اوصيك عند الجار و الضيف و الخوي

[معلومات العضو يحيى الودعاني]

بسم الله الرحمن الرحيم


( اوصيك عند الجار و الضيف و الخوي )


قصيدة للشاعر / همام بن عايض آل حميد الرجباني الدوسري يوصي أخاه ذياب بن عايض آل حميد ويقول فيها :

يقول الحميدي و الذي بات ساهر = نجوم الشتا غابت و حن سامرينها
من عبرة كنيتها في ضمايري = و اذودها ذود النهل مرسلينها
كنيتها في ضامري ثم نقدتها = نقد الدراهم في يدي حاسبينها
من ذلتي يدري بها كل خامل = ماهمته عسر الليالي ولينها
ماهمه اهل هجن لا منهم اقبلوا = عراقيبهم لعضودها و اسمينها
نقلط لهم الترحيب و الفرش و الذرا = ترحيب حتى تبتجح(1)راكبينها
ناخذ من الشوان كبش لواجبه = يفهق ثمنها لين يسير مدينها
نسوم سوم أول ثم تالي = و ان باعنا و الا فحن عاقرينها (2)
نقلط لهم من تمر غرس مقاري = غرايس من جدنا وارثينها
نحلب لهم من در عرب اليا امرحت = ذيدانا من حفنا كا سبينها
سلاحنا من كل حدبا طويله = خيم الفرنجي (3) معجبة ناقلينها
يسرح بها من لابتي كل نادر = و على المناجم (4) لا بتي لازمينها
نجدد لها الألباس(5) ما حن خبره = يشلونها معهم وهم داثرينها
ذبايل تزويها اليدين النظايف = و كيال وقفات مع دايفينها
كم خشم محواز لياما وطنه = تخاز عجلات و حسن سابقينها
خطر على القايد يفارق ولايفه = من ضرب جبعا (6) ما يطرد كوينها
يا ذياب أنا باوصيك مني وصية = وصية عسمت على فاهمينها
باوصيك لا جاك اجني لحاجه = اقضه ولو من مالنا مشترينها
واوصيك لا تذخر مخذ بنت طيب = حتى يجي ينكي المعادي جنينها
واوصيك عند الجار و الضيف و الخوي = اعطي الرجال حقوقها لا تهينها
واوصيك لامن جاك راعي طلابه = اترك معي الهرج و اعمد سمينها
يروح منك مخلصه و انت خالص = و جحور الردى ما دسمت حافرينها
و ان جاك راعي عيله فاقضي عليته = بإيمان من كثر الخطا لا زمينها
فاليا وجدت اقضاه زد له و عدله = بصيعان(7) جور عذبت كايلينها

***
معاني الكلمات

1- تبتجح : ترتاح .
2- عاقرينها : العادة عند بعض القبائل إذا جاء أحدهم ضيف يذهب إلى صاحب الغنم ليشتري ذبيحة
و يكرم ضيفه فإذا امتنع من بيعه أخذها بدون إذنه بعد أن يعقرها و يصبح ثمنها ضعفين ، و هذا عرف متبع .
3- الفرنجي : نوع من البنادق .
4- المناجم : رؤوس الجبال .
5- نجدد لها الألباس : يوضع للبندقية جلد راس الضبي أو الوعل و يسمى " القفدة " .
6- جبعا : نوع من البنادق .
7- بصيعان : وزن من البارود المعمول يدوياً .

رياض
من الأدب الشعبي

 

 

 

 

[معلومات العضو ذيب الفصام]

يشرفني ان اكون اول من رد على احدى ابداعاتك الغير مستغربه

مجهود رائع في ترجمة المعاني لاني بصراحه تنحت عند بعض الكلمات بس نزلت وقريت معناه الله لايهينك ونتمى تواصلك

تقبل مروري

 

 

 

 

[معلومات العضو أمـــيرتـــهم]

يعطيك العااااااافيه على القصيده الراائعه
صح لسانك ولسان شاعرهااا

 

 

 

 

[معلومات العضو يحيى الودعاني]

حياك الله اخوي ذيب الفصام

 

 

 

 

[معلومات العضو يحيى الودعاني]

حياك الله اختي اميرتهم

 

 

 

 

[معلومات العضو السيف دايـم]

بيض الله وجهك وصح لسان الشاعر لاهنت يالغالي

 

 

 

 

[معلومات العضو يحيى الودعاني]

السيف الدايم

و وجهك يالقرم