ربعـــــي حروفــــــــي

**معلومات** **العضو** · 31-05-2009, 08:53 AM

السلام عليكم ورحمة الله وبركاته,
احبتي في الموقع الرسمي للدواسر اعضاء وزوار وشعار
اضع بين ايديكم هذه المختصره آملا رضاكم ومتابعتكم,,

ربعي حروفي واصدقاي القوافي=وحبيبتي قناعتي بالغرابيل
البس من احزاني ثياب ظوافي=واعيش وحدة ذات ماهيب تمثيل
نعم كذا ياقوم ماهي عوافي=حوادث الايام تصقل رجاجيل
لي ماضي تسفي عليه السوافي=والحاضر اعظم بالشقا والبهاذيل
والمقبل المجهول يحمل خوافي=يعلم بغيبه مرسل اطيور ابابيل
اسوقها قدام بااللي توافي=مانيب احسب احساب سود مقابيل
وان وافقت مابين سعي وطوافي=سجدت والدمعه على خدي اتسيل

**معلومات** **العضو** · 31-05-2009, 12:42 PM

لي الشرف في حجز اول مقعد

ياسلام عليك ياحسن جبتها على الجرح

فعلا الحروف والقوافي أعز الأصدقاء وهي المتنفس بالنسبه للشعراء لكي يعبروا عن همومهم وعن مايجول بخواطرهم..

حسن ... لله درك مبدع كعادتك ..

صح الله لسانك وبيض الله وجهك

( اطربنا بجديدك )

وتقبل تحياتي،،

**معلومات** **العضو** · 31-05-2009, 01:04 PM

ابن بطحية

يعلم الله أنها من أروع وأنبل القصائد التي مرت بي في
السنوات الأخيرة

كمية الحزن فيها محزنة وأشعر من خلالها ومن خلال قصائد أخرى لك أن
هناك معاناة ليست سهلة مرت بك في الماضي ولازلت تعاني من تبعاتها وتداعياتها في
الحاضر
أسأل الله أن يجعل لك من كل هم فرجا ومن كل ضيق مخرجا
وصح لسانك

**معلومات** **العضو** · 31-05-2009, 01:21 PM

صح الله السانك يابن بطحيه ملايين ياجزل على هالقصيده الجزله

ودائماً لك متذوقين يطربون بسماع والاستمتاع بقراءة كل جديدك وانا واحد منهم احيك ياحسن الله يعطيك العافيه

محبك ومغليك اخوك ابو بدر

تحياااااااااااااتي

**معلومات** **العضو** · 31-05-2009, 01:26 PM

صـــــــح لســــاااانك ..

**معلومات** **العضو** · 31-05-2009, 01:37 PM

صـــــــــــــــــح لسانك مليون

و بيض الله و جهك علـــــــــــى الجزله

لاهنت

**معلومات** **العضو** · 31-05-2009, 02:31 PM

اسوقها قدام باللي توافي = مانيب احسب احساب سود المقابيل
وان وقفت مابين سعي وطوافي =سجدت والدمعه على خدي تسيل

صح لسانك ياحسن

ابدعت وفقق الرحمن

قصيده وافيه من شاعر جزل

لك ودي وتقديري

**معلومات** **العضو** · 01-06-2009, 02:06 AM

مرحبا والله ومسهلا,,
يابوصقر ونا اسعد بطلتك هنا يافارس الشعروالاخلاق
ممنون لك بكل كلمه حلوه قلتها الله يجملنا مع مثلك شرواك
لك ارق التحايا,,

**معلومات** **العضو** · 01-06-2009, 02:29 AM

اقتباس:

اسوقهـا قـدام بااللـي توافـي
...مانيب احسب احساب سود مقابيل

ههههههه لله درك يابو محمد

وقد ذكرني معنى بيتك بالبيت اللي يقول:

فل الحجاج وخل عنك الهواجيس = كل يموت وحاجته ماقضاها

صح لسانك وبيض الله وجهك ، و(سقها) يامال الشحم ولاتهتم مادام الله معك وانت معه فلا تحزن :-

اقتباس:

وان وافقت مابين سعي وطوافي
سجدت والدمعه على خدي اتسيل

ابو محمد صح لسانك والتعبير يخونني في مثل هذه القصيدة التي رغم قلة أبياتها إلا أنها تسوى عدة قصائد لما فيه من الجزالة الواضحة.

تقبل ودي وتقديري ،،،

**معلومات** **العضو** · 01-06-2009, 10:00 PM

اقتباس:

المشاركة الأصلية كتبت بواسطة خلاّد الزايدي

ابن بطحية

يعلم الله أنها من أروع وأنبل القصائد التي مرت بي في
السنوات الأخيرة

كمية الحزن فيها محزنة وأشعر من خلالها ومن خلال قصائد أخرى لك أن
هناك معاناة ليست سهلة مرت بك في الماضي ولازلت تعاني من تبعاتها وتداعياتها في
الحاضر
أسأل الله أن يجعل لك من كل هم فرجا ومن كل ضيق مخرجا
وصح لسانك

اخوي الحبيب خلاد الزايدي,,
اليوم انت اثبت لي من غير ماتعلم مبداء اسير عليه طوال علاقتي بالشعر رغم محاولات البعض التأثير علي في السنوات الاخيرة لكي اتخلا عن هذا المبداء؟؟
الا وهــــو(ارضاء ذائقة الجمهور المتابع)فقط والتغلغل في تلمس شعوره؟
قبل الاعلام والنقاد وووالخخخ؟وانت اليوم احد الناس الذي اشعر بقربه مني
وصدقه في تاثره بما اكتب وستيعابه مايدور في خلجات نفسي,,
اخي العزيز هنا تكمن عظمة الشعر في خلق الاحباب ولو كانو بعيدين عنك فهم معي بقلوبهم,,انا فقط اكتب لكم واليكم بعدالله فكونو معي بقلوبكم ودعواتكم الصادقه
لك حبي واجلالي وتقديري البالغ..

**معلومات** **العضو** · 01-06-2009, 10:10 PM

صح لسانك ملايين..

لاعدمتك ولاعدمت نسج الخيال الذي تتحفنا به..

تقبل تقديري

**معلومات** **العضو** · 02-06-2009, 01:15 PM

اقتباس:

المشاركة الأصلية كتبت بواسطة ابوبدر المصارير

صح الله السانك يابن بطحيه ملايين ياجزل على هالقصيده الجزله

ودائماً لك متذوقين يطربون بسماع والاستمتاع بقراءة كل جديدك وانا واحد منهم احيك ياحسن الله يعطيك العافيه

محبك ومغليك اخوك ابو بدر

تحياااااااااااااتي

ارحب ياسعادة المراقب,,

صح الله بدنك حتى ترضى وطاب حظك وفالك يامحترم دام الله المحبه بيننا لك اصدق الود والتبجيل,,

**معلومات** **العضو** · 06-06-2009, 02:46 AM

الاخت العزيزه (خياليــــــه)

صح الله بدنك وشاكر لك المرور الدائم والمستمر الله يعطيك العافيه
لك تحياتي,,,

**معلومات** **العضو** · 06-06-2009, 02:51 PM

صح لسانك وبيض الله وجهك على هالقصيدة

والله يعطيك العافيه ..

**معلومات** **العضو** · 08-06-2009, 05:42 PM

اررررحب يايحييى الودعاني

عوايدك الطيب يالطيّب وبيض الله وجهك على كل مرور لمتصفحي

لكن ودنا نسمع منك لاني سمعت ان عندك رصيد شعري على عهدت الراوي
لك تحياتي القلبيه.

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية