لاخي راشد المسعري

[معلومات العضو هادي ابن مطلق ال عمار]

الونه الي تختلج في ظلوعي
راس الطفل لوسمعها يشتعل شيب
اخفيتها والقلب منها جزوعي
خوفي من الشمات ومدور العيب
وين الرفيق الي يظد الجموعي
يمناي لابارو بظني الاصاحيب
راشد سليل المجد خيرة ربوعي
النادر الي مدهله بلمراقيب
ياخوك عفت الزاد قدلي سبوعي
غديت وهمومي شرات المعازيب
لاجيت بنساها عصت لاتطوعي
ومن ظيقها ياخوك طريتنا الجيب
انستها من وسط قلبي تفوعي
فوع الدلال الي صلتها المشاهيب
بسباب نجلا عيطموسن بروعي
هيفيتن تبدي على العين وتغيب
قالت وداع ولا لوصلك رجوعي
غصبن عليها واجبرتها المكاتيب
واقفى وانا راعيه وازداد روعي
والهم سيد في الظلوع المعاطيب
واطرقت شوفي يوم هلت دموعي
وايقنت بن ماكل مايرجي مصيب

 

 

 

 

[معلومات العضو شوق خالد]

صح لسانك قصيده جميله ورائعه اخوي نبراس

فيها معاناة مع اعتزاز
فيها الم مع كبرياء

وافي و جزل .. لا عدمنا حضورك

قصيدتك جزلة وقيمتـك قيمـة وعساك دايم من طويلين الاشبار
يعطيك العافيه

اختك شوق خالد

 

 

 

 

[معلومات العضو شافي بن راشد النتيفات]

صح لسانك ملايييييييييييييييييييييين وعز الله انك اسندتها
الى شاعر كفوووووووووووووووووووووووووووووووو
معاد نقول شئ

 

 

 

 

[معلومات العضو مبارك بن شافي النتيفات]

صح لسانك ملايين ودام ابداعك

تقبل مروري

 

 

 

 

[معلومات العضو راشد المسعري]

أرحب يالنبراس الاوله يشرفنا معرفة مثلك وشرواك والثانية يشرفني إنك تسند القصيدة علي وابشر بالرد بإذن الله والثالثة لا زلت اقول إنك نبراس شعر وهذا اللقب ماجاء من فراغ والرابعة الله يجمع شملك بمن تحب ويلين القلوب .. قل آمين تقبل ودي وتقديري ،،،،

 

 

 

 

[معلومات العضو محمد مطلق آل بريك]

صح لساانك وأشهد أنك سندت على كفووو

وننتظر رد الشاعر راشد بن مسرع

كل الود والتقدير

 

 

 

 

[معلومات العضو هادي ابن مطلق ال عمار]

المشاركة الأصلية كتبت بواسطة شوق خالد

صح لسانك قصيده جميله ورائعه اخوي نبراس

فيها معاناة مع اعتزاز
فيها الم مع كبرياء

وافي و جزل .. لا عدمنا حضورك

قصيدتك جزلة وقيمتـك قيمـة وعساك دايم من طويلين الاشبار
يعطيك العافيه

اختك شوق خالد

الله يصح بدنك
ومشكوره على المرور والتعليق

 

 

 

 

[معلومات العضو هادي ابن مطلق ال عمار]

صح الله بدنك يابو راشد
ومشكو على المرور والتعليق
واشهد انك قلتها راشد كفوووو جدا
وله محبتن في قلبي من الله
لاهنت ياكحيلان

 

 

 

 

[معلومات العضو هادي ابن مطلق ال عمار]

الله يحيك يابوشافي ويصح بدنك

 

 

 

 

[معلومات العضو هادي ابن مطلق ال عمار]

صح بدنك يابومطلق مشكور على التعليق
ياكحيلان

 

 

 

 

[معلومات العضو هادي ابن مطلق ال عمار]

المشاركة الأصلية كتبت بواسطة راشد المسعري

الاوله
البقى يابن عمي
واثانيه
الله يشرف قدرك ولاهيب على يد بخيل كفو يارشد
والثالثه
شهادتك وسام الله يرحم شايبك
والرابعه
القصيده قلته والله محبتن فيك من غير قصور في النشاما
والغزل احب قصيده وتناوشتك ذا المره ياكحيلان
والمحبوبه من نسج الخيال مالها وجود وذا ابرك شي
الله يوفقنا وياك لطاعته ومحبته وهذا الحب الي عليه حلا
اسعدني مرورك
انشالله القصيده المتواضعه اعجبتك
ولاقدرك اكبر ياراشد

 

 

 

 

[معلومات العضو نآصر البدراني]

صح لسانك ملاييييين اخوي نبراس الشعر ...


ابو محسن كُفو وانا اشهد انك عنّزت على رجل



لاهنت ..

 

 

 

 

[معلومات العضو سالم صمهود]

صح الله لسانك وغفر الله للميت

 

 

 

 

[معلومات العضو هادي ابن مطلق ال عمار]

المشاركة الأصلية كتبت بواسطة نآصر البدراني

صح لسانك ملاييييين اخوي نبراس الشعر ...


ابو محسن كُفو وانا اشهد انك عنّزت على رجل



لاهنت ..

صح بدنك ياخوي ناصر البدراني ولاهنت
وانا اشهد ان ابو محسن كفؤ ويستاهل الطيب ولا عليكم زود .

 

 

 

 

[معلومات العضو هادي ابن مطلق ال عمار]

المشاركة الأصلية كتبت بواسطة سالم صمهود

صح الله لسانك وغفر الله للميت

صح بدنك ياخوي سالم صمهود

والله يرحم والديك واموات المسلمين
ويطول بعمر الحي على طاعة الله .