يــــــــــــــــــالله---

[معلومات العضو ماجد بن رويه]

يالله يامنشـي علينـا سحابـه =تكفي وطنا شـر كـل الشياطيـن
وتجمّل اللي مابعد صـك بابـه =في ماقفه لا عوّد الـراي راييـن
أقدس كلام امنزّل ٍفـي كتابـه =على صفيّ الخلق خيـر النبييـن
محمد الخاتم حبيـب الصحابـه =صلوا عليه وسلمـوا قولواآميـن
يامتّقـي بالله شـر النيـابـه =مادمت ناوي تمشي الدرب لاوين؟
جنّب عن اللي في ولعهم غرابه =ركب التطوّر في مجاله كراويـن
ويابنت ياللي ماتحـب الرتابـه =من وين ماهبت هبوب المحبيـن
تلعي طرب ولاّ حنين وصبابـه =ولاّ حـداك الشـوق ولاّ تونيّـن
خلي فرحك اليوم يلبس ثيابـه =وابدي حياتك زين من واقعن زين
شومي عن اللي فالقسا مايجابه =من فين ماتدرين من فين من فين
بينه وبين اخته صفات وتشابه =هي ماخذه منّه وهو ماخذ الليـن
عقله صغير ولا يوفّي نصابـه =من وين ماهب الهوا طار مسكين
يحلم على قده ولامـن عبابـه = أقصى طموحه بنت خبله وتكتيـن
بنت البخيل اللي جلب من زهابه = واصبح رصيده بالمصارف ملايين
مصيافها في كامب ديفد وطابـه= وتخق لاشافت شباب وصواليـن
مافكرّت مره بوقـت استجابـه =وتضّبط السواق لعيـون غاليـن
يا منتهى درب الغرام وخرابـه =فاتك ربيع العمر نـزوه وتفنيـن
حنّا فرقنـا يـوم كلـن ونابـه =قبل البدو تنزل وطنهـا بقرنيـن
حدب السيوف مجندلات العصابه =تشهد على مافات كـل الدواويـن
ماهمنا حكي النخـب والنقابـه =ولانفرح الاّ لانصونـا كريميـن
ماناخذ الاّ بنت شيخـن ولابـه =ولانرجي الاّ عزة النفس والديـن
ماهيب رحلة صيف حب ونسابه =منهاجنا واضح ولافيـه تخميـن
جاد الغمام وفك حـزن الغلابـه =والجودبيـدالله مـلاذ المساكيـن

 

 

 

 

[معلومات العضو المهلب]

صح لسانك يابن عمي / ماجد بن رويه ,,,,,,,,, وعز الله أبيات جامده وجزله من جزل .. ولك تقديري وتحياتي

.

 

 

 

 

[معلومات العضو الزين]

حنّـا فرقنـا يـوم كلـن ونابـه=قبل البدو تنزل وطنهـا بقرنيـن
حدب السيوف مجندلات العصابـه=تشهد على مافات كـل الدواويـن
ماهمنا حكـي النخـب والنقابـه=ولانفرح الاّ لانصونـا كريميـن
ماناخذ الاّ بنـت شيخـن ولابـه=ولانرجي الاّ عزة النفس والديـن
ماهيب رحلة صيف حب ونسابـه=منهاجنا واضح ولافيـه تخميـن

صــــــــح لسانك يابن رويـــــــــه

 

 

 

 

[معلومات العضو نجــــــــــديه]

لله درك عندما نهيم في عالم الشعر ونقف على نغم العذوبة ونركن إلى الجمال ربما يكون الصمت هو الحل فسحرك هنا لجم قلمي حلقت معه إلى عالم ساحر دمت عنوان الابداع

 

 

 

 

[معلومات العضو نادر فهاد بن نادر]

الاخ ماجد بن رويه قصيدة رائعة جداً وبيض الله وجهك وتستاهل البيضاء


اخوك

نادر بن فهاد بن نادر

 

 

 

 

[معلومات العضو فهد بن مبارك الودعاني]

أرررررررررررررررررررررررررررحب

يأبو بريك

صح السانك وبيض الله و جهك قصيدة( ن )جزله

ومافيك حيله يا ولد العم

جزله

من

رأس

جزل

يالذيب..


ننتظر أبداع قلمك يالغالي...



تقبل مني أرق التحايا و أعذبها من أخوك.....

 

 

 

 

[معلومات العضو نايف الخييلي]

الشاعر ماجد ابن رويه

صح لسااانــكـ صح لسااانك قصيده رائعــه وجزله . أشكرك على إتحافنا بها


خالص تقديري

 

 

 

 

[معلومات العضو عبدالله الدوسري]

حي البيوت الراويه




يا ماجد






و صح فكرك النيّر،،،

 

 

 

 

[معلومات العضو فرحان فهد ال فرحان]

هلا وغلا ماجد والا المتنبي

الحقيقه ياماجد من قوة الابيات شكيت انها لك

والله قصيدهرائعه للغايه الله يصح لسانك ويوفقك

ولازلت انتظر زيارتك لان الاوله ماتكفي

 

 

 

 

[معلومات العضو سالم بن صمهود]

حنّـا فرقنـا يـوم كلـن ونابـه
قبل البدو تنزل وطنهـا بقرنيـن
حدب السيوف مجندلات العصابـه
تشهد على مافات كـل الدواويـن
ماهمنا حكـي النخـب والنقابـه
ولانفـرح الاّ لانصونـا كريميـن
ماناخذ الاّ بنـت شيخـن ولابـه
ولانرجي الاّ عزة النفس والديـن
ماهيب رحلة صيف حب ونسابـه
منهاجنا واضـح ولافيـه تخميـن
جاد الغمام وفـك حـزن الغلابـه
والجودبيـدالله مـلاذ المساكـيـن

ماجد بن رويه
ابداع ايما ابداع صح الله لسانك وسلم الله بنانك ياذيبان

 

 

 

 

[معلومات العضو ابو زيد الغييثي]

الاخ ماجد بن رويه قصيدة رائعة جداً وبيض الله وجهك

 

 

 

 

[معلومات العضو بوحمد الحمد]

صح السانك ياغالي

وبيض الله وجهك يا القرم

وبارك الله فيك

لك سلامي وتقديري

دمت بود

تقبلني

 

 

 

 

[معلومات العضو عامر النتيفات]

الأخ العزيز الشاعر / ماجد بن رويه

انت من الشعراء المميزين الذين نكن لهم كل محبة وتقدير

تواجدهم ضروري وغيابهم مؤثر
.
الابداع والجزاله معتاده في شعرك

وسبق ان قلت رأيي في قصائدك وفقك الله
.
وصح السانك

 

 

 

 

[معلومات العضو غازي المسعري]

اخوي ماجد ابن رويه

صح لسااانــكـ صح لسااانك قصيده رائعــه وجزله . أشكرك على إتحافنا بها


خالص تقديري

غازي المسعري

 

 

 

 

[معلومات العضو فهد الغريري]

الشاعر الكبير صاحب القوافي القويه الله الله على هذي القصيده التي تغمر الفوأد وتشرح الخاطر والله ياماجد مهما قلنا في مقامك العالي جعلهك المعزه منوفيك حقك ماجد بن رويه عــز الله انك وافي من ربعٍ وافين جعلكم المعزه وننتظر جديدك المميز جعل من ارثك في الجنه وتقبل تقديري واحترامي واعتزازي في شخصك الرائع اخوك / فــهــد الــغــريــري