انت حبك كان غلطه مطبعيه

**معلومات** **العضو** · 20-03-2010, 04:15 PM

باح سدي منك ياعذب السجيه=وللعواذل بحت مكنون المصيبه
اشهد ان الصد للعاشق بليه=واشهد ان الموت له اهون ظريبه
لاسلاخاطر ولا حاله شليه=ولا هنت عينه على شوفت حبيبه
واعذابي لاطرى طاريه ليه=وياوجودي وجد من نومه حريبه
قيس قبلي حب ليلى العامريه=يوم قفت من عذابه طر جيبه
هيه يالمجمول ياجزل الزويه=من خذا قلبي وغيره مارظي به
ليه انا مخطيت وش داعي القظيه=ليه تقسا والمفارق وش تبي به
باعني من دون ذنب ولاخطيه= وعل كبدي ياعسى ربي حسيبه
بس تدري روح والنيه مطيه=وكل حين مايجيه الى نصيبه
من تركني ماخذيته لو عطيه=ومن بغاني جيت لو دونه كتيبه
اصله ماحسب احساب المنيه=واخذه من بين عربانه غصيبه
وانت حبك كان غلطه مطبعيه=والف زيك ماتحرك في شيبه

شعر: شبل زايد

**معلومات** **العضو** · 20-03-2010, 04:37 PM

اصله ماحسب احساب المنيه#واخذه من بين عربانه غصيبه
شبل زايد انت خطير وشاعر ولافيك حيله يالقرم صح الله لسانك لك اجمل تحيه

**معلومات** **العضو** · 20-03-2010, 04:56 PM

صح لسانك يا شبل زايد قصيدة جزلة من شاعر جزل

**معلومات** **العضو** · 20-03-2010, 05:55 PM

من تركني ماخذيته لـو عطيـه

ومن بغاني جيت لو دونه كتيبـه
____________
شبل زايد
صح الله لسااانك ملايييييييين
وصدق اخونا خميس الغيييثي
[هزاني الدواسر]
سلم منطوقك والله
وعاضك بالهنوف اللي تستاهل
غزلك وكتاباتك وقلبك..
استمتعت بعذوبة النص ومروري
تقبلت العذوبة فتقبل مروري لاهنت..

**معلومات** **العضو** · 21-03-2010, 12:40 AM

شبل زايد
ماشاءالله عليك دائما ً قصائدك الغزليه رائعه
صح لسانك واعتلى شانك

**معلومات** **العضو** · 21-03-2010, 01:05 AM

شبل زايد

صح السانك ملايين على القصيده الجميله

تحياتي ..

**معلومات** **العضو** · 21-03-2010, 09:15 PM

اخوي الغالي والعزيز والشاعر الكبير شبل زايد
بيض الله وجهك وصح الله لسانك على هذه الفريده التي تخط بماء الذهب
غزليه من طراز نادر لله درك

تقبل تحياتي وتقديري ,,

**معلومات** **العضو** · 26-03-2010, 02:04 AM

واعذابي لاطـرى طاريـه ليـه
وياوجودي وجد من نومه حريبه

قيس قبلي حب ليلـى العامريـه
يوم قفت من عذابه طـر جيبـه

هيه يالمجمول ياجـزل الزويـه
من خذا قلبي وغيره مارظي بـه

ليه انا مخطيت وش داعي القظيه
ليه تقسا والمفارق وش تبي بـه

باعني من دون ذنـب ولاخطيـه
وعل كبدي ياعسى ربي حسيبـه

بس تدري روح والنيـه مطيـه
وكل حين مايجيه الـى نصيبـه

صح لسانك على الأبيات الرائعه

تقبل ودي وتقديري

الـــــــــذرب