وصار همي لكل هالناس > ملباس < مانامت اعينهم بذيك الوساده ..~|

[معلومات العضو ابو تموم الدوسري]

لو وزعوا جرحي على جملة الناس
ماظنتي أحدٍ يشوف السعاده

ولوصار همي لكل هالناس ملباس
مانامت اعينهم بذيك الوساده

ولو عاشو الدنيا كما عشت بالياس
مايبقى في هالكون صبر وجلاده

ولو ذاقو اوجاعي مع الوقت في كاس
يمدي جنازيهم على اول عياده

انا نحيل الجسم وعروق يباس
والدود لامن مت ماله إفاده

انا كسير الحظ ماعاد بي باس
مثل الغريب اللي يدور بلاده

انا رصيدي للفرح كله إفلاس
وضحكي جريمه وانحكم بالإباده

(انا سفير الهم في عالم الياس)
والغم تعلقني سوات القلاده

انا مشيت الدرب من دون الاكباس
حافي ولهيب القيظ يشوي الجراده


عبرت عن جرحي ولو قل الاحساس
تساوت ايامي بياض وسواده




صح لسان مبدعها
|~ الشاعر .. محمد الحربي ~|

 

 

 

 

[معلومات العضو شافي بن راشد النتيفات]

صح لسان شاعرها ولاهنت ع النقل .

 

 

 

 

[معلومات العضو ابو تموم الدوسري]

صح بدنك

ولا انت يا الذيب

شكرا على مرورك