ماكل من هاز الحمل يرتكيله

**معلومات** **العضو** · 18-11-2008, 07:45 PM

الناس قالت قولها بماضي الوقت= ماكل من هاز الحمل يرتكيله
الحمل يبغى صاملٍ كان ماطقت = عوايده شيل الحمول الثقيله
حراً على الطولات يرقا الا انعقت = ماهو يهاب الطايله والطويله
ولاهو يحسبها على رقتنا ورقت = لاشك ينقلها بنفس جميله
نفس على الفزعات ماناشها مقت= يوم بعض الناس نفسه دليله
ون كان مالطيب عودت واشتقت = ياعل نفسك يالحثاله ذليله
لانك عن العليا تنازلت واطبقت = ولامسيت بالحسنا مع الناس ليله
غرك زمانك ثم قفيت مافقت = حتى تعودت الفشل والفشيله
تمشي مع السهلات من وين ماتقت = ولاتلتفت للمرجله يالهبيله
وتبي النعم والنعم ماهو ولو ضقت = الالمنهو كالحصون الضليله
الوافي الي لاتعنيت وارهقت = تلقاه غيث صادقٍ في مسيله
غيث يغثك لاتبلشت وازهقت = ويحل عسرات الامور المحيله

[/poem]

**معلومات** **العضو** · 19-11-2008, 12:51 AM

اعوذ بالله اول مشاركه لي عندكم ومافيه احد رد لو بكلمه مشكور يشجعنا اجل كيف نشارك

**معلومات** **العضو** · 19-11-2008, 12:55 AM

حيالله من لفانا
ااااارررحب
يسرنا تواجدك معنا بين اخوانك في المنتدى الشامخ باهله
وصح لسام الشاعر
وتسلم يديك لنقلها
وننتظر جديدك
لاهنت

**معلومات** **العضو** · 20-12-2009, 12:46 AM

مرحبا بك ولاهنت اخوي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية