علي الحرام إني ماحس الحمامة*وانا معينها على مراح جمحان

**معلومات** **العضو** · 24-10-2010, 01:58 PM

من القصص والقصائد التي لها روح والتي تدل على تقدير الرجال للجيره حتى لوكان في امر بسيط

مالك الإبل/جمحان بن عرار بن صلال المسعري

حيث كان جمحان بن عرار بن صلال الجفارين نازلاً بإبله في باطن الحجّاجي حول الرين جنوب القويعية وكان الشاعر عزّيز بن ابراهيم آل سويدان القحطاني قريب منه ويزوره ويتبادلون الزيارة وكان يرى الضيوف والعربان اللي يسيرون على ابو عرار.
وبعد فترة جاء الربيع شمال المملكة ورحل جمحان للشمال ، وفي يوم من الأيام ذهب الشاعر القحطاني ومعه صاحب له للمقناص ووجدوا ولع ( نوع من الحمام ) على مراح ابل جمحان ياكل من الشعير فقال صاحب القحطاني: وقّف خلنا نرمي الحمام فلم يقف الشاعر وتأثر لما رأى مراح جمحان خالي بعد شديد صاحبه وبدأ يتذكر جمحان ولما كان هو وربعه يزورون جمحان وقال هذه القصيدة:

أنا اتقنّص غير عندي شهامه = وقلبي يحب الطيّب إمنين ما كان
علي الحرام إني ما احس الحمامه= وانا معينها على مراح جمحان
والله لا اخليها من اجل احترامه = ذا دوسريِ عرف فديار قحطان
يوم إن ولد اللاش هبله طعامه = خل الولع ياكل من افعال دسمان
صبي الوفا والمرجله والكرامه = رجل يقال ونعم في كل ميدان
هذا مراح اللي يربي الجهامه = ويفرح لامنه شاف له زول ضيفان
معرّب المجنى خوال وعمامه = يافي لامن جا في الرجاجيل نقصان
من جا حماه مبشرن بالسلامه = مشيّدٍ في عالي المجد بنيان
من لابتن لاثار يومن عسامه = تارد حياض الموت والروس شجعان
حريبهم ما يهتني في منامه = من حارب الأجناب مفلس وخسران
وعلى النبي إعداد ما انشى غيامه = صلوا عليه إعداد ماهل ودان

**معلومات** **العضو** · 24-10-2010, 02:07 PM

يستاهل جمحان ماقيل فيه
معروف عند الاقراب والاجناب بالعلم الغانم
بيض الله وجهك ياراشد على النقل
وصح الله السان السويداني

**معلومات** **العضو** · 24-10-2010, 02:42 PM

صح الله لسآن الشاعر /

عزّيز بن ابراهيم آل سويدان القحطاني .وعز الله انه واافي

ومن قومن وافين .

أما أبو عرار فشهادتي فيه مجروحه ومهما قلت لن يوفي

الكلام في وصف ذلك الرجل .

أبو محسن :

بيض الله وجهك على نقل هذه القصيده لنآ .

**معلومات** **العضو** · 24-10-2010, 02:57 PM

يستاهل أبو عرار العلم المدح والثنا

وصح الله لسان السويداني

لاهنت ياراشد على النقل ويعطيك العافيه

**معلومات** **العضو** · 24-10-2010, 03:32 PM

كفو والله بجمحان الله يبيض وجهه ويستاهل

وصح لسان الشاعر القحطاني

ولاهنت يابومحسن على النقل

**معلومات** **العضو** · 24-10-2010, 04:19 PM

كفووووو والله جمحان بن عرار المساعره الدوسري
ويستاهل المدح والطيب ، والمعروف لا يعرف مثل جمحان بن عرار .

ولاهنت يا ابومحسن على الموضوع .

**معلومات** **العضو** · 24-10-2010, 07:07 PM

تسلم أخوي راشد المسعري

نقل جميل وفعل يستحق الاقتداء به

ومن ذا فعله فيستاهل ماقيل فيه

صح لسان الشاعر عزيّز القحطاني
وبارك الله في الشيخ جمحان ابن عرار

**معلومات** **العضو** · 24-10-2010, 07:16 PM

يعطيك العافيه يابومحسن على هذا الطرح ولاهنت

ويستاهل الممدوح ما قيل فيه

تقبل تحيااتي ومروري

**معلومات** **العضو** · 24-10-2010, 08:35 PM

يستاهل جمحان ماقيل فيه
بيض الله وجهك ياراشد على النقل
وصح الله السان القحطاني
تقبل تحيااتي ومروري

**معلومات** **العضو** · 24-10-2010, 10:14 PM

يستاهل ابو عرار وفعله غانم والطيب ينذكر

وصح الله لسان الشاعر القحطاني مدح في محله

لا هنت ابو محسن على الموضوع الي يستاهل انه يطرح هنا..

تحياتي وتقديري~ْ،

**معلومات** **العضو** · 24-10-2010, 10:22 PM

كفووووووو والله

العزيز الغالي: ابو محسن " راشد المسعري "

لا هنت لاهنت لا هنت على طرح هذي القصيده النيره

وصح الله السانك وعتلا شانك على هذى النقل الرائع

وعز الله عرفة تختار جعلك تحيا وتسلم

وصح الله السان الشاعر القحطاني وعز الله انه صداق

على هذي القصيده الجزله,

ويستاهل عز الله ابوعرار .

حسن اخلاق وسماحة نفس وطيب ساس

ابومحسن

كما عهدناك متميز في النقل والكتابات الجميله

وجعل من ارثك في الجنه يابومحسن

ونتظر جديدك المميز يالغالي..

تقبل ارق التحايا في مقامك العالي

اخوك / فهد الغريري,,

**معلومات** **العضو** · 24-10-2010, 11:36 PM

بارك الله في أخونا جمحان بن عرارالمسعري
ويستاهل المدح أبوعرار عسى الله يوفقه..
وصح السان الشاعر عزّيز بن إبراهيم القحطاني..
ولا هنت أخي أبومحسن على عرض هذا الموقف والقصيده..

دمتم في حفظ الرحمن..

**معلومات** **العضو** · 25-10-2010, 02:17 PM

يستاهل جمحان ماقيل فيه

معروف عند الاقراب والاجناب بالعلم الغانم

بيض الله وجهك ياراشد على النقل

وصح الله السان السويداني

**معلومات** **العضو** · 25-10-2010, 02:41 PM

يستاهل المدح جمحان المسعري

والله يبيض وجه القحطاني

عز الله انه وافي ومن وافين

لاهنت يابومحسن ولاتجيب إلا الزين زان حالك

**معلومات** **العضو** · 25-10-2010, 02:46 PM

يستاهل المدح

ولا هنت بيض الله وجهك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية