عايض القرني قصيدة (الاسكود)

[معلومات العضو الوسمي الدوسري]

صابرين وحنا في مملّه
مثل صبر الجمل والحمل مايل

نبلع الغيظ وانذوق المذلّه
وانتسلّى بالاجداد الاوائل

ونستر الجرح وانغطي محلّه
والحيل عندنا سبعة بدايل

ونفتخر بالوهم كثره وقلّه
ومجدنا النفط من جامد وسايل

وانتباهى بصوره في مجلّه
والطرب شغلة اولاد الحمايل

واختلفنا على شوف الاهلّه
وش هو الحكم في لبس الفنايل

والحكايا على سهره ودلّه
والسواليف واخبارٍ هوايل

وشجْرة انسابنا في كل فلّه
واشغلونا بتاريخ القبايل

ما صنعنا قلم ولا مسلّه
همنا ابلاك بيري والرسايل

وحنّا في النت سبعين ألف شلّه
بالنميمه وتحطيم الفضايل

وفي دعانا القنوت السيف سلّه
قصدنا الكون يصبح في غوايل

والخواجه عسى بقعا تعلّه
منهمك في المصانع والوسايل

سيّر المركبه والكون فلّه
وطوّق اشعوب يعرب بالقنابل

والفلك عانقه واسهيل حلّه
وفوق سطح القمر حط العمايل

دايم الفكر واطموحه يزلّه
ما معه وقت في هرج العوايل

واحنا بالكبر عبيّنا ترلّه
بالبطر والدجل صغنا مثايل

اشرب الوهم يا حامد وبلّه
اف ستّةْ عَشَر تعديل عايل

انتبه يا غبي والكبر خلّه
الخواجه يعلّمك الدلايل

صح مناهجنا من خير ملّه
بس من غير فهم ودون طايل

الغبي ما تصحيه الادلّه
والمهبّل سلاحه في الجدايل

هدهد الثور وان عاند فتلّه
ما يعْرف الكُتبْ يبغى الخمايل

عودوا للشرع يصلح كل خلّه
واتركوا الهرج واعطونا فعايل

 

 

 

 

[معلومات العضو محمد مطلق آل بريك]

صح الله لسان الدكتور / عايض القرني


وبيض الله وجهك يالوسمي على النقل

 

 

 

 

[معلومات العضو مبارك بن شافي النتيفات]

الوسمي

بيض الله وجهك على النقل
وصح لسان الشاعر

تقبل مروري

 

 

 

 

[معلومات العضو محمد شافي الهواشله]

صح الله لسان الدكتور / عايض القرني
وبيض الله وجهك يالوسمي على النقل

 

 

 

 

[معلومات العضو بنت الذيب]

صح لسان الشيخ عايض القرني

ولاهنت يااخوي الوسمي

شكري وتقديري..

 

 

 

 

[معلومات العضو ناصر بن فهد]

صح لسان الشاعر وصح لسانك

ولآهنت على النقل وبيض الله وجهك

 

 

 

 

[معلومات العضو بنت أبوهــا]

يعطيك العافيه