يا الله أنا من جود حسناك طالبك - محمد السديري

[معلومات العضو عبدالكريم العماري]

يا الله أنا من جود حسناك طالبك=عفوك ومدك حيث ما نتب بخيلي
يا الآدمي دنياك هاذي تعذبك=لو طفت فيها ما لقيت الدليلي
كل على مذهب إيمامه يخاطبك=يبيك من زايد ذنوبه تشيلي
الى عصيت أهل المذاهب تعاتبك=كل يقول أبيك يمي تجي لي
لو انتحيت بعيد بالسو تطلبك=وكل بصاعه من ذنوبه يكيلي
أحد يصحح لك حديثه ويرهبك=واحد يقول الحق عندي نزيلي
واحد يخيفك في كلامه ويدبك=ابليس يضحك له وهو مستشيلي
الناس عوجان المناطق تكذبك=وعن الصحيح الكذب معهم بديلي
إن ما رضيت بقولهم نتف شاربك=وتكبر ذنوبك لو غناتك تهيلي
ناس على درب الفضيلة تحاربك=وعلى دروب الشر تهذل هذيلي
دروبهم عسرات عوج وتتعبك=ما تستوي لك لا ولا تستويلي
ينبيك عن دنياك ماضي تجاربك=وعزي لحالك كان عرفك قليلي
اتبع نبيك واترك اللي مجنبك=واقضب مماشي سنته لا تعيلي
اللي بغار الثور للرشد يندبك=وأبو بكر عنده نديم وخليلي

محمد بن أحمد السديري
http://al-jazirah.com/20110213/tr2d.htm

 

 

 

 

[معلومات العضو ابو فهد الشكري]

صح لسانه
على قصيده
ولاهنت
ياعبد الكريم
على نقل القصيده
تحياتي.......

 

 

 

 

[معلومات العضو عقاب بن هذال ال بريك]

صح لسان السديري , , , قصيده فيها حكم جميله . . .

وبيض الله وجهك أخوي عبدالكريم على الاختيار الموفق . . .

تحاياي . . .

 

 

 

 

[معلومات العضو خالد المشاويه]

الله يرحم الامير محمد السديري

شاعر علم

ولاهنت اخوي عبدالكريم والله يعطيك العافيه

 

 

 

 

[معلومات العضو في صمتي لك كلام]

كلمات عزفت سمفونية الإبداع
صح لسان كاتبها والله يرحمة وسلم لنا احساس ناقلها

 

 

 

 

[معلومات العضو مبارك بن شافي النتيفات]

الله يرحم الامير محمد السديري ويغفر له

ولايهينك اخوي عبدالكريم على النقل المميز

مبدع دائما

تحياتي وتقديري لشخصك الكريم