع صافي المعينا
اروى ضماء فكر سبح فيه ساعات

ياشــــاكـين ناسٍ فعلهــــــا مشيــنا
بعض العرب لو تسقيه شهد هيهات

هيهات "منخل" يحفــظ الطيب فينا
مايذكـــر الا زلــــــة لســان لاجــات

كعــــــــــام مثــله دايــــــمٍ في يدينا
حــقران ولا يسوى جهل يـوم لافات

لافــات يـــــــــومٍ من العمر جاهلينا
للســنه اخطيـنا وضاعــت رجـولات

"تكفى" اقـول اليوم و"تكـفى" سنينا
ننخى" بتكفى" مثلك رجــال صولات

يامــا صبرنا وللغضب كاضمينــــــا
سبة جحــود اشباه اهـــل المــروات

حتى العتــب ما تنـظره في عنينـــــا
لاجـــل المـــلامه مـاتزود المطمـات

ويامـــا تفــــكرنا بعـــد مانسيـــــــنا
وقالت لنا الافكار خــلوا الحسوفات

قـول "ونعم" لامن ذكِرنا يجينـــــا
يجلى كـــــدر فعل الـــــردي والدنيات

ترى الحـــــزن ما نقبله لو بلينـــــا
عمر الحزن ما يكسب النفس سجات

هذا وصلى الله على احمـــــد نبينا
لاقلت "تكفى" بادرك بالشــفاعات

مسفر بن عبدالله الدوسري
(دايم الاشواق)

 

 

 

 

[معلومات العضو ابو فهد الشكري]

صح السانك ابدعت
والله لايهينك على القصيده
واتمنى لك التوفيق
تحياتي..

 

 

 

 

[معلومات العضو عبدالله المصارير]

قـول "ونعم" لامن ذكِرنا يجينـــــا
يجلى كـــــدر فعل الـــــردي والدنيات

ترى الحـــــزن ما نقبله لو بلينـــــا
عمر الحزن ما يكسب النفس سجات

صح لسانك يادايم الاشواق وننتظر الجديد ....

 

 

 

 

[معلومات العضو شافي بن راشد النتيفات]

صح لسانك ولاهنت على هذه المصافحة الرائعة

 

 

 

 

[معلومات العضو مسفر ابن عبدالله الدوسري]

الشـكر للمولى ومن زار صفحتي
واهـــداني عيوبي نصايح ثمينات

ولمن ثناه اخفى قصوري وعثرتي
الله يجـــعل من عجـــافه سمينات

(دايم الاشواق)