قصيدة قحطاني في الوداعين

[معلومات العضو ناصر الودعاني]

قصيدة الشاعر: سعد بن مهدي الحبابي القحطاني في مدح الوداعين أهل السليل عندما رافقهم اربع سنوات من خلال عمله كمعلم بمحافظة السليل

يالله يالمطلـوب ياقاضـي الـديـن= ياواحـد كـل المـلا تلتجـي لـه
فرد صمـد مـد البلـد بالمياميـن= وامن وآمان عقـب ماهـي محيلـة
يالله عساه ايـدوم آميـن وآميـن= ياناصـر دينـك ومـن ينتميـلـه
من بعدها والقـول يلقـا براهيـن= والعـز منهـاج القبايـل الاصيلـه
قول الحبابـي بالحقايـق ويازيـن= رسم الكـلام اللـي يثبـت دليلـه
في مركب الايـام والعمـر يوميـن= حسب الضروف وللمعالـي وسيلـه
ومن طيب حضي جيت بين= الوداعين قبيلـة بالـعـز نـعـم القبيـلـه
اهل السليل في المواقـف سلاطيـن =عند القسى مثل السيوف الصقيلـه
روس الرجال مرجحيـن الموازيـن= اهل المراجـل والفعـول الجزيلـه
عاداتهم تعرف مع العسـر والليـن= وقفاتهـم عنـد الشدايـد ثقيـلـه
واهل الفعايـل ملحقيـن المخليـن= واهل الجهـام اللـي قليـل مثيلـه
يرعون به حـد المعـادي جرييـن= من بطن نجد الى النفـود المهيلـه
تشهد لهم طالاتهـم فـي المياديـن= لاجـا نهـار فيـه قـدح الفتيلـه
وتشهد لهم عشر السوالف بتمكيـن= عند الخـوي والجـار لاقـل حيلـه
وسلومهـم وعلومهـم بالعناويـن= في روس مشذوب الرجوم الطويلـه
اربع سنين بينهـم تعجـب العيـن= والطيـب يثنـى كـل يـوم وليلـه
خوة شرف كني مع الربـع لدنيـن= عزي لمـن دنيـاه ماتستـوي لـه
ماهيب تستغرب من اول وذالحيـن= مجنى حرار وكلهـم مـن فصيلـه
وكل اخويانا بالفخـر فالهم زين= ومن قـدم النامـوس يلقـا بديلـه
واليوم جانا النقل من وين لا ويـن= الله يعـلـم والليـالـي كفـيـلـه
والله لولا الخـط ماحـن براضيـن= لاكـن كـلا ماضـي فـي سبيلـه
بين العمل والبيت ميـه وعشريـن= والوقت قاسـي والمسافـة طويلـه
ان جيت منـا لا المناعيـر وافيـن= وان جيت منـا حاجـة مستحيلـه
لاكن على ماقيل لـو طـول البيـن= القـدر يمـلا الصـدر والله وكيلـه
وعلى المعزة والمواصـل مقيميـن =سلم الرجال ومن دعانا نجـي لـه
الله يثبتنـا علـى الحـق والديـن =ويزيـل عنـا كـل عيلـه وميلـه
وختامهـا ياشيـن فرقـا المحبيـن= واللي شكاها ياعـرب عزتـي لـه

الشاعر / سعد بن مهدي الحبابي
وقد ردعليه الشاعر عبدالله ابن مرضي الجماعين بهذه القصيد ة

يامرحباً بك يابن قحطـان وأهليـن= ترحيبـة فـي مستواهـا نبيـلـه
ماترخـص إلا للرجـال الكريميـن= خليلها النشمي وهـي لـه خليلـه
وننطح بها قاف الرجـال العزيزيـن= وتثنى لقافـك عـد وبـل المخيلـه
واعداد ما صفت صفوف المصليـن= ومابان نور الصبح وانـزاح ليلـه
صح الله إلسانك على المنطق الزين= وعوايـدك بـدع الهـروج الدليلـه
على الجزاله ياسعد منـك ضاريـن= ولا نذكر انها جات منـك الهزيلـه
ولا هنت في مدحك لنا يا أحمر العين= فيما بدعت مـن البيـوت الجزيلـه
ولا عليكـم زود بالطيـب وافـيـن= يا أهل المراجل والسلـوم الجميلـه
يابن مهدي نعـم بذكـرك ونعميـن= وقولت نعم في حـق مثلـك قليلـه
قرم وساسك من زحـول القحاطيـن= ساس الشرف واهل الوجيه الطويله
يجدبك للنامـوس والجـود جديـن= تمكنـت فيـك العـروق الاصيلـه
رافقتنا يابن الرجال اربـع اسنيـن =ومـرت علينـا مثـل يـوم وليلـه
رفقتك تشـرى ياسعـد بالملاييـن =ومثلك يلامـن راح يصعـب بديلـه
عشنـا ورافقنـا رجـال عديديـن =ولا كل مـن قفـا شحنـا رحيلـه
ولا كل من جانا من الربع لقصيـن= يـروح منضـور بعيـنٍ جليـلـه
والرجـل بفعالـه لربعـه عناويـن= وانت لبني عمك كسبـت الفضيلـه
ولو غبت عنا عنك ماحن بساليـن= ولا نعتبر وصل الهواتـف وسيلـه
مايكفـي الجـوال مـره وثنتـيـن= دام اجتماعٍ بـك لنـا فيـه حيلـه
شوفتك يقرب لجلهـا نـازح البيـن =ورفيقنـا الطيـب لـزوم انعنيلـه
وتمت وصلى الله على ناصر الديـن= نبينـا المختـار مـن بيـن جيلـه
وأقبل تحيـات ازمـلاك الوداعيـن= من بـاب تقديـر الزميـل لزميلـه
مشمومها الكادي وعطر الرياحيـن= ونفحٍ من الرسـلان لافـاح هيلـه

 

 

 

 

[معلومات العضو عبدالرحمن الشرافي]

اهل السليل في المواقـف سلاطيـن= عند القسى مثل السيوف الصقيلـه
روس الرجال مرجحيـن الموازيـن= اهل المراجـل والفعـول الجزيلـه
عاداتهم تعرف مع العسـر والليـن= وقفاتهـم عنـد الشدايـد ثقيـلـه
واهل الفعايـل ملحقيـن المخليـن= واهل الجهـام اللـي قليـل مثيلـه
يرعون به حـد المعـادي جرييـن= من بطن نجد الى النفـود المهيلـه
تشهد لهم طالاتهـم فـي المياديـن= لاجـا نهـار فيـه قـدح الفتيلـه

كفوووووووووووووووووووو

والله ومليون نعم ببني عنا الوداعين

يستاهلون المدح




ابن العم الغالي / ناصر الودعاني ..


الله لا يهينك على نقل هذه القصيدة لنا

وبيض الله وجهك يالقرم ..



وصح الله لسان الشاعر / سعد بن مهدي الحبابي القحطاني ..



اخوي ناصر لمعرفة كيف تنسق القصيدة ادخل على هذا الرابط:
http://www.alduwasser.com/vb/showthread.php?t=10161


لك مني خالص الشكر والتقدير.

 

 

 

 

[معلومات العضو ناصر الودعاني]

اي والله اخوي عبدالرحمن ما اعرف انسق

يعطيك العافيه على الرابط

 

 

 

 

[معلومات العضو نمر بن الأشيب]

كفو بالوداعين

ولا هنت ياناصر على كتابة القصيدتين

 

 

 

 

[معلومات العضو شافي القويسي المخاريم]

يستاهلون صبيان الوداعين المدح



لاهنت على طرح القصيده

 

 

 

 

[معلومات العضو زمان]

صح لسان الشاعر الحبابي وبيض الله وجهه
والشكر موصول لك ياناصر الودعاني على النقل المميز

 

 

 

 

[معلومات العضو حد السيف]

ومن طيب حضـي جيـت بيـن
الوداعين قبيلة بالعز نعم القبيلـه
اهل السليل في المواقف سلاطيـن



كفوووووووووو ياالوداعين وصح الله السان الشاعر

بارك الله فيك على نقل الموضوع ولاهنت

 

 

 

 

[معلومات العضو نادر فهاد بن نادر]

شكر الاخ ناصر على النقل الجيد وبيض الله وجهك على التنسيق اجميل منك ونتشرف بمشاركاتك وتقبل مرور

اخوك
نادر بن فهاد بن نادر

 

 

 

 

[معلومات العضو الزين]

صح الله إلسانك على المنطق الزين=وعوايـدك بـدع الهـروج الدليلـه

***********

ولا عليكـم زود بالطيـب وافـيـن=يا أهل المراجل والسلـوم الجميلـه

لاهنت علي النقل الطيب

 

 

 

 

[معلومات العضو يحيى الودعاني]

لاهنت وبيض الله وجهك على نقل هذه القصائد الجزله

 

 

 

 

[معلومات العضو ابو زابن المسعري]

صح الله السان الحبابي والسان الودعاني
وبيض الله وجيههم

الاخ ناصر الودعاني بيض الله وجهك
على هذه المشاركة الطيبه

 

 

 

 

[معلومات العضو vip909]

حي ذا العين من مزارق الطيب

واشكر ك علي نقل القصيدتين

 

 

 

 

[معلومات العضو محمد مناحي الودعاني]

كفو كفو الوداعين فكاكة القالات با العسر واللين وصح لسانك يا القحطانى

 

 

 

 

[معلومات العضو جابر الشكري]

الله لايهينك اخوي ناصر الودعاني ويستاهلون الوداعين الي فعايلهم ترفع الراس اهل الثمان السوالف مثل ماقال والدي رحمة الله عليه قصيده طويله من ضمنها /
يسعد من لابته مثل الوداعين **** لاشافو الي يتحدى بيتحدونه

 

 

 

 

[معلومات العضو ابو فهد الغييثي]

الله لا يهينك على نقل هذه القصيدة لنا

وبيض الله وجهك يالقرم ..



وصح الله لسان الشاعر / سعد بن مهدي الحبابي القحطاني ..