دنيا كثيراً نكدها

[معلومات العضو أبو تراحيب]

الله من دنيا كثيراً نكدها= من ضحكته اليوم لابد تبكيه
يفرح بها الجاهل ومن لاعرفها= والمٌمل الي مادرى انها بتنهيه
وأنا شربت امرارها مع كدرها= وحدتني ظروفي على شي مابيه
تلعب بي الدنيا ولاحداً منعها= من ظلمها لي لين خلتني اتيه
في عالم ما عاد نعرف سنعها =ناساً تعيف الخير ماهي بتبغيه
نفوسهم عفنه ودايم غضبها= لوكان ماله حق لابد تنبيه
لاكن رجا نفسي وغاية طلبها= بيد من هو فاني العظم يحييه
يصلح لنا احوالنا ويعدلها= ويقضي على الانذال والشر ينهيه

 

 

 

 

[معلومات العضو شافي بن راشد النتيفات]

ارحب يابوتراحيب وصح لسانك وتمنيت ان قافية الصدر استمرت
على الدال والها كان افضل اتمنى لك التوفيق

 

 

 

 

[معلومات العضو محمد مطلق آل بريك]

صح لسانك يأبو تراحيب

أوافق الأخ شافي

في قافية الصدر ياليت أستمرت

على ثلاث حروف نفس بعض

 

 

 

 

[معلومات العضو أبو تراحيب]

معلومه قيمه تستحق الشكر
تقبلوا فائق الشكر والاحترام

 

 

 

 

[معلومات العضو عبدالرحمن الجبابرة]

أخي العزيز, أبو تراحيب
صح لسانك وسلم بيانك وبيض الله وجهك
قصيدة حوت الكثير من المعاني القوية والجزلة
وأعجبتني فكرة ختمها بالتفاؤل والدعوة الطيبة
سأنتظر بشوق لتذوق المزيد من بوحك النقي

وبالنسبة للرنة الموسيقية في القافية وقيودها
فكثير من الشعراء لايتنبه لها في حينه وأنا واحدا منهم
وأشكر إخواني الذين أشاروا لهذه النقطة المفيدة

 

 

 

 

[معلومات العضو أبو تراحيب]

اخوي عبدالرحمن
لاهنت وشهادة اعتز بها

 

 

 

 

[معلومات العضو فهد فارس الصخابره]

صح لسانك
مضمون جميل وفكرة رائعة
ومثل ماقالوا الاخوان
الله يعطيهم العافية
وتقبل مني كل الود