التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة

[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أعدّ التقرير: الأستاذ فهد بن هادي الغريري عضو مجلس إدارة الموقع. الأستاذ خميّس بن مطر الغييثي عضو مجلس إدارة الموقع. يسرنا أن تطرح بين أيديكم إخواننا أعضاء وأبناء القبيلة وزوّار الموقع الرسمي لـ القبيلة الدواســر تغطيةً مصورة لـ حفل ابناء الشيخ فهد بن فريج الشكرة الدوسري بوالدهم لحصولة على جائزة الرجل المثالي من يد صاحب السمو الملكي الامير مشعل بن عبدالعزيز ال سعود رئيس هيئة البيعة ورئيس اللجنة العليا لجائزةالملك عبدالعزيز طيب الله ثراه لمزاين الابل وقد شرف الحفل صاحب السمو الملكي الامير عبدالرحمن بن ناصر بن عبدالعزيز محافظ محافظة الخرج والامير سعود بن مشعل بن عبدالعزيز واصحاب السمو الملكي الامراء وكبار المسؤولين من المدنيين وعسكرين ووجهاء المجتمع وامراء القبائل ورؤساء المراكز وجمهور غفير امتلئت القاعة بهم . صاحب السمو الملكي الامير عبد الرحمن بن ناصر بن عبد العزيز محافظ الخرج صاحب السمو الملكي الامير سعود بن مشعل بن عبدالعزيز الشيخ فهد بن فريج رئيس مركز هجرة الشكره وبحضور صاحب السمو الملكي الامير عبد الرحمن بن ناصر بن عبد العزيز محافظ الخرج وصاحب السمو الملكي الامير سعود بن مشعل بن عبد العزيز أقام ابناء الشيخ فهد بن فريج الشكرة يوم الأربعاء الموافق 1431/2/15هـ حفل تكريم الشيخ فهد بن فريج رئيس مركز هجرة الشكره بمحافظة الخرج بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله ثراه لمهرجان ام رقيبة لمزاين الإبل. حضر الحفل وكيل محافظة الخرج مساعد بن عبد الرحمن السالم وجميع مديري الدوائر الحكومية ورؤساء المراكز وعدد من أعيان المحافظة. الشيخ فهد بن فريج الشكرة بسطور الشيخ فهد بن فريج الشكرة هو الرجل المحنك الذي له مساهمات كبير وفعّالة منذ القدم وحتى يومنا هذا في فض النزاعات بين القبائل ، فكل قبيلةٍ من حقها التفاخر والتباهي حينما يكون على هرمها رجالٌ نذروا أنفسهم لخدمة الدين والوطن ومجتمعهم القبليّ كيف لا يكون ونحن اليوم نتحدث عن رجل بقامة الشيخ فهد بن فريج الشكرة . ومما لا يخفى على الجميع يعتبر الشيخ فهد بن فريج الشكرة أحد أبرز رجال الأعمال من قبيلة الدواسر العريقة وكما يعدّ أيضاً أحد أشهر ملاك الإبل بالجزيرة العربية ، فقد شارك بأبله في الكثير من المزاينات والمحافل والتي حقق بها مراكز متقدمة وهذا الأمر ليس بغريب حيث إن أبوفريج يمتلك من أطيب سلالة الإبل ، كان في القدم يمتلك المجاهيم وحالياً هو يمتلك المغاتير ، ويعدّ أبوفريج من عشّاق الصحراء حيث يقضي جُلّ وقته مستأنساً في الهوى الطلق بالصحراء , حيث يمتلك مخيماً متنقلاً يستقبل به ضيوفه ويرعى من خلاله أعماله وشئونه الخاصة حينما يكون متواجداًبه لقطاتٍ مصوّرة لـ وصول الضيوف لحظة وصول صاحب السمو الملكي الامير سعود بن مشعل بن عبدالعزيز صاحب السمو الملكي الامير سعود بن مشعل بن عبدالعزيز وبجانبه محافظ شقراء الشيخ مران جروان بن قويد صاحب السمو الملكي الامير سعود بن مشعل بن عبدالعزيز وبجانبه الشيخ فهد بن فريج الشكره بنتظار وصول محافظ الخرج صاحب السمو الملكي الامير عبدالرحمن بن ناصر بن عبدالعزيز لحظة وصول صاحب السمو الملكي الامير عبدالرحمن بن ناصر بن عبدالعزيز صاحب السمو الملكي الامير عبدالرحمن بن ناصر بن عبدالعزيز وبجانبه صاحب السمو الملكي الامير سعود بن مشعل بن عبدالعزيز صاحب السمو الملكي الامير عبدالرحمن بن ناصر بن عبدالعزيز وبجانبه الشيخ فهد بن فريج الشكره صاحب السمو الملكي الامير عبدالرحمن بن ناصر بن عبدالعزيز يتبادل الحديث مع صاحب السمو الملكي الامير سعود بن مشعل بن عبدالعزيز من اليمين الامير عبدالرحمن بن ناصر بن عبدالعزيز وبجانبه الشيخ فهد بن فريج الشكره ويليه الامير سعود بن مشعل بن عبدالعزيز لحظة وصول وصول الشيخ محمد بن مناحي بن حفيظ شيخ شمل الشكرة وبجانبه الشيخ فريج بن فهدثم يليه الشيخ فرج بن حسن بن حفيظ لحظة وصول رئيس اللجنة العلمية والدعوية بجائزة الملك عبدالعزيز الشيخ خميس بن بطي بن منيخر وبجانبه الشيخ فهد بن فريج الشكرة لحظة وصول محافظ شقراء الشيخ مران بن جروان بن قويد لحظة وصول محافظ راس تنوره الشيخ فيحان بن جروان بن قويد لحظة وصول الشيخ محمد بن مران بن قويد ويليه الشيخ سعود بن متعب بن قويد لحظة وصول وكيل محافظه الخرج الاستاذ مساعد بن عبد الرحمن السالم الاستاذ حسين بن فهد بن فريج لدى استقبالة ابراهيم محمد المزارقة رئيس شؤون الموظفين بمحافظة الخرج ويظهر في اليسار الشيخ راشد بن فريج لحظة وصول الشيخ فيصل بن محمد ال فصلا المصارير رئيس المجلس البلدي بمحافظة الخرج معالي ماجد بن مساعد السديري وكيل محافظه الخرج الاستاذ مساعد بن عبد الرحمن السالم من اليمين الشيخ محمد بن مناحي بن حفيظ وبجانبة الشيخ نفل مسعود الشكره من اليمين الشيخ فيحان بن شجاع بن سويلمه ويليه الشيخ عبدالله بن علمان الهوامله الشيخ ضاري بن سعد الحطيم شيخ ال سلمه الغييثات من اليمين الشيخ ظافر بن سند ال هذال الشكرة ويليه الشيخ محمد بن لاحم بن قينان العمار شيخ قبيلة العمار من اليمين الشيخ محمد بن حسن بن حفيظ ويليه الشيخ بداح بن حسن بن حفيظ الدكتور محمد الجرريوي وكيل امارة الرياض لشؤون الامنية ويظهر في اليمين الاستاذ محمد بن عبداللهوالاستاذ عبدالله بن راشد والاستاذ فيصل بن محمد بن حفيظ والاستاذ فيصل بن عجب بن حفيظ من اليمين الأستاذ متعب بن فيحان بن جروان بن قويد ويليه الشيخ سعود بن متعب ويليه الشيخ محمد بن مران بن قويد من اليمين الشيخ الصييفي بن حمد الهواشله وبجانبه اخيه فهد بن حمد الهواشلة الشيخ محمد بن راشد المقابلة والشيخ محمد بن حسن بن حفيظ من اليمين الشيخ شلهوب بن رسام العمور وبجانبه الشيخ ناجي بن جفيران الحقباني من اليسار المهندس ابراهيم بن سعيد ابو راس رئيس بلدية محافظة الخرج والشيخ محمد بن مسفر بن فريج فضيلة الشيخ محمد بن عبدالرحمن الداعج مدير الاوقاف والمساجد والدعوة والارشاد بمحافظة الخرج فقرات الحفل مقدم الحفل الاستاذ حسين بن مرضي الشكره إنطلقت فعاليات الحفل المنبري عند وصول الامير عبد الرحمن بن ناصر بن عبد العزيز والامير سعود بن مشعل بن عبدالعزيز . بآيات عطرة من الذكر الحكيم تلاها طلال بن محمد بن فريج . الشيخ فراج بن محمد بن فريج القاضي في المحكمة الادارية في الرياض وبعدها إعتلى المنصة الشيخ فراج بن محمد بن فريج القاضي في المحكمة الادارية في الرياض ليلقي كلمة الحفل النقيب عبدالله بن فريج الشكرة بعد ذالك كلمة المحفتى به الشيخ فهد بن فريج الشكرة القاها نيابة عنه ابنه النقيب عبدالله بن فريج الشيخ خميس بن بطي بن منيخر ثم كلمة لرئيس اللجنة العلمية والدعوية بجائزة الملك عبدالعزيز الشيخ خميس بن بطي بن منيخر. اوضح من خلالها جهود الأمير مشعل الخيرية من خلال مزاين ام رقيبة واشاد فيها بالشيخ فهد بن فريج الشكرة ومباركا على هذا الحفل الرائع . وبعد هذه الكلمة النيره التي اضفت جواً من الروحانيه على الحفل بدأ دور الشعر حيث بدأ جولة الشعر النبطي حيث القى القصائد على التوالي كل ٍ من الشاعر محسن بن فالح الشكرة وشارك الشاعر محسن بن فالح الشكرة بقصيدةٍ بمناسبة في شفاء خادم الحرمين ، حيث يقول فيها : الحمد للي يرفع الضر والباس=المعتلي محي العظام الرميمة عافا ملكنا وانجلت غمت الناس=وتباشر الشعب الكريم بزعيمة زعيم شعب المملكة طيب الراس=قايد مسيراتة محقق نعيمة الوالد العادل على كل مقياس=مكفكف دموع العيون اليتيمة تسلم يابومتعب من الام الاوناس=تطهير ياراع اليدين الكريمة ياخادم البيتين يامعرب الساس=ياللي لهيبتنا تمس الشكيمة انت الرجا اللي شوفتة تجلي الياس=وانت الذي للشعب تملك صميمة وانت الرخا والحالة الشعب حساس=والشعب طيب والسعادة مقيمة نفز لا ذعذع من الغرب نسناس=والكل جهز في مضيفة وليمة تلبس محبينك على شوفك الباس=حبك عظيم وقدرة الله عظيمة قصيدة لشاعر محسن بن فالح في الشيخ / فهد بن فريج الشكره بمناسبة حصوله على جائزة المشارك المثالي يا مرحبا لو كان ما بينكم ضيف = أهل محل وكل من زار غالي يا مرحبا في محفلٍ ركنه منيف = شاهوق عيطا من قديم الليالي داعيه شرفنا وجيناه تشريف = واسمه يشرفنا على كل حالي وفعله يشرفنا بكل المواقيف = لا بركن بحمولهن الجمالي أوصافه تحطه بروس المشاريف = فزة جنوبياً وطنية شمالي معروف واسمه ما يبني زود تعريف = بن فريج العيدهي المثالي اللي تسلم من سمو سيدي سيف = سيف عطاياه حام التوالي مشعل عميد المجد ذرب التواصيف = ريف الدهر رمز الصخا والعدالي ابن المليك اللي يرش المصاريف = رش المطر من مدلهم الخيالي فضله شمل من حد نجران لطريف = عز الأصالة والبكار الغوالي والليله المعنى بيوته مراديف = والحمد للمعبود يوم استوالي وسيف المثالي له شروط وتصانيف = تهديبه الحكام روس الرجالي يستاهله رجل رزين وحريف = ومعرب ما بين عمٍ وخالي مافيه زود ويكرم الجار والضيف = وفي مجلسه ما يهجرن الدلالي ولأي التوابه من وطا حاله الحيف = وتقطعت منه الحبال الطوالي يلاطفه مقدار ما يدرج الكيف = وياخذ علومه فوق شقر الزوالي وليا انتهى وقت الحكي والسواليف = وبانت له الصورة تساوى وقالي والله ثم والله مجر العواصيف = وطلاق من مرقد حسين الدلالي ما تلتوي بك دايرت التخاليف = وأنا على الدنيا بحالي ومالي هذا هو اللي سلمه مشعل السيف = بن فريج العيدهي المثالي الشاعر فهد سالم فنيس المصارير وشارك الشاعر فهد سالم فنيس المصارير بقصيدةٍ بهذه المناسبة ، حيث يقول فيها : استبشري يا دار صقر الجزيره = الله رفع شانك على كل الأوطان من يوم أبو تركي لك قاد المسيره = وأسس لك العمدان ثم شد لركان عبدالعزيز ولا يمتّل بغيره = موحّد الدولة على نهج الإيمان بالسيف والحكمه وقو البصيره = وكفٍ لها في قمة المجد نيشان وعينٍ على كسب المعالي سهيره = ورجلٍ يدوس ابها الخطر سر وإعلان لين انعمت دار العروبه بخيره = وقامت تباها به على طول الأزمان وخلف لنا بعده رجالٍ شهيره = حكامنا اللي بالوفا شانهم شان في حكمهم شفنا العسيره يسيره = من عهده إلى اليوم والدار تزدان وفي ظل أبو متعب عسى الله يجيره = عاش البلد رغم القسا بأمن وأمان خادم بيوت الله ومسهر نظيره = وعلى البلد غيثٍ من المزن هتان ملك ملك كل الشعوبابمسيره = انسانيته غطت على كل إنسان للشعب غيث وللمعادي مريره = ميزانه يرجّح على كل ميزان بمبادرته ومشيته وتعبيره = صارت شعوب الأرض في حسبة اخوان والكل يفرح بالمزاين واميره = مشعل عريب الساس هو طير حواران معزته بقلوب شعبه كبيره = بسلامته نفرح ونفرح بسلطان بقدوم ابو خالد نسوق البشيره = سلطان رمز الخير ونقول خيران الكل يدعي له من اقصى ضميره = والشعب في شوفه شفوقٍ وولهان والحمد للي كلنا نستجيره = جانا ولي العهد وأخوه سلمان هو عزنا وأخو المليك وشويره = صميدعاً ياطا على كل شيطان وبحضور ابو فيصل نبوح السريره = الحاكم اللي حط للخرج عنوان كفه على التطوير دايم قديره = يهوم للعليا سلايل كحيلان خلا البلد تسمو على كل ديره = ينفق لها من ما حوى كل الاثمان الأبو ناصر والمزايا كثيره = هو فزعة المضهود لاجاه بحلان حكامنا تنطح وجيه المغيره = وحنا لهم نصمد على كل ميدان عدونا بيصير حتفه مصيره = دون الوط نلعن ثوا كل طمعان يا حدنا لو جات ناسٍ حقيره = من دونك جالٍ بواسل وشجعان عدونا تبقى حباله قصيره = نذوقه للموت ويروح خسران ويالله عساها دايمٍ لك سفيره = يا دولةٍ بالعز ما مثلها كان الشاعر فيصل العوني المطيري وشارك الشاعر فيصل العوني المطيري بقصيدةٍ بهذه المناسبة ، قصيدة لشبل خالد بن نايف بن فهد بن فريج وشارك لشبل خالد بن نايف بن فهد بن فريج بقصيدةٍ بهذه المناسبة ،نالت اسحتسان الحفل حيث يقول فيها : يامرحبا اعداد ماهل همال= وحدرعلى الوادي وسيل مسيلة وعداد ممدو هل الطيب فنجال=واعداد مزلو على البن هيلة ياسيدس ياسيدس صدق من قال= انتو جمعتونا قبيلة قبيلة حنا لكم لصتك جال على جال=وانتو لنا عند النوايب حصيلة الامير عبدالرحمن بن ناصر بن عبدالعزيز يبدي اعجابة في فقرات الحفل الامير عبدالرحمن بن ناصر بن عبدالعزيز يسلم على الشبل خالد بن نايف بن فهد بن فريج ويبدي اعجابه بقصيدته و الإلقاء المتميز الامير سعود بن مشعل بن عبدالعزيزيسلم على الشبل خالد بن نايف بن فهد بن فريج بعد ذلك قدم فيلم وثائقي بعنوان مسيرة المجد يحكي انجازات خادم الحرمين الشريفن ومسيرة الانجازات الخالده للمملكه العربيه السعوديه, ونبذه يسير لحياة الشيخ فهد بن فريج الشكرة لقطه من الفيلم الوثائقي [youtube] لعرضة النجدية ويظهر الامير عبدالرحمن بن ناصر بن عبدالعزيز والامير سعود بن مشعل بن عبدالعزيز جانب من العرضة النجدية ويظهر الامير عبدالرحمن بن ناصر بن عبدالعزيز والامير سعود بن مشعل بن عبدالعزيز وبجانبهم الشيخ فهد بن فريج الشكره جانب اخر من العرضة ثم بدا تسليم الهدايا و الدروع التذكارية لراعي لحفل تسلم هدية صاحب السموالملكي الامير مشعل بن عبدالعزيز رئيس هيئة البيعة رئيس اللجنة العليا لجائزة الملك عبد العزيز طيب الله الى صاحب السمو الملكي الامير عبدالرحمن بن ناصر بن عبدالعزيز,بيد الامير سعود بن مشعل بن عبدالعزيز سلم هدية صاحب السموالملكي الامير مشعل بن عبدالعزيز رئيس هيئة البيعة رئيس اللجنة العليا لجائزة الملك عبد العزيز طيب الله الى الشيخ فهد بن فريج الشكره بمناسبة الحفل تسليم هدية من الشيخ خميس بن بطي بن منيخر رئيس اللجنة الدعوية لشيخ فهد بن فريج تسليم هدية الشيخ عبدالعزيز الجاسر رئيس شؤون المالية في ديوان الولي العهد الى الشيخ فهد بن فريج تسليم هدية مقدمة من بلدية الخرج الى الشيخ فهد بن فريج الشكرة قدمها مدير العلاقات العامة تسليم هدية مقدمة من مجلة الابل يسلمها ابن خثلان السبيعي لشيخ فهد بن فريج تسليم هدية مقدمة من الشاعر فهد بن هادي الفهادي الى الشيخ فهد بن فريج الشكرة تسليم هدية مقدمة من صحيفه الجزيرة قدمها الاعلامي فهد السميح تسليم هدية من ابناء الشيخ مسفر بن حسين بن برجس (رحمه الله ) يقدمها النقيب فرج بن مسفر بن حسين الى الشيخ فهد بن فريج تسليم هدية من ابناء فرج بن حضرم الشكرة (رحمه الله) يقدمها سعود بن فرج الى الشيخ فهد بن فريج ويظهر باليمين الاستاذ عبدالله بن مسعود وبالخلف الاستاذ فيصل بن مبخوت ومن ثم غادر صاحب السمو الملكي الامير عبد الرحمن بن ناصر بن عبد العزيز محافظ الخرج قاعة الحفل مودعا بمثل ما استقبل به من حفاوة وتكريم. كما غادر صاحب السمو الملكي الامير سعود بن مشعل بن عبد العزيز مودعا بمثل ما استقبل به من حفاوة وتكريم. صاحب السمو الملكي الامير عبد الرحمن بن ناصر بن عبد العزيز محافظ الخرج اثناء مغادرة الحفل صاحب السمو الملكي الامير سعود بن مشعل بن عبد العزيز ويظهر من يسار الصوره الشيخ فهد بن فريج ومن يمين الصوره مقدم الحفل الاستاذ حسين بن مرضي الشكرة وبعد مغادر صاحب السمو الملكي الامير عبد الرحمن بن ناصر بن عبد العزيز محافظ الخرج وصاحب السمو الملكي الامير سعود بن مشعل بن عبد العزيز الحفل.. تم استكمال فقرات الحفل من شعر وشيلات الشاعر عيدان بن راجس الهوامله ويظهر بالصورة منسق الحفل النقيب فرج بن مسفر وشارك الشاعر عيدان بن راجس الهوامله بقصيدةٍ بهذه المناسبة ، حيث يقول فيها : سلام الله على كل الرجالي=سمو وهل الفضيله والمعالي هلايلي حضرتو كلبوكم=بكم في مجلس الرجل امثالي على كرسي وزل وعودن أزرق=وبن وهيل من صفرالدلالي وعقبه شحم ضان في صياني =يكرمبه كريمين السبا لي يقابل زايره بهلاوسهلا=ومن صدرن رحيب وسعبالي ومن زاره يقول أناالمعزز=وناألي عند أبوفراج غالي كريمن والله أكرمن عبيده=من أول يوم مابه زودمالي وجاه المال ثم ضهرنذوره=يعينه المنزح و المو الي وشارك فاالمزاين وخذلقبه=وهومن قبله الرجل المثالي الشاعر محمد بن باني المخاريم ويظهر في الصورة الاستاذ مسفر بن سلطان وشارك الشاعر محمد بن باني المخاريم بقصيدةٍ بمناسبة حصوله على جايزة المشارك المثالي في مهرجان أم رقيبة ، حيث يقول فيها : بسم الذي حط الأوامر والنواهي في الكتاب = ويعذب الكافر وبالجنة يجاز المسلمي بديت نظم القاف واصيغه بما لذا وأطالب = وأن جنبت بعض السهوم أهدافها صاب سهمي وأطلقت خيل الشعر مع جوٍ يزم به السراب = ثم امتطيت الألوله منهن ورزيت علمي صفراً حوافرها تشق الأرض في القاع الصلاب = غب المطر يشرب بها الضميان لا منه ضمي وأن صارت الشعار في المحفل تزاحم ما تهاب = في موقفٍ بين النشاما بالقصايد محتمي خليت قيفان القصيده تلتهب مثل الشهاب = ما يشتوي في الموقف الحامي وجودي وأعدمي وأن لحق بعض الناس من ربعه مشاريه وعتاب = انحت صخر وأشجع ألاد المنيعي محزمي لولاك يابن فريج في نظم الطواريق العذاب = ما تعبتنا فكري ولا لساني ولا خط قلمي ولولاك يابن فريج ما حثيتنا سير الركاب = وليا تردى سيرها حثيتنا سير قدمي ماعاد لي عن واجبك ذالليل عذر ولا غياب = لازمك لامنه بدا يا لقرم أعده لازمي حيثك بفعل الطيب وألنوماس يحسب لك حساب = بين الرجال مقدمٍ ومعززٍ ومكرمي رجلٍ مثالي والدليل إني على حق وصواب = الجايزه من رئيس البيعة عليك تقدمي سيفٍ يشوق العين من راس السنان إلى النصاب = يبهج صدور اللي يحبونك وخصمك ينعمي أهداه لك مشعل حليف الجود نطاح الصعاب = اللي يحلا به على الحر اللطوم الصيرمي تستأهل التقدير يالحلحيل يا سمح الجناب = اصلك جبل وأيضا لهل ست الركايب تنتمي الاد شكر اللي تروي في اللقى روس الحراب = في ساعةٍ فيها السيوف تسهل ويزيد الرمي لا طوحت بأطراف شيلتها منقشة الخضاب = ثم وقفت في ساحة الهيجاء تصيح وتزهمي تبشر بريعٍ تنعرف وقفانهم شيب وشباب = يروون عطشان السيوف العوج من حمر الدمي لاثار عج الخيل والبارود ثم جاء له ضباب = الذيب من عدوانهم يلقي عشاه مولّمي كم حلةٍ من فعلهم راحت عوامرها خراب = المال يوخذ والمباني فوق أهلها تهدمي أمجادهم ما تنمحي ياكود يمحن الهضاب = يسمع بها الاصنج ويكيها لسان الأبكمي هداتهم في المعركة تشبع بها سحم الذياب = وأنا بغير الحق والبرهان ما ينطق فمي واليوم عشنا كلنا بأمن ورخاء والكيف طاب = في ظل أبو متعي يعيش الشعب منعم ومحمي النادر اللي نحمد الله يوم عنه الشرغاب = عساه من كل البلاوي والمشاكل يسلمي ابن الزعيم اللي خلقه اله على المشرك ذهاب = امعزي اعضم رجل في وقته وربي لا عضمي وصلوا على المختار ما هل المطر فوق التراب = من مزنةٍ غراً مع وجه السحاب الأدهمي الشاعر مفرج بن جنبان المخاريم بالصورة النقيب فرج بن مسفر والاستاذ حسين بن فهد وشارك الشاعر مفرج بن جنبان المخاريم بقصيدةٍ بهذه المناسبة ، حيث يقول فيها : بسم الذي لة كل الاسماءالجليلة=الواحدالمعبود منجي خليلة الخالق الرازق جزيل العطايا=محيي الغصون ايلين صارت ضليلة الشافي الكافي عليم الخوافي=المعتلي مولج نهارة بليلة القاهر القادر عزيز الجلالي=المؤمن اللي كلنا نلتجي لة بسمة بديت ولاخسرمن بدابة=وتليتة بنظم البيوت الجزيلة وانا ليامني نضمت القصيدة=اخذ جزيل القول وترك هزيلة والشعر ماهو ملك هذا ولاذا=وقدقيل عقل الرجل من نوع قيلة فيالله تجملني بفعلي وقولي=مع كل شغموم ملكني جميلة ويالله توفق كل راعي جمالة =وراعي الردى من ذا البسيطة تزيلة فحد خسرمن شان كسب الجمايل=حتى بنا منزلة فوق الطويلة وحد بخل بالمال والمال زايل=ولاجنى كون الردى والفشيلة ولايمدح الاكل قرم مجرب=ومايمدح ويخدم وجيهن بخيلة واليوم ابمدح من تشرف علومة=فهدافريج ابمدحة واعني لة راعي الوفا راعي اليمين السخية=اللي بفعلة حقق المستحيلة لمير مشعل لقبة بالمثالي=مثالي مافية رجل مثيلة مثالي ابدينة وخلقة وجودة=ومثالي بفعولة اللي جزيلة ومثالي لاجاة فالضيق ضايق=يشيل عنة احمول وقت ثقيلة ومثالي بمشاركتة وحضورة=ف مزاين ام ارقيبة اعلن حصيلة شارك بوضح كل رجل تشوقة=بجرومها وارقابه اللي طويلة وخرع الاذاني والخدود العريضة=مرق الغوارب والعضام الجليلة يستاهل الناموس من ذي اعلومة=اللي يمثل فالمواقف قبيلة ماهو غريب طيب راعي الحميا=لانة من اللي يكسبون النفيلة الاد شكر مظوعة كل عايل=لاجاء نهارفية للخصم عيلة ولانطح خيل خيل والحرب دارت=وكل نختة ام العيون الكحيلة من ضربهم تشبع اجياع الضرايا=وكم من عقيد قد توطتة خيلة وديارهم مانالها كل طامع =حامينها بسيوف هند صقيلة اهل المكارم يم عسراليالي=واهل المواقف والفعول النبيلة ورجالهم لاقال قول وفابة=والحمل لامنة ثقل يرتكي لة افعالهم يشهد بها كل راوي=حتى نقلها جيل من بعدجيلة افعالهم عجز الفكر ماحصرها=والهرج يكفي عن كثيرة قليلة واليوم من فضل الولي بمن وامان=في ضل حكم عادل كل ميلة ابدول اهل العدل واهل الزعامة=اخوان نورة محتمين الدبيلة في ضل عبدالله اسهام المنايا=القايد اللي مالقينا مثيلة متواضع فية الصفات الحميدة=عز البلاد وهم شعبة يشيلة عبدالله اللي كل شعبة يحبة=يالله عسى عمرة اسنين طويلة شوفتة سالم جعل ربي يمدة=بالعافية تشفي اكبودعليلة وختامهاصلو عددبارق لاح=على الرسول اللي للامة دليلة الشاعر محمد بن جلمود الشكرة وشارك الشاعر محمد بن جلمود الشكرة بقصيدةٍ بهذه المناسبة الشاعر محمد بن راشد بن محمد الشكره وشارك الشاعر محمد بن راشد الشكره بقصيدةٍ بهذه المناسبة ، حيث يقول فيها : يا الله يا الله يالي ما عليك شي يكود = حنا تحت رحمتك نرجي ثوابك يا غفور نخطي وتغفر ولوحنا على خطانا نعود = وتستر ذنوب الخفا وذنوبنا بعينك جهور يا الله عنا على بدع المثايل ياودود = في موقف يبرز الرجال ولاهوب معذور اقدم على عدها يوم الردي عنها يكود = اقدم وانا محتزم واقدم وانا دمي يفور لامن زهمت القوافي شاشت وترقى سنود = وانا علي طرقها وانا علي غب البحور باسم الفهد مرحبا في ماكر الطيب والجود = يامرحبا مرحبا باللي لفانا من الحضور يا مرحبا مرحبا واقلط على بن وعود = يا مرحبا واسفرت بقدومكم نزداد نور لاباس ياحامي البيتين من ضيم اللدود = لاباس يا خادم البيتين لاباس وطهور ماقرة عيون شعبك يوم كل الملا رقود = ولا ذاق في غيبتك طعم الهنا والسرور يا عل صقر العروبه للوطن عجل يعود = بقدومكم تكتسي شبه الجزيره بالزهور حنا لصقر العروبه درع وحزام وجنود = ولا نستمع قول جاهل بالحكي يحتال زور نفداك ونفدا ولي عهد سخا كفه تجود = سلطان يا عله من صواديف الدهر ماجور وتسلم يا مشعل ولد عبدالعزيز آل سعود = احييت موروث قد محته الليالي والدهور كفو كفو يالفهد كفو كفو نسل الفهود = نومست ربعك وكل قرم وكل راس منعور حازت يمينك على سيف المثالي بالصمود = واشهرت سيف المعزه والمعالي والفخور وردت عد عسير على وراد العدود = عد ولا حد وردها من كل وافين الشبور وعليت كبد العدو وعليت به كبد الحسود = واكحلت عين الرفيق وعين من دمه يفور هذي عوايد يمينك يا عريب الجدود = يا عسى ربي يجيرك من زلات العثور وباسم الفهد مرحبا يامرحبا بكل الوفود = يا مرحبا مرحبا باللي لفانا من الحضور وختامها صلوا على شفيعنا يوم الحشور = لاشخصت ابصارنا لاحان يوم النشور ويا الله يا الله ياللي ما عليك شي يكود = حنا تحت رحمتك نرجي ثوابك يا غفور الشاعر فهد مسلم خالد الشكره وشارك الشاعر فهد مسلم خالد الشكره بقصيدةٍ بهذه المناسبة ، حيث يقول فيها : سلامة الحاكم وسيف البطوله = هي ثالث أعياد السنه والكمالي هدية آل سعود عزاً وطوله = والسيف يبقى في الزمن راس مالي خذيت يابن فريج سيف الرجوله = سيفاً مثالي وانت رجلاً مثالي من يد ولد من حط للدين دوله = مشعل ولد عبدالعزيز المثالي مشعل إلى جات اللوازم وجوله = هو ريس البيعه وسمح القبالي وسعود ابن مشعل عضيده بنواله = اله المزاين تاج فخر ينالي هذا حفيد معزي اللي رحوله = مضمره تلعب عليها الحبالي عبدالعزيز اللي جساماً فعوله = مضرب مثل بين العرب لا يزالي لين مصاريع الذلول الجفوله = واقبل وهو قلبه من الخوف خالي يبي هنوفاً راح منها زعوله = اتسال عنه واهو عنها يسالي عود على نجداً وزين ادلوله = ما طاوعوا الا عقب ضرب السلالي واستبشرت نجداً بساعة وصوله = واعلن بحكماً عقب حرب واقتالي وافق لها عزه وافت قبوله = واصل مسيره في ظهور الجمالي حتى رسى حكمه لمن كان حوله = ثم استتب الأمن لاول وتالي وحكّم بشرع الله وسنة رسوله = وصية منه عطاها العيالي الحكم ما جا بالمنا والسهوله = إلا بصبراً في شديد الليالي وبعده ملوك واصلوا كل جوله = وشالوا حمولاً مثل صم الجبالي ساروا على منهاجه وواصلوا له = حتى رقوا بالمجد في كل عالي وتعبوا على تطويرنا وتعبوله = ونهضة بلاد العز في أية مجالي ويسلم لنا اللي بدعي وادعوله = تشفيه من شكواه يا ذا الجلالي عبدالله اللي كل شعبه رضوله = ابو اليتامى والضعوف الهزالي غيثاً على شعبه تهامل اثعوله = النادر الساطي كريم السبالي أقولها والشعب غيري يقوله = وجه السعد والخير وجه العدالي لا كاد كل امراً تيسر احلوله = عند الزعيم اللي مع الشعب غالي الشعب يرقب رجعته واحتروله = يرجع لهم نور القمر والهلالي منوباً سلطان رمز البطوله = منوباً سلطان في كل حالي سلطان أبو خالد بفعله وقوله = درع الوطن لاضد جالاً بجالي ولي عهداً كل عزاً يطوله = وسياسياً لا جا جواب وسؤالي والنايب الثاني عضيده وحوله = لاجات عسرات العلوم الطوالي يحارب الارهاب واللي سعوا له = نايف خصيم اهل الفتن والضلالي اعداه منه مقيده وامعقوله = يفتل وينقض مبهمات الحبالي حارب هل التفكير لين اذعنوا له = ومن صطوته جاهم شديد الجفالي وسلمان حاكم نجد عرضه وطوله = سلمان شيّال الحمول الثقالي أبو فهد عند العرب سجلوا له = وقفتك مع سلطان يابن الحلالي وقفة بطل بين النشامي مثوله = اعطته تاجاً في العلوم الجزالي كلاً يبيه ووده انه ينوله = ويستاهله سلمان شيخ الرجالي وتعيش الوطن في افضل رخاه وشموله = للي جنوب الدار واللي شمالي في ظل حكامه وصطوت ازحوله = آل السعود اهل الفخر والمعالي الشاعرسلطان بن شويمي ال روق وشارك الشاعر سلطان بن شويمي ال روق بشيله بهذه المناسبة ، حيث يقول فيها : لجل الدواسر ملحقين المخلين|=اهل الفعول من اول ثم تالي واهل الفعول الي عليها براهين=واهل العزوم الاي تدك الجبالي من شانهم وقفت ذلحين ذلحين=وحبيت اهني يوم جاءلي ماجالي والتهنئة باسمي وباسم القحاطين=للوافي الي جاب سيف المثالي مبروك يابن فريج تكتب ملايين=فوزالمكارم قبل فوزالغوالي مكارم الاخلاق ترفعك والدين=ومزين من صكت علية اليالي حبيت اشارك حفلكم يالميامين=بسبعة بيوت جات من هيض بالي الشاعر مساعد بن سعيد الشكرة ويظهر في اليمين الشيخ محمد بن عبدالله والاستاذ مسفر بن سلطان والشاب سلطان بن فهد والشاب فهد بن حضرم وشارك الشاعر مساعد بن سعيد الشكرة بقصيدةٍ بهذه المناسبة ، حيث يقول فيها : سيف الشرف والعزوالطيب جبناة=جا للدواسر بد كل القبايل جابة كريما تفعل الطيب يمناة=شيخا على العلياىعيونة تخايل حرا شهر من ماكرة لاعدمناة=من لاد شكرن محتمين الاصايل حنا هل البل والطروق المخلاة=ياماذبحنا عندها كل عايل نرعى بسودن فلحدود المعفاة=يامار عينا من زهور المسايل ونرعى بوضحن مثل لون المخباه=ونرعى بذ يدانن زهت بالشمايل حنا هل الست البكار المرباة=واهل الحنية من عصور الاوايل وحنا هل الفزعات وحنا هل الجاة=ياما حمينا من غروسن ضلايل وحنا ثنينا فالحروب المسماة= ثنا لها ابن احفيظ والدم سايل نوخ وطق البيت والعلم ينصاة=وربعة على يمناة مروي السلايل عصرامضى روح بشرة وحسناه=تاريخ ماضي من عصور الاوايل واليوم حنا للوطن درع واحماة=متوحدين مع جميع القبايل في ضل ابومتعب عسى الله ياقاة=ويرجع لنا والشر والسوء زايل ونطلب كريمن كل خلقة ترجاة=الواحد المعبود منشي المخايل يرجع لدارن كل يومن تمناة=وتلبس رياض العز ابهى الحلايل ابن الزعيم الي ذرى نجد شلفاه=وحد شتات المملكة بالاصايل عبدالعزيز الي دروبة مخلاة=حلال صعبات الامور الجزايل الشاعر عبد الرحمن معيض الحبابي وقد شارك الشاعر عبد الرحمن معيض الحبابي بقصيدةٍ بهذه المناسبة ، حيث يقول فيها : تحضر بنات الفكر وتهيض الصدور = واخذ من بيوت القصيد خيارها ومشاعر الشعار يدفعها الشعور = والفرق من بين الرجال افكارها وقصيدتي ذليل بوابة عبور = لمباركات يبتدي مشوارها باسم الوطن والشعب وولاة الأمور = لأعلى مقامات البلد واسوارها طهور يا قايد مسيرتنا طهور = يا قايد الأمه وأمين أسرارها يا خادم البيتين يا لشهم الغيور = صقر العروبه سيد كل أحرارها ويا مرحبا يا من تزيد النور نور = ولي عهد المملكة وستارها وسلطان نجد اللي لها حامي وسور = أمير نجد اللي رفع مقدارها عودتكم أعادت فرحنا والسرور = وبانت على كبار العرب وصغارها وياريس البيعه مجار من العثور = يا منتهى الأمجاد واستقرارها أن أفضل عباد الله العبد الشكور = والبادية وانا أحد شعارها تشكرك كل الشكر يا نمر النمور = في نفوسها في سرها في جهارها فضلك على أهل البل ما يكتب في سطور = أعدت هيبتها وزدت أسعارها ترصد جوايزها وتدعى للحضور = وتجي هل البل من جميع اقطارها يا سيدي مديت للقمه جسور = نصر لهل البل وأنت خير أنصارها والجايزة هاذي السنه ترضي الغرور = ما كل رجال يجيب أخبارها البل تفوز ويشهد الله ما تبور = بس المثاليه رفيع كارها ارهى عليها اللي على القمه جسور = شيخ مسيرات المكارم سارها عوايد له من قديمات العصور = وأعلن على كل الملا استمرارها فهد تميز في الحضور وفي الظهور = وكفاه عن طول العلوم اقصارها مثل بني عمه طويلين الشبور = وشيد بيوت بيوت تبتهج خطارها دلالها تمشي على الضيفان دور = ونار يغذى بالصبور وجارها ومطايب فيها ثمينات البخور = جاوية مغلنيها تجارها وحيل يثنيها مع ظهور الجزور = في مخيمات بيّن مقطارها عز الله أنه ما حصل منه قصور = شرا الجميله ما حسب مخسارها والطيب ما يستغرب إلا من معثور = ولا هل الطاله تطول أشبارها وابن فريج يسوق للعليا نذور = والمرجله يتقن جميع أدوارها صليب رأس ووارد وحكيم شور = وشهامته طبيعة ما اعتارها وكرم يمينه كنه الوسم البكور = لأهل فوق أرض ما طارغبارها لين تتبجح ورد وخزام وزهور = ومن يبذر البذره يحوش اثمارها ومن لابةٍ وافين في كل الأمور = الطيبه دايم محطه انظارها سور الحرايب يوم ما للحرب سور = إلا رجاجيل تدوس اخطارها فعل الدواسر بين الاشهاد مخبور = لاسمعت النخوه تبيع أعمارها تشبع بوردتها الذيابه والطيور = ويقضي على آمال العدو مصدارها يثنون دون البل بفارية النحور = يوم الحرايب ما توني نارها ولهم مع جيرانهم موقف ودور = وسم العصا يمّن مخافة جارها تاريخهم ساطع على مر العصور = اللي ودت في جارها من جدارها الشاعر محمد بن حمد الشكرة وقد شارك الشاعر محمد بن حمد الشكرة بقصيدةٍ بهذه المناسبة ، حيث يقول فيها : يامرحبا واهلاهلا بالحاضرين=باللي لفوا من بدو الامن حضر ترحيبتن تنصا الرجال الغانمين=والي تعذر نعذرة لوماحضر سلام ياربعي اكعام العايلين=سلام ياللي طيبهم عزوفخر اهل الكرم والطيب ذربين اليمين=تنطح جيوش الضد في وقت الخطر الاد شكرن عزوتي حصن حصين=لاشاش راسي لابتي محزم ظفر خيالة الحرشا ترد المعتدين=وقت اللقاءلامن تعزووا في شكر وضيوفنا نذبح لهم كبشن سمين=وعدونا نسقية من كاس القهر حنا هل الابل من قديمات السنين=والابل لهافي قلوبنا حب وقدر يقولها الي لاكتب غقلة رزين=الثاقبي الي على الطيب اشتهر وصلاة ربي قلتها يالسامعين=على النبي واعداد براق المطر لقطات مصوّرة لـ حفل الشيخ فهد بن فريج الشكره: من اليمين النقيب سلطان بن فهد بن فريج ويليه الشيخ محمد بن فهد بن فريج ويليه الشيخ فهد بن فريج ويليه النقيب عبدالله بن فهد بن فريج ويليهالاستاذ ماجد بن فهد بن فريج عضو الخاص في الموقع اللواء ركن عبدالهادي بن مسعود الشكره وبجانبه الاستاذ خالد بن ناجي من اليمين الشيخ محمد بن ناشي المصارير ويليه الشيخ فلاح بن جروان ال عبدان جانب من الحضور ويظهر من اليمين الشيخ سعد بن راشد المقابله ويليه الشيخ فرج بن حسن بن حفيظ من اليمين الشيخ محمد بن مسفر ال حفيظ ويليه الشيخ ناجي بن جرشان الشكره ويليه ابنه محمد بن ناجي الشكرة من اليمين الشيخ مدعث بن خلف الغيثيات ويليه الشيخ بتال الحصان الزمامي من اليمين الاعلامي الاستاذ مبارك بن وقيان الصخابره ويليه مقدم الحفل الاستاذ حسين بن مرضي الشكرة الدكتور نفل بن طويرش الشكرة لقطه من الحفل من يمين الاعلامي مبارك بن وقيان الصخابرة والاعلامي مبارك بن سيف والشيخ فهد بن فريج من يمين النقيب سلطان بن فهد بن فريج و النقيب عبدالله بن فهد بن فريج من اليمين ماجد بن فهد بن فريج ويليه الاستاذ فيصل عبدالهادي الشكرة من اليمين ماجد بن فهد بن فريج ويليه مبارك بن وقيان الصخابره الشيخ نايف بن فهد فريج ختاماً ، نسأل الله العليّ القدير أن يبارك في مثل هذه الإجتماعات المباركة التي تهدف إلى زيادة أواصر القربى والحمى بين أبناء القبيلة الواحدة شاكرين ومقدرين لراعي الحفل االشيخ فهد بن فريج رئيس مركز هجرة الشكره بمحافظة الخرج على إقامته هذا الحفل المبارك .ونباركله حصوله على حصولة على جائزة الرجل المثالي من يد صاحب السمو الملكي الامير مشعل بن عبدالعزيز ال سعود رئيس هيئة البيعة ورئيس اللجنة العليا لجائزةالملك عبدالعزيز طيب الله ثراه. (صوت قبيلة الدواسر) منتدى قبيلة الدواسر الرسمي www.alduwasser.org/vb

 

 

 

 

[معلومات العضو راشد المسعري]

يستاهل بن فريج هذا الاحتفال والتكريم وعز الله إنه يشرف القبيلة بعلومه الطيبه التي تنومس

وهو فايز بالعلم الغانم والصيت الطيب عند الاقصين والادنين من قبل ان يفوز بام رقيبه

حفل مميز ورائع وحضور غير مستغرب من ولاة الامر حفظهم الله

 

 

 

 

[معلومات العضو معزي]

كفوووو بابن فريج عز الله قول وفعل وتستاهل التكريم
والله ابيض وجيهكم ياموقع الدواسر الرسمي على العلم الغانم في بني عمكم واشكر فهد الغريري وخميس الغييثي على الابداع في تغطية الحفل

 

 

 

 

[معلومات العضو عبدالله الحافر الغييثي]

يستغرب الطيب اذا اتى من غير اهله ولكن لايستغرب على رجل مثل الشيخ/فهد بن فريج . هذا الرجل اللذي جمّل بني عمه من سنين فمواقفه المشرفه يتغنى بها الركبان من الاجناب قبل الاصحاب مواقف شرف ومواقف مرجله يندر وجودها في هذا الزمن
مسمى شيخ ركب بجميع زواياه على هذا الرجل اللذي تتوالى مواقفه المشرفه للقبيله واخرها هذا الشرف اللذي حضيت به قبيلة الدواسر كافه دون باقي القبايل.
بارك الله في حلاله وعياله والبسه ثياب الصحه والعافيه

 

 

 

 

[معلومات العضو عبدالرحمن بن فلاح آل بريك]

يستاهل ابن فريج الجايزه وبيض الله وجهه على علومه الغانمه من أول وتالي .

وألف مبروك له الجائزه ونجاح الحفل .

ولا هنتو إدارتنا على تغطيه الحدث .

 

 

 

 

[معلومات العضو الهلال]

اللة يوفق ابن فريج والف الف مبروك ع نجاح الحفل الرائع وامتميز

 

 

 

 

[معلومات العضو أبو سعود الودعاني]

فوز الشيخ فهد بن فريج

وفوز جميع من شارك من الدواسر

هو فوز يرفع الرااااس ويشرف كل دوسري

ربي يوفق الجميع والشكر موصول

لاعضاء مجلس الادارة لصرحنا الشامخ

وفق الله الجميع لما يحبه ويرضااااه

 

 

 

 

[معلومات العضو مبارك بن شافي النتيفات]

يستاهل ابن فريج الجايزه وبيض الله وجهه على علومه الغانمه من أول وتالي .

وألف مبروك له الجائزه ونجاح الحفل .

ولا هنتو إدارتنا على تغطيه الحدث .

 

 

 

 

[معلومات العضو مناديه]

تغطيه في قمه الروعه اضهر جوانب لم نراها من خلال الشاشه
بيض الله وجه ابن فريج ماقصر طول الله بعمره
وبيض الله وجه اداره المنتدى

 

 

 

 

[معلومات العضو علي العبدالهادي]

[يستاهل ابن فريج الجايزه وبيض الله وجهه على علومه الغانمه من أول وتالي .

وألف مبروك له الجائزه ونجاح الحفل .

ولا هنتو إدارتنا على تغطيه الحدث

 

 

 

 

[معلومات العضو محمد بن فهد الرجباني انتقل الى رحمة الله مساء الاحد الموافق27-11-2011رحمه الله واسكنه فسيح جناته]

يستاهل الشيخ فهد بن فريج وعلومة طيبة من اول وتالي ولاهي غريبة علية علومة تنومس وفعلة غانم ويستاهل كل خير

وتشريف اصحاب السمو الملكي ولاة الامر اضاف الشيء الكثير لهذه الاحتفالية الرائعة والمميزة

وشكر للادارة الكريمة على التقرير الرائع وحضور احتفاليات الدواسر وتغطياتهم المستمرة والتواجد الدائم والى الامام

تحياتي وتقديري~ْ،

 

 

 

 

[معلومات العضو طنطاوي]

فوز يرفع الرااااس ويشرف كل دوسري

ربي يوفق الجميع والشكر موصول

لاعضاء مجلس الادارة لصرحنا الشامخ

وفق الله الجميع لما يحبه ويرضااااه

*********************

 

 

 

 

[معلومات العضو ابو زيد الغييثي]

الله يوفق ابن فريج و عقبال النخبه

 

 

 

 

[معلومات العضو سلطان بن دخيل الله]

بسم الله الرحمن الرحيم

في الحقيقه نهنئ الشيخ فهد بن فريج على هذا لفوز المستحق والتكرريم

من ولاة الامر وهذه الشهاده بمثاليته من اعلى المسويات

تضاف لشهادة وحب وتقدير جميع ابناء قبيلته وابناء القبائل الاخرى

الذين كان له مواقف مشرفه معهم وهذا التكريم ليس لشخصه

الكريم وحده بل تكريم لقبيلة الدواسر كافه بتكريم احد رموزها

واعلامها فبيض الله وجه ابوفريج على كل ماقدم لقبيلته ومجتمعه

والشكر موصول لجميع ابنائه الكرام على مجهودهم الجبار على

ظهور هذا الحفل بهذه الصوره المشرفه ولايستغرب منهم فهم اهل لذلك

وشكر خاص لادارة منتدى القبيله الرسمي على هذه التغطيه الاكثر من رائعه


دمتم بحفظ الله ورعايته

 

 

 

 

[معلومات العضو سالم الخضراني]

الله لا يهينكم على التغطيه المميزه وبيض الله وجيهكم



تحياتي وتقديري