عشق بدوي

[معلومات العضو بدران البدراني]

نويت مرباع الغضي سيـد الاحبـاب=قصدي يـزول الجـرح زاد التهابـه
جيت وبقايل نارهم حـول الاطنـاب=بيت الشعر مطـوي وباقـي زهابـه
اقفت ركايبهـم ومنـي الهـدب ذاب=الدمـع يسـري والذهـل بالاجابـه
على غزير الدمع ضميـت الاهـداب=صديت لين لين الدمع يقفي سحابـه
بعض الوجع يمكن تداويه الاعشـاب=وبعض الوجع يا ويل من هو سطا به
عشق بدوي لا حب ما هـو بكـذاب=يوفي ولـو جرحـه تجـدد صوابـه
واليوم وصلت بيننا مثـل الاجنـاب=ذاك الغلا يـا ضيعتـه يـا سفابـه
باكر اذا جينا لهـم مثـل الاغـراب=من عقب ما كنـا الاهـل والقرابـه
الامـر لله كـل شـي لـه اسبـاب=ولا الهوى وش لي على ما اهتدى به
وشلون قلبي ما يجي اليوم منصـاب=على الكتم منقوش بعـض الكتابـه
قلبي من الفرقـا صويـب ومرتـاب=كنه غدى صوين من هول مـا بـه
حزني عليه انـه تسبـب ولا طـاب=نظرة طبيبـه عجلـت فـي ذهابـه
ريح الخزامى والنفل زيـن الاطيـاب=يشدنـي ريـح السمـر فـي ثيابـه
لا اقبل نسيـم بـه خيـل وركـاب=وله في طلوع الشمس عز ومهابـه

قصيدة لشاعر / ســــعد الخريـجي

 

 

 

 

[معلومات العضو مـنـيـر آل راكـان]

الأخ العزيز زالغالي : أبو عبدالرحمن


قصيده في الصميم

بيض الله وجهك على سرد هذه القصيده للشاعر : ســــعد الخريـجي

وصح الله لسانك ولسانه


تقبل ودي وتقديري لك


أخــوك : أبـــو فـــــــارس

 

 

 

 

[معلومات العضو فهدالمحيسن]

مشاركة جميلة تشكر عليها
نرجو لك التوفيق والنجاح

 

 

 

 

[معلومات العضو بن مشخص المسعري]

بعض الوجع يمكن تداويه الاعشـاب وبعض الوجع يا ويل من هو سطابه

الله الله

ثصح الله لسانك يالبدراني على هالابيات الاكثر من رائعه

كتبت

فأبدعت

اخوك -ابن مشخص

 

 

 

 

[معلومات العضو مصيول]

قصيدة جزله لاهنت وبيض الله وجهك

 

 

 

 

[معلومات العضو بدران البدراني]

المشاركة الأصلية كتبت بواسطة مـنـيـر الـودعـانـي

الأخ العزيز زالغالي : أبو عبدالرحمن


قصيده في الصميم

بيض الله وجهك على سرد هذه القصيده للشاعر : ســــعد الخريـجي

وصح الله لسانك ولسانه


تقبل ودي وتقديري لك


أخــوك : أبـــو فـــــــارس

ابن العم منير شاكر ومقدر مرورك

تقبل تحياتي