ماني من اللي يطردون المقفي

[معلومات العضو عايض المعاوي]

((المقفي))

ماني من اللـــــــي يطردون المقفي =اللي مـــــــــقفي مـــاله الا قــــفايه
ماهــوب فنجالي ولاهـوب شــــــفي =ولاهـــو عــلي الـــدنيا شقاي وعنايه
مــــن شان طبعه يصبح اليوم مـنفي=في مجلس أهل الطيب يلقى قصايه
دامـه عن علوم الـــــمراجل يــــــلفي =وان شـــــــافها ينزل وهــــيه عــــلايه
الـــصقر يكـــــفخ والسريطي يـــرفي =حلــــمه يـــرود لـــــقمة الــــــهملايه
يـــقصر ويـــــقصر كانها اليوم تـــكفي =ولا عطيته مــــن عـــلومي كــــــفايه
حبر القلم من دون شــــرواه جــــفي =ولا كــــــتبنا في جـــــنابه روايــــــــــه
عن بعض الاشياء ودي اغض طـــرفي =ماودي اسلك في سلوك الــــــوشايه
الــــــــستر يــــبقى للاوادم مــــخفي =والــــــستر يبقى للـــــعذارا عــــــبايه
وجدي علي رجل ٍ ضميره مــــــصفي =ما كــــــنه الا لاوصـــــــــفته مـــــــرايه
لا شانت الــــــدنيا لـــــقيته بــــصفي=وان زانت الـــــــدنيا هــــناته هـــــنايه
الرجل له عــــــــند النشاما ملــــــفي =امـــــــا بــــــــياض الـــــــوجه ولا زرايه
بــعض العرب نوره بـــــوجه مـــــطفي =من بين حجانه تــــشوف الـــــــعصايه

الشاعر /عايض المعاوي

 

 

 

 

[معلومات العضو محمد بن سالم الخضراني]

أخوي الشاعر / عايض صح لسانك طرق كايف ومعنى وجزاله بعض العرب نـوره بوجـه مطفـي من بين حجانه تشـوف العصايـه بيت عن قصيده كامله ذكرتني قصيدنك بقصيده ابن جدلان البارحه عنزة للراس كفي وغنيت من باب السرس والحماقه رفيقي اللي مايوقف بصفي ماينكتب بيني وبينه علاقه

 

 

 

 

[معلومات العضو عايض المعاوي]

المشاركة الأصلية كتبت بواسطة محمد بن سالم الخضراني

مراقبنا القدير
محمد بن سالم الخضراني
صحت بدنوك مرورك شرف لي وللقصيدة
واطرائك وتعليقك بمثابة وسام شرف
تقبل
شكري وتقديري

 

 

 

 

[معلومات العضو مبارك بن الجوير]

الصقر يكفـخ والسريطـي يرفـي
حلمـه يـرود لقـمـة الهمـلايـه

يقصر ويقصر كانها اليـوم تكفـي
ولا عطيتـه مـن علومـي كفايـه

عايض صح لساانك وانا اخوك..
وسلم منطوقك يالمعاوي..
سعدت بمروري المتواضع تقبله لاهنت..

 

 

 

 

[معلومات العضو محمد مبارك ماجد]

صح لسانك واعتلى شانك

 

 

 

 

[معلومات العضو راشد محمد المقابله]

صح الله اللسانك

أبيات جزله لاهنت