العادات والتقاليد .. الجزء الثاني

[معلومات العضو ابومبخوت الدوسري]

بسم الله الرحمن الرحيم
السلام عليكم ورحمة الله وبركاته


المقدمة :


(( مسكينه يابنت البدو أكثر البنات تزوجوا الا انتي جالسه في البيت ))


الموضوع :


(( الحجر ))

تتواصل المشكله وتزيد التعقيدات في الزواج بين ابناء القبائل وهذي المره بتكلم عن موضوع ( الحجر )
أكثر ما اسمع هذي الكلمه في النقاشات دايم يقولون ( انت مخك محجر )
واحيان اسمعها عند سواقين التريلات لما يفضى خزان الهوى تحّجر الكفرات ولاتمشي السياره

من اسم الكلمة اصلاً تحس بالتخلف ...

يقول الرسول صلى الله عليه وسلم في الحديث الشريف

(( إذا جاءكم من ترضون دينه وخلقه فأنكحوه إلا تفعلوه تكن فتنة في الأرض وفسادٌ كبير )) رواه الترمذي

أختلفت انا ومجموعه من ابناء العمومه حول هذا الموضوع البعض يقول هذي العادات والتقاليد البنت اذا قرعها ولد عمها أي حجرها خلاص ما تتزوج غيره !

طيب اذا كان ولد عمها غير جاد في الزواج وخّلى البنت معلقه لا تزوجها ولا خلاها تروح في نصيبها , وزود على ذالك ان ولد عمها داشر وسربوت وكل العلوم الرديه فيه , وياليت عزيزي القارء تحط نفسك على سبيل المثال ان هذي البنت اختك او بنتك ... مثلاً

هل تقبل تزوجها واحد اساساً غير جاد في الزواج فقط عنده حب التملك !
وهل تقبل تزوجها هذا الداشر السربوت اللي لاوظيفه ولا علوم مرجله !
وهل تقبل ان تضيّع شباب هذي البنت في رجا هذا الشاب المستهتر واللي مافيه امل يتوب او يتغير !


إذا كنت تقبل لأختك او بنتك هذا الحال فهذا شي راجع لك وانت حر خلك على العادات والتقاليد وذنب هذي البنت في رقبتك .

واذا كنت لا تقبل فانا اشكرك جزيل الشكر على وعيك ورحمتك لهذي المخلوقه اللي مثلها مثل كل البنات عندها أحساس ومشاعر
بس المسكينه تخاف و تستحي ولا تقدر تتكلم .


وفي النهاية ارجع واقول :
( مسكينه يابنت البدو أكثر البنات تزوجوا الا انتي جالسه تحت رحمة العادات والتقاليد )


سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ.


تقبلوا تحياتي ودمتم بخير ,,

 

 

 

 

[معلومات العضو محبكم الدوسري]

ماشاء الله
مواضيع في الصميم اخوي ابو مبخوت
نسأل الله ان يصلح حالنا جميعا

 

 

 

 

[معلومات العضو الكاتم]

لم تنته هذه العاده السيئه ولكنها قلّت في مجتمع الباديه وتفتحت عقول العالم
ومتى ما توفر الشاب المحافظ ع دينه فباقي الامور تهون ولكن لاتهمل واهمها الكرم والاخلاق الحميده
شكرن لموضوعك الهام ابو مبخوت

 

 

 

 

[معلومات العضو حمد ابن فهد]

الحجر هو السبب الرئيسي لانحراف الفتاة الكثير منهن غرر بهن ولانها مغبونة يتجه معظمهن للانحراف

ولكن الحمد لله على نعمة الاسلام أصحاب الاراء القديمه قلوا كثيرآ وتبون العلم الاكيد اكثر الشور عند البنت وأمها

هذا ودمت بخير ابومبخوت

 

 

 

 

[معلومات العضو خيالية]

وعليكم السلام ورحمة الله وبركاته

بارك الله في طرحك ابو مبخوت

حقيقة مشكلة خلنا نقول يحجزون البنت ومن غير علم أهلها بعد !

مع اننا نلاحظ الحمدلله انها خفت هالعادات والتقاليد وصار فيه تفتح

وتوسع بالنسب وما يحجرونه على عيال العم

مع اننا نشوف نسبه ضئيلة كذا

لكن فيه نقطة بعد يا اخوي ابو مبخوت

ناس تجي ويحجزون البنت من انفسهم اننا نبيها لولدنا !

ويسمعون غيرهم عشان ما احد يجيها !!

هالأشكال يا ويلهم من ربي

وودي أنوه ان يا ناس اتقو الله بالكلام على البنات واكثرو

من قول ما شاء الله تبارك الله وخلو عنكم الحسد

من جا لفلانه ومن بياخذها وغييييره واللقافه اللي مالها داعي

لأن هذا أكثر شي بالوقت الحالي نشوفه يأثر !

..

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة محبكم الدوسري

ماشاء الله
مواضيع في الصميم اخوي ابو مبخوت
نسأل الله ان يصلح حالنا جميعا

اششكرك يامحب الدواسر على مرورك الكريم وتعليقك الطيب


تقبل تحياتي ,,

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة الكاتم

لم تنته هذه العاده السيئه ولكنها قلّت في مجتمع الباديه وتفتحت عقول العالم
ومتى ما توفر الشاب المحافظ ع دينه فباقي الامور تهون ولكن لاتهمل واهمها الكرم والاخلاق الحميده
شكرن لموضوعك الهام ابو مبخوت

اررحب يالكاتم

اشكر مرورك الكريم وتعليقك الطيب ولاهنت


تقبل تحياتي ,,

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة حمد ابن فهد

الحجر هو السبب الرئيسي لانحراف الفتاة الكثير منهن غرر بهن ولانها مغبونة يتجه معظمهن للانحراف

ولكن الحمد لله على نعمة الاسلام أصحاب الاراء القديمه قلوا كثيرآ وتبون العلم الاكيد اكثر الشور عند البنت وأمها

هذا ودمت بخير ابومبخوت

ارررحب يابوفهد

انا اتمنى ماهو بس يقلون اصحاب الاراء القديمه انا ودي ينقرضون

على العموم اشكر مرورك يابوفهد وتعليقك الطيب ولاهنت

تقبل تحياتي وتقديري ,,

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة خيالية

وعليكم السلام ورحمة الله وبركاته

بارك الله في طرحك ابو مبخوت

حقيقة مشكلة خلنا نقول يحجزون البنت ومن غير علم أهلها بعد !

مع اننا نلاحظ الحمدلله انها خفت هالعادات والتقاليد وصار فيه تفتح

وتوسع بالنسب وما يحجرونه على عيال العم

مع اننا نشوف نسبه ضئيلة كذا

لكن فيه نقطة بعد يا اخوي ابو مبخوت

ناس تجي ويحجزون البنت من انفسهم اننا نبيها لولدنا !

ويسمعون غيرهم عشان ما احد يجيها !!

هالأشكال يا ويلهم من ربي

وودي أنوه ان يا ناس اتقو الله بالكلام على البنات واكثرو

من قول ما شاء الله تبارك الله وخلو عنكم الحسد

من جا لفلانه ومن بياخذها وغييييره واللقافه اللي مالها داعي

لأن هذا أكثر شي بالوقت الحالي نشوفه يأثر !

..

نفس الحكايه ... حجر البنت يعني حجزها ما فيه فرق .

وكلامك الاخير صحيح وهذي مشكله بعد ,, ياليت الناس تتقي الله
ومثل مايرضون هذا الشي على بنت الناس بكره بيجيهم واحد يسوي لهم كذا
الناس راح تتعامل معك مثل ما تتعامل معهم ..

اشكر مرورك الكريم اخ خياليه واشكر تعليقك الطيب ولاهنتي


ودمتم بخير وعافيه ,,