ماهي طريقة السلام عند الدواسر ؟

[معلومات العضو ولد الدواسر]

أحبائي أعضاء المنتدى الممتع والشيق قام أحد الزملاء بزيارة للوادي وكان مكلفاً من جامعة الملك فهد لأختبار القدرات قبل سنة تقريباً للإشراف على هذه الاختبارات قال عندما كنا في الخماسين استقبلنا مدير المدرسة التي سوف يقام فيها الاختبارات وبعض المدرسين وقال عندما قام زملائي بالسلام عليهم لاحظ طريقة السلام الغريبة حيث قال يسلمون على بعض من بعيد أي لا يلامس الخد بين الشخصين ، وهذا ما اثار استغرابه ولكنه بصراحة أشاد بطيب وكرم أهل الوادي وقضى أيام ممتعة وقال لم أشاهد في حياتي كرماً مثل الدواسر . سؤالي هل كل أهل الوادي طريقة سلامهم كذا أم ان لكل قبيلة لها طريقة خاصة بها وياليت نعرف من الشباب لزيادة المعرفة والتعرف على عادات الدواسر المختلفة وشكراً .

 

 

 

 

[معلومات العضو ابو زيد الغييثي]

ولد الدواسر يختلف السلام من منطقه لمنطقه

وهذا سلام اهل الجنوب
وتقبل تحياتي ،،،،،،

 

 

 

 

[معلومات العضو بن مشخص المسعري]

مرحبابك اخوي لكن بالنسبه للسلام عند هل الوادي حب خشوم ولا اعرف غيره
اما السلام من بعيد فهو لهل الجنوب

 

 

 

 

[معلومات العضو ]${عاسف المهره}$[]

اخوي ولد الدواسر السلام عليكم ورحمة الله وبركاته.......وبعد
طريقة السلام عند أهل الجنوب بينهم بين يسلمون على بعض
عادي بس لالفاهم ضيف او غريب مهوب منهم ولا من ديرتهم
يصافحونه من بعيد وهذا سلم عندهم ولافيها شي وعلى فكره
مهمب الدواسر بس أهل الجنوب كلهم من قحاطين وغيرهم

والسلام عليكم..............

 

 

 

 

[معلومات العضو ابوعبدالرحمن الودعاني]

السلام عند الدواسر لا يختلف عن أي قبيل من قبائل الجنوب أو نجد وإنما ما رآه هذا الرجل سلام أهل الجنوب وأنت تعلم أن الوداي فيه غير الدواسر كثير وعموماً فسلام أهل الجنوب حب الخشم من دون الملامسه ووضع اليد على الكتف وليس المصافحه وتختلف عند بعض الناس..
الشاهد أنه ليس لدواسر سلم خاص بالسلام.

 

 

 

 

[معلومات العضو الركن "أبوعبدالله"]

الاخ العزيز دوسر بن تغلب اهدي لك هذه الابيات رد على الجاهل المجهول...........

بعض العرب منزله دايم طمانـــي=نقص على ربعه مثل طاش ماطاش

هرج بلا فعل قليـــل المعانـــــــي=راعيه مايسوى هزيــلات الادبــــاش

الرجل مايهفي للاجواد شانــــــي=الا خسيس ضايع العقل منــــــداش

هذاك كبه هافي الراس دانــــــي=وارفع مقامك عن تفاهات الاوبـــاش

 

 

 

 

[معلومات العضو فتى الافــــلاج]

السلام عند الدواسر يا اخووووووووي الكريم

دائما بالخشوم وليش من بعيد

ونحن في الافلاج سلامنا بالخشوم

واما السلام من بعيد فهو لأهل الجنوب

اي اللي ورى الوداي يعني غير الدواسر

وشكراااااااااااااااااااااااااااااااا

 

 

 

 

[معلومات العضو ابن شيبان الودعاني]

الأخ ولد الدواسر قال

لا يلامس الخد بين الشخصين

الخد وليس الخشم
أهل الجنوب بالخشم بدون ملامسه
وأهل الوادي بالخد ولكن بدون ملامسه

وحقيقة مهوب ذا سلام الدواسر حيث أن السلام المعروف
هو ملامسة الخشم بالخشم
وحب الخشم للوالد والشيبان

وأيضاً السلام بملامسة الخد بالخدوهذا النوع من السلام لم يكن موجود قبل 25 سنه
أي أنه حديث تقريباً من عام 1403هـ

أما السلام الذي يتكلم عنه الأخ وهو السلام بالخد بدون ملامسه ومن بعيد
في الغالب هو سلام أهل البادية من الدواسر وغيرهم والذين لايسكنون المدينه او القرية

ولكن في الفترة الأخيرة انتشر بشكل كبير بين أوساط الشباب من الأجيال الأخيره

ولكن من هم في سن 30 فما فوق أعتقد لم يستخدموا هذا السلام
الامع من يبادرهم به ممن لايعرفهم من الباديه الذين يقطنون البر

وتحياتي للجميع

 

 

 

 

[معلومات العضو RUUD VAN NISTELROY]

هلا اخوي

انا اللي اعرفه ان الدواسر كلهم يسلمون بملامسة الخد والخشم
والسلام اللي ذكرته غريب جداً وخصوصاً على الدواسر فما ادري هذا سلام جديد...!!

 

 

 

 

[معلومات العضو فهدابن بتال الغريري]

السلام عليكم ورحمة الله وبركاته ...

بالنسبه لهالملاحظة عن طريقه السلام هالسلام لاحظته عند اغلب اهل نجد من جنوب الرياض

اي من الخرج الين الوادي مرورا على كل الهجر والقرى وعند كل القبايل ليس عنداهل الوادي فقط

والظاهر ان هالسلام جاهم من تالي وتعودو عليه .. وسلامتكم

 

 

 

 

[معلومات العضو فرعون السبيعي]

السلام بعدم ملامست الخد هذا عند الدواسر معروفوخاصه اهل السليل وتقبل مروري

 

 

 

 

[معلومات العضو مبارك الخييلي]

	ولد الدواسر مثل ماقال أبو زيد جعله سالم يخالف من منطقه الى اخرى لاهنت وبيض الله وجهك تقبل شكري والتقدير

 

 

 

 

[معلومات العضو ولد ودعان]

ولد الدواسر السلام من بعيد منتشر في الوادي لكن ليس سلام رسمي

الكثير منهم ينتقد هالسلام لكن تبقى اقليه شاذه عن الاخرين تسلم بهالطريقه وهي غير محببه

تحياتي

ولد ودعان

 

 

 

 

[معلومات العضو الذيب العماري]

السلام بالخشوم او بالخد طبعا كلها ملامسة مافيه شي من بعيد اللي من بعيد هم الجنوبين

 

 

 

 

[معلومات العضو ابومبارك الودعاني]