هذه عقوبة الله عليكم يالدواسر ؟؟ ؟؟ ؟؟ هكذا قالها

[معلومات العضو الذيب العماري]

السلام عليكم ورحمة الله وبركاتة

قبل قليل كنت في احد المجالس وكنا جالسين نسوالف ونضحك وكان المجلس خليط من القبائل

جانا واحد من الشباب متأخر مع جريدة اليوم والضحكه شاقه وجهه

جلس وقال يالدواسر طفت ضوكم؟؟؟؟

إنا ثالث دواسر بادرناه بالابتسامه

وهو يضحك ويمد لي الجريده يقول لي اقراء الصفحه الاخيره

خذيت الجريده وانا مبتسم ومرووووووووق ومالي الكرشه والشاهي في يدي

فجأأأه

انفجعت بخبر واااااااااالله اني كادت تدمع العيون لو لا الحيى من الرياجيل وان دمعت الرجال غاليه

قرأت

حريق بشركة الكهرب بوادي الدواسر

رفت راسي واذا راعي الجريده مبتسم

جلست اقراء الخبر

وانا اقراء الخبر اقول في نفسي اااااااااااااااااااااااااااااه عليكم يابني عمي ياهل الوادي توكم في مصيبة النفوق جاتكم مصيبه ثانيه

انتهيت من الخبر وانا اقول حسبي الله ونعم الوكيل لاحول ولا قوة الا بالله

في هذه الاثناء وانا اقول حسبنا الله

قال اللي جايب الجريده

هذه عقوبة الله عليكم يالدواسر

انا والله انفجعت

قلت له دفع البلاء انت منتب صاحي

قال هذه عقوبة الله عليكم لانكم تماديتوا في النعمه

قلت كيف

قال الحين الابل عندكم ماتوصل ملاين؟؟؟؟؟ قلت الله الله لانها اطيب ابل في العالم والكل يدري مايحتاج شهادتي

قال اكيد بس مهب الى هذه الدرجه توصل الاقيام

قلت اللي مايعرف الصقر يشويه

ضحك ثم قال المزاين ما وصلت التبرعات بشهادة الناس اكبر قطيه لمزاين قبيله في التاريخ؟؟؟

قلت الله الله من كرم خطلان الأيدي

قال هاذي عقوبه بسبب الاشياء هذه

والله اني انفجعت

وحسيت بالسخريه منه بسبب النفوق والحادثه هذه

قلت له هذا ابتلاء من الله والله يبتلي المؤمنين

ثم كرمت وقمت من المجلس

والله ياخواني انها حزت في صدري

 

 

 

 

[معلومات العضو عبدالله الحافر الغييثي]

هذا مقدر ومكتوب ولا عليك منه كان قلتله القافله تسير0000000 وياكثرهم اللي يتشمتون في الغاء المزاين لكن حتى ولو الغي المزاين فلكل يعرف البل منهي عنده من ماضي العصور حتى يومنا هذا وخلهم يستانسون وانا اخوك مالهم الا ذا الفرصه يفرحون بها

 

 

 

 

[معلومات العضو محمد الحوشان]

الحين الابل عندكم ماتوصل ملاين؟؟؟؟؟

اذكلر الله اظاهر انه مهب من الله انه من عينك الى ان كان الي قايلها دوسري

 

 

 

 

[معلومات العضو العماني]

ليست عقوبه ان شاء الله ، انما ابتلاء من الله والله اذا حب عباده ابتلاهم خصوصا في ذا الشهر الفضيل الذي تتضاعف فيه الاجور ولعل صبرهم فيه الخير الكثير لهم .

، وخويّك هذا الله يجزاه خير ماخذها من باب الشماته ما خاف الله يبلاه في حلاله وعياله .

وأهل الوادي والسليّل ولله الحمد في خير ونعمه والابل بدلها ابل والحلال يروح ويجي ، ووالدواسر ابلهم مهيب في الوادي بس وانما منتشره من الربع الخالي الى حفر الباطن ومن شرق المملكه الى غربها ، والكهرب يومين ويتصلح واهم شي انهم سالمين وروسهم العوض .

تقبل تحياتي،،

 

 

 

 

[معلومات العضو أبونواف الدوسري]

(والله ياخواني انها حزت في صدري)

لا يا الغالي هذا أبتلاء من رب العالمين ...نفوق الأبل بأمر الله لأنه خالقها...والحمد لله في الأبل ولا

في أحد من أبناء الدواسر....

الكهرباء من فضل الله من الحكومه وحرق المحطات وأنقطاع الكهرباء فهذا من الله عالم الغيب...

والحكومه بأذن الله سوف تصلحها...

حرق المحطه أو حريق وفيضانات وزلازل التي تزيل بيوت ومدن...لا قدر الله.

الحمد لله فأن أهلنا وجماعتنا في الوادي في أتم صحه وعافيه ...من فضل الله.

الخساره في الأموال ...ولا الخساره في البشر..عسي الله يحفظهم.

الصبر والأستغفار هي الحل الوحيد ...

عسي الله يديم عليهم نعمة الأيمان والصبر ويطيل في أعمارهم ...ويحفظهم من كل شر...

اللهم آمين.

 

 

 

 

[معلومات العضو الذيب العماري]

المشاركة الأصلية كتبت بواسطة شيخ بدران

الحين الابل عندكم ماتوصل ملاين؟؟؟؟؟

اذكلر الله اظاهر انه مهب من الله انه من عينك الى ان كان الي قايلها دوسري

والله لو اللي قال الكلام هذا دوسري كان تنخمت في وجهه بس مهب دوسري ويعقب يكون دوسري حده وهو يعرف اصله

 

 

 

 

[معلومات العضو الجارالله]

طيب ليش ما يصرف شى من هذا البرع لمولدات للكهرباء توزع على الاحياء ولو با الايجار

ولا نحب الفشخرة على الفاضى

نفوق ولا صار لهم قطية لمن نفقت حلالهم

لكن المزاين مرصود له ملايين الريالات

والله هذا شى يدمى القلب

صحيح ما قاله صاحبك بدون مجاملة

تراى اعد الحق

 

 

 

 

[معلومات العضو الذيب العماري]

المشاركة الأصلية كتبت بواسطة الجارالله

طيب ليش ما يصرف شى من هذا البرع لمولدات للكهرباء توزع على الاحياء ولو با الايجار

ولا نحب الفشخرة على الفاضى

نفوق ولا صار لهم قطية لمن نفقت حلالهم

لكن المزاين مرصود له ملايين الريالات

والله هذا شى يدمى القلب

صحيح ما قاله صاحبك بدون مجاملة

تراى اعد الحق

معه حق في السخرية والاستهزاء؟؟

غريب هذا الكلام منك

 

 

 

 

[معلومات العضو الجارالله]

المشاركة الأصلية كتبت بواسطة ملوك الأزد

معه حق في السخرية والاستهزاء؟؟

غريب هذا الكلام منك

ليس فى السخرية والاستهزاء ولكن فى منطق الحق

ولا يسخر قوم من قوم عسى ان يكونو خيرا منهم) الاية

 

 

 

 

[معلومات العضو ابن محمد الودعاني]

هذه ليست عقوبة اخي العزيز واللي حصل من الله مقدر ومكتوب ولاتاخذ في خاطرك من كلام هذا الشخص

يقول الشاعر فيصل الرياحي

يضحكبك اللي عاجزٍ عن هقاويك =لافاعلٍ فعلك ولا معرضٍ عنك

ماحصل على ابناء العمومة من نفوق في ابلهم كان خيرة لهم حيث الف الله بين القلوب ويكفي فخر والله العظيم مارأيناه من تكاتف وتعاون بين اهل الابل هذا يسعف ابل قصيره- وهذا مرسل عياله مع فلان -وهذاك يعوض رفيقه وابن عمه- وكلهم من فخوذ متعددة ليسوا من نفس الجماعة او من نفس الفخذ حتى نقول انه تكاتف اقارب وامر عادي لا والف لا
كان من المفروض على الاشخاص الذين يتطرقون الى اختلاق امور التفرقة بين ابناء القبيلة بخصوص المزاين انهم يذكرون المحاسن الكبيرة اللي حصلت بين ابناء الدواسر وكذلك مع احد اقصراهم الذي عوضوه الدواسر بعدد كبير من الابل ليس بالهين وهو ليس من الدواسر اساسا لكن نفقت ابله في وادي الدواسر وتفازعوله رجال الدواسر من كل جهة ولا يبون قصيرهم يرجع لدياره بحسرته وحزنه مع ان ابل الدواسر راح منها الكثير وانشغلوا بما لديهم لكن مانسوا قصيرهم وهذا الايثار بعينه

ومن ناحية التيار الكهربائي فيا اخي العزيز اسمحلي اقول لك ان هذا امر عادي جدا وحصلت نفس الحادثة من سنين في المنطقة الجنوبية وقعد الكهرب في حدود 8 منقطع

وان شاء الله مع ذا اللي صار كله تكون فيه التفاتة للوادي والسليل ويكون لها نصيبها وحقها مثل غيرها من المناطق وفيها خيرة ان شاء الله

 

 

 

 

[معلومات العضو الشقرديه]

حسبي الله ونعم الوكيل في من يشمت الله يبلااااه اهم شي انهم بخير وعاااااااافيه والله يطمنااااا عليهم

 

 

 

 

[معلومات العضو قلم بدون حبر]

المشاركة الأصلية كتبت بواسطة هايف العماني

ليست عقوبه ان شاء الله ، انما ابتلاء من الله والله اذا حب عباده ابتلاهم خصوصا في ذا الشهر الفضيل الذي تتضاعف فيه الاجور ولعل صبرهم فيه الخير الكثير لهم .

، وخويّك هذا الله يجزاه خير ماخذها من باب الشماته ما خاف الله يبلاه في حلاله وعياله .

وأهل الوادي والسليّل ولله الحمد في خير ونعمه والابل بدلها ابل والحلال يروح ويجي ، ووالدواسر ابلهم مهيب في الوادي بس وانما منتشره من الربع الخالي الى حفر الباطن ومن شرق المملكه الى غربها ، والكهرب يومين ويتصلح واهم شي انهم سالمين وروسهم العوض .

تقبل تحياتي،،

يكفي رد هذا

 

 

 

 

[معلومات العضو بنت الاشراف]

خلي يشمت وانت لايضيق خاطرك هذا البتلاء من الله بيجي يوم بيندم على شماته الله يرفع عنكم البلاء ويرزقكم من فضله ...امين

 

 

 

 

[معلومات العضو ابوعبدالرحمن الودعاني]

حي ذا الوجيه وحي ذا الكلام ..

يخوك التشمت ماهو من عادت الرجال ولا ينعد من الرياجيل

مير يخوك هذا إلي كاتبه الله على لدواسر والحمدلله على كتبته

وأقولك الصدق تر الناس حادستنا على ذي الأبل وتدور الزله علينا

وكل صاحب نعمه محسود ..وحسبي الله ونعم الوكيل..ماحنا بخالصين

 

 

 

 

[معلومات العضو سالم بن محمد الشرافي]

مااقول ولاازيد على كلام اخوي ابن محمد الودعاني بيض الله وجهه وسرد لك بيت يكفي عن جميع الكلام


يقول الشاعر فيصل الرياحي





يضحبك اللي عاجزٍ عن هقاويك لافاعلٍ فعلك ولا معرضٍ عنك