بـــــرق المولع

[معلومات العضو عبدالله الحافر الغييثي]

الشاعر/خالد بن مدعث الخرفاني الدوسري

البرق لعيون المولع مناديب=والبيد لقدام الخلاوي ركايب
وارواحنا لهموم بقعا معازيب=ومعزب الارواح قبر ونصايب
سبحان من يخفي عن العالم الغيب=وخلا الوعد من نازع الروح غايب
كلً يسوق الرجل ويروح ويجيب=احدً يجيك بسلم واحدً نهايب
واحدً يجيب الفود والعز والطيب=واحدً يذله كل ما كان جايب
من لا ستر وجهه عن الذل والعيب=ما عاد يلقى لذل وجهه طبايب
ومن لا حمى وجهه قبل طلعت الشيب=محدن يعوظه وجه لا صار شايب
ولا صار ذكرك فوق روس المراقيب=خلك على دربك ترى الدرب صايب
تصير بعيون النشاما كما الذيب=وفعيون عدوانك عطيب الظرايب
موت الفتى با المرهفات المحاديب=اخير من حيً مع الناس خايب
موتً تباكا له عيون الاجانيب=ولا عيشتً تدعي عليها القرايب
ولي نفوسً ما تروم المواجيب=ولي يدينن ما تسد النوايب
عذر الردي ما كل من يجهد مصيب=عود الحماطة كاسرته الهبايب
ما يخلف الهقوه طوال الاشانيب=صحيح من قال المراجل وهايب
غير النبي محدً بليا عذاريب=وكلً على الثاني سيوله جذايب
ليه؟ الحسد والغل والشك والريب=ليه؟ القطيعه واندلاع الحرايب
يولد الاحقاد شذب العراقيب=والغل سمً فا المعاليق ذايب
شرارتً من ملحقين المشاهيب=من ناشته خلة ضلوعه حطايب
يومون با الامواس مثل القصاصيب=ذنبً يوقف منه قطر السحايب
ياعل من يفرح بشيل المشاعيب=ويصير في فرقا الرفاقه سبايب
تقطع عراويه من الرزق والصيب=ويموت ما تنظر عيونه حبايب
وتصف النفوس ويركدً المشاريب=لابه ذنب عقرب ولابه نشايب
هذا بعض ما علمتنا التجاريب=اللي من الايام جتني جلايب
لا كامل الا وجه من يعلم الغيب=ولا رابح الا اللي من الذنب تايب

 

 

 

 

[معلومات العضو ابوبدر المصارير]

بيض الله وجهك يابو مطر
على طرح القصيده الرائعه والجزله للشاعر الكبير ابو مدعث وصح الله السانه وتسلم يمينك لاهنت

تحياااااااااااااااااتي

 

 

 

 

[معلومات العضو غلا نجد]

واحدً يجيب الفود والعـز والطيـب=واحدً يذلـه كـل مـا كـان جايـب
ولا صار ذكرك فوق روس المراقيب=خلك على دربك ترى الدرب صايـب
تصير بعيون النشامـا كمـا الذيـب=وفعيون عدوانك عطيـب الظرايـب
ما يخلف الهقوه طـوال الاشانيـب=صحيح من قـال المراجـل وهايـب

صح اللسان شاعرها

وسلمت يمنى ناقلها

يعطيك العافيه على القصيده الفاخره

وفقك الرحمن لما فيه الخير والصلاح

 

 

 

 

[معلومات العضو الزين]

واحدً يجيب الفود والعز والطيب=واحدً يذله كل ما كان جايب
من لا ستر وجهه عن الذل والعيب=ما عاد يلقى لذل وجهه طبايب
ومن لا حمى وجهه قبل طلعت الشيب=محدن يعوظه وجه لا صار شايب
ولا صار ذكرك فوق روس المراقيب=خلك على دربك ترى الدرب صايب
تصير بعيون النشاما كما الذيب=وفعيون عدوانك عطيب الظرايب
موت الفتى با المرهفات المحاديب=اخير من حيً مع الناس خايب
موتً تباكا له عيون الاجانيب=ولا عيشتً تدعي عليها القرايب

لاهنت يالغييثي وبيض الله وجهك وصـــــح لسان بن مدعث على القصيده الطيبه

 

 

 

 

[معلومات العضو عبدالله الحافر الغييثي]

ياهلابكم اخواني الاعزاء
والله لايهينكم على طيب المرور

والله يوفقنا لما فيه الخير والنفع

 

 

 

 

[معلومات العضو محمد بن سالم الخضراني]

ابو مطر لله يبيض وجهك ع النقل الطيب

وصح لسان الشاعر العملاق ابن مدعث

ولا هي غريبه منه الجزاله والنوادر الثمينه

خميس الله لا يهينك وتقبل تحياتي ومروري

 

 

 

 

[معلومات العضو عبدالله الحافر الغييثي]

يامرحبا والله يابو سالم
والساعه المباركة اللي شرفت احد مواضيعي

وياهلابك مرة ثانية