وصف الابل

[معلومات العضو جهز المسعري]

بسم الله الرحمن الرحيم



هذي اول قصيده لي و كما واعدتكم في كرسي الاعراف ان اطرحها::::

الفضل لله تو مازان االابداع=بدع القوافي من غمايق بحرها
ببدع بيوت تعجب اهل التسماع=مثايل يطرب له من حضرها
يازين شوف الطرش لاسج مرباع=في ديرة مازارها كن مطرها
في خايع مافيه للضان مرياع= مافيه ياكون أم سالم واثرها
يازين به شوف المجاهيم رتاع=كبار الفقار اللي جلال وبرها
جرد الرقاب اللي لها نحورآ وساع =متشابهه من طيب فحل عمرها
الابل لها توصيف زين ولها انواع=حتى الولي في مصحفه قد ذكرها
وأنا هوا قلبي مجاهيم اسناع=الناس دايم تختلف في نظرها
يازين خطوا مجهمآ مالها أنواع=سودا تساندها تفاهق ظهرها
لها مهادل والخشم طوله ذراع=كنها تعاين في النجوم وقمرها
وأذن كما الشنصوب وخدودها وساع=كبار مواطيهاا طوال شقرها
وكن رقبتها لامشت سمكة شراع =وبالسلف تسع اشبار للي شبرها
ومن سجد يدها لامشت ثور القاع=يحتار راع الابل ليا شاف ثرها
يازينها لا صيفت عقب مرباع= بدا اليدين الي وسيع نحرها
مع الوصوف الكامله زين الاطباع=لا سمعت الصياح محدآ قهرها
هذي ترا ماهيب فالسوق تنباع=تلقى معا الي حاكمينن ديرها
وتلقى معا ربع يعرفون الاسناع=دواسرآ فانحى الجزيره خبرها
يامن بهم قلب من الخوف يرتاع =صوارمآ يدرى المعادي خطرها
بالثقل مثل طويق والحد قطاع = ودباشهم تهمل وترعى ديرها
كم واحد جاهم من البعد طماع = يبغي مجاهيم ينوشه خبرها
جاهم معه مالقوم مليون فزاع = ثم حولو به لابتي من ظهرها
عقب الطمع قام ايتعضض بالصباع=متحسف ويلعن مشير آ ذكرها
عدوهم في ساعة الضيق مطواع= يخضع لاونه مثل قاسي حجرها
وصلاة ربي عد ماهب ذعذاع=على رسولآ طاعت الله نشرها

 

 

 

 

[معلومات العضو فالح بن فهاد]

وتلقى معا ربع يعرفون الاسناع=دواسرآ فانحى الجزيره خبرها

صح الله لسانك مليوووون ياجهز على القصيده التي نالت الفخر في الابل وفي القبيله لاهنت لاهنت يالغالي

 

 

 

 

[معلومات العضو الزين]

لاهنت وصح لسانك علي القصيدهـ الطيبه

 

 

 

 

[معلومات العضو ابو فهد الغييثي]

صح السانك وعتلى شانك

قصيده في قمه الروعه

ولاهنت على طرحها

تحياااااااااااااتي

 

 

 

 

[معلومات العضو ســـطام الروقي]

صح لسانك بالعون انك ابدعت يالجزل وقصيده بحرش العراقيب لها خاصيه عند اخوك سطام

 

 

 

 

[معلومات العضو ابن ادريس]

صح لسانك على هذه القصيده الجزلة
وقد ذكرتني هذة القصيدة برائعه من نوادر الشاعر طويرش بن بداح رحمه الله في ناقتة العاجزه والتي منها قوله :

شجاع جتك العاجزه تذرع القاع = نسنوسها المارق يساوي ظهرها
جاتك مع البيدا تمزع تمزاع = تصف الخفاف اللي كبار شقرها
باعين للي غيرها تجمعه باع = عسم اليدين اللي وسيع نحرها
تبغي على الصمان من العرق تنداع = صوب الهشوم اللي تقدم مطرها
الامن لفا الطارش يعدد بها انواع = على الحبال قنوف ربي ومرها
تلقى بها الضمران والرمث شراع = ودعوبها كن الزوالي زهرها
تلبست عقب العرا لبس لدراع = يما حلا في قفرها جد ثرها
مع لابه اثقال يوم التزعزاع = المرجله يرقون كايد وعرها

وهي اطول من ذلك واروع وسوف اقوم بطرحها لاحقا ان شاء الله

 

 

 

 

[معلومات العضو مشعل راشد الشايقي]

الله الله الله


لله درك شاعرنا الراقي جهز


على هذه القصيدة الجزله


صح لسانك وعلا شانك



شاعر راقي فكر واحساس تستحق الاشاده والتقدير


تقبل حضوري واعجابي


مع خالص التحية والتقدير

 

 

 

 

[معلومات العضو محمد الولامين]

يامن بهم قلب من الخـوف يرتـاع=صوارمآ يدرى المعـادي خطرهـا
بالثقل مثل طويـق والحـد قطـاع=ودباشهـم تهمـل وترعـى ديرهـا

ابو شجاع صح لسانك مليار ابيات جزلة ومعاني شامخة

وسلمت يمناك على ماقدمت من ابداع


في انتظار المزيد من ابداعاتك

 

 

 

 

[معلومات العضو شافي القويسي المخاريم]

صح لسانك يا ابو شجاع
قصيده جميله جدا
و ليست غريبه منك الجزاله يا جزل
تحياااااااااااااتي

 

 

 

 

[معلومات العضو جهز المسعري]

المشاركة الأصلية كتبت بواسطة فالح بن فهاد

وتلقى معا ربع يعرفون الاسناع=دواسرآ فانحى الجزيره خبرها

صح بدنك يابو فهاد وجعلك فالوجود

 

 

 

 

[معلومات العضو جهز المسعري]

المشاركة الأصلية كتبت بواسطة الزين

لاهنت وصح لسانك علي القصيدهـ الطيبه

صح ابدنك يالزين ونت اطيب

 

 

 

 

[معلومات العضو جهز المسعري]

المشاركة الأصلية كتبت بواسطة ابو فهد الغييثي

صح السانك وعتلى شانك

قصيده في قمه الروعه

ولاهنت على طرحها

تحياااااااااااااتي

هلا بهل الثمان صح بدنك يبو فهد ولاهنت على المرور

 

 

 

 

[معلومات العضو جهز المسعري]

المشاركة الأصلية كتبت بواسطة ابن ادريس

صح لسانك على هذه القصيده الجزلة
وقد ذكرتني هذة القصيدة برائعه من نوادر الشاعر طويرش بن بداح رحمه الله في ناقتة العاجزه والتي منها قوله :

شجاع جتك العاجزه تذرع القاع = نسنوسها المارق يساوي ظهرها
جاتك مع البيدا تمزع تمزاع = تصف الخفاف اللي كبار شقرها
باعين للي غيرها تجمعه باع = عسم اليدين اللي وسيع نحرها
تبغي على الصمان من العرق تنداع = صوب الهشوم اللي تقدم مطرها
الامن لفا الطارش يعدد بها انواع = على الحبال قنوف ربي ومرها
تلقى بها الضمران والرمث شراع = ودعوبها كن الزوالي زهرها
تلبست عقب العرا لبس لدراع = يما حلا في قفرها جد ثرها
مع لابه اثقال يوم التزعزاع = المرجله يرقون كايد وعرها

وهي اطول من ذلك واروع وسوف اقوم بطرحها لاحقا ان شاء الله

ابن ادريس لاهنت وصح السان الشاعر بن طويرش وقصيدته تشبه قصيدتي بس للمعلوميه اني ولله مابعد سمعتب ذا الشاعر الله يرحمه ولاسمعت بقصايده وهذا شاعر جزل مافيه شك بس قصدي اثبات اني لم اقتبس منه

 

 

 

 

[معلومات العضو جهز المسعري]

المشاركة الأصلية كتبت بواسطة مشعل راشد الشايقي

الله الله الله


لله درك شاعرنا الراقي جهز


على هذه القصيدة الجزله


صح لسانك وعلا شانك



شاعر راقي فكر واحساس تستحق الاشاده والتقدير


تقبل حضوري واعجابي


مع خالص التحية والتقدير

ارحب يامشعل ومرورك شرف لي واشادتك بي وسام ع صدري لنك شاعر مميز
لاهنت ياذيب

 

 

 

 

[معلومات العضو جهز المسعري]

المشاركة الأصلية كتبت بواسطة محمد الولامين

يامن بهم قلب من الخـوف يرتـاع=صوارمآ يدرى المعـادي خطرهـا
بالثقل مثل طويـق والحـد قطـاع=ودباشهـم تهمـل وترعـى ديرهـا

ابو شجاع صح لسانك مليار ابيات جزلة ومعاني شامخة

وسلمت يمناك على ماقدمت من ابداع


في انتظار المزيد من ابداعاتك

مرحبا بالخال محمد الولامين صح بدنك ولاهنت ع المرور وشرفتني طال عمرك