عدة اللغاز تبغى لها حل

[معلومات العضو عبدالله الحافر الغييثي]

بدال اللي راح جعل تروح روح من روحه

عندي عدة أللغاز تبغى لها حل=لوسمحتوا يارجال العرف اسمعوها
الاول اللي جالس له على زل=واخته خلافه والمهمه لأخوها
ومهمة الاثنين في خدمة الكل=لو الذكر يحشم وهي ما حشموها
والثاني اللي مع هل المعرفه خل=تصرفاته كل ناس رضوها
يهجر الا عطشة ضواميه واختل=وأن صوب اخته بالسهم قعدوها
والثالث اللي فوقه اخته ولاكل =والعلم عند اخته الا قابلوها
هوصاحب السمعه ويمرض ويعتل=واخته الا زلت عنه عدلوها
والرابع اللي دايم بشمس وبضل=مخارجه عن مداخلها غيبوها
نفعه كثير وهو على طول يحمل=والقاتله زاده عليها ادخلوه

 

 

 

 

[معلومات العضو ابوبدر المصارير]

والله كايده يابو مطر ولا ظنيت فيه احد بيحلها

نشوف الاخوان والاخوات الله يعطيهم العافيه ان عجزو فيها تدخلنا وحليتها كلها

 

 

 

 

[معلومات العضو عبدالله الحافر الغييثي]

هههههههههه والله ابسط منها مافيه وانت حليت اللغز اللي قبله هههههههههههه الله يبيض وجه العرنيه

 

 

 

 

[معلومات العضو العشير]

نبيك تقرب لنا شوي
الدعوى مهيب سهلة

هي حلولها حول الفرس ؟

 

 

 

 

[معلومات العضو عبدالله الحافر الغييثي]

لا مالك لوى كل لغز وله جهة وليس لها علاقه بالفرس وكلهن يستخدمهن الانسان وينفعنه

 

 

 

 

[معلومات العضو عبدالله الحافر الغييثي]

يا اخوان اللي يدقق في اللغز بيحل اقل شي اثنين من اصل اربعه واللي يحل ثلاثه الرابع من عندي وهناك جائزه على اللغز وهي عبارة عن(بطاقة شحن 50))ريال واللي يرمع ولا يحل ولا واحد يرسل لي بطاقه بعشرة ريال ههههههه

 

 

 

 

[معلومات العضو ابوبدر المصارير]

الدعوى فيه جوائز هههههههههههههههه

شدو حيلكم خلونا نخسر ابو مطر

يالله نقول الاول الفنجال والدله


ربعن تعاونو ما ذلو

خلها تطيح بحسابها

 

 

 

 

[معلومات العضو بيروت]

الله يعطيك العافية يابو مطر

له علاقة بدلة والبيز
والا ادور غيرها

 

 

 

 

[معلومات العضو عبدالله الحافر الغييثي]

مالكم لوى ورمعات طيبه والله لايهينكم وابوبدر وبيروت الله لايهينكم البطاقات ام عشره ههههههههههه

 

 

 

 

[معلومات العضو ابوبدر المصارير]

الثاني ياطويل العمر المزاز وعلبة العصير يمكن

طبعن الاول عرفته وكان قوي

 

 

 

 

[معلومات العضو بنت العرنية]

يمكن المكينه بأجزائها او الخيمه
وان كان حداهن صحيح ارجع واكمل الحل بالتفصيل

 

 

 

 

[معلومات العضو خيالية]

انا معك بنت العرنيه بالخيمه لأن قريب الإجابه ، الرابـــــع ، وفقك الله بحله

 

 

 

 

[معلومات العضو الزينة]

مع ان اخونا قايل يارجال العرف ولا عبرنا بس انا بحل الاول اذا ماهو الفنجال والبياله او المعنز(المركى) ويالمسنده وان شاء الله يطلع صح ونعلمه انا اللي حليناه حنا يالبنات

 

 

 

 

[معلومات العضو ابوبدر المصارير]

يؤ والله البنات مدهرات ويحلن مشاء الله عليهن

وين الشباب من الحلول والمساعده

وحده حلت الاول بس ننتظر راعي الغز يعلمنا منهي

 

 

 

 

[معلومات العضو عبدالله الحافر الغييثي]

بنت العرنيه الخياليه ابوبدر مالك لوى الزينة الاول صح لسانك هو المركى والمخده والله يستر منك والله ماهو حقران للبنات ولكن اللغز جاء كذا والا انتن فيكن الخير والبركه