،،،،،،،بستان الشعر،،،،،

[معلومات العضو مطلق الحصان آل عمار]

اخواني الاعزاء في هذى المنتدى اسعد الله اوقاتكم بكل خير فكره بستان الشعر فكره معروفه في كثير من المنتديات ونا حبيت اضعها بين ايديكم وهي انك تحط كم بيت شعر يطري عليك والا تقوله والا يجوزلك وصالح لك ولاهو شرط انك تحط مره اثناء دخولك حط اللي تقدر عليه وكلما فريت في المنتدى وشفت انك بتطفش تعال وارقع لك كم بيت وفرغ عن نفسك . ونا اللي ببدا وعلى بركه الله كلما دارت رحا الوقت وافتر الزمان عودت سود الليالي تدك ركابها مالها عروه صداقه ولا لحظه امان وان نوت بك لفتك من تحت جلبابها

 

 

 

 

[معلومات العضو غلا نجد]

فكره رائعه يشرفني اني اشارك بها الابيات


بالطبع شاعري لايختلف عليه اثنان (الشاعر برجس العواد)

 

 

 

 

[معلومات العضو الظافر]

مرااااحب أخوي الشاعر المبدع / مطلق الحصان .. مبادرة رائعهههه تشكر عليها

وبيض الله وجهك .. ولا تحرمنا من إبـــــــــداااااعاتـــــــك ..جعلك تحيا وتدوم


طَهوْر / ولاَ تَرَين البَـاس وَالتَجريـح يَـا غَـزّه

سَحَاب الغَدْر امطَر لك / رصَاصً يَسكنَ الأجسَـاد

صرختي بصوت أطفالك / عبر فـالخافق وهـزّه

وبكيتي بدمعة العاجز / تبين من القريب أمداد . ؟

اراضينا نَبَات الـذل / وارضـك مَنبَـتَ العـزّه

روت مـن دمّ ابطَالـك / وحنّـا نكتفـي بحـدَاد

 

 

 

 

[معلومات العضو شافي القويسي المخاريم]

موضوع رااااائع يا ابو عبدالله ولي رجعه
تحيااااااااااااااااااتي

 

 

 

 

[معلومات العضو الظافر]

ما حسب للسوس زراع القصـب

والقراده ما درى عنهـا البعيـر

ولو حسبنا للحسايـف والتعـب

ما بذرنا يا العصافيـر الشعيـر

 

 

 

 

[معلومات العضو الظافر]

عيب الفتى مافيـة شـك ولاريـب
ترك الفروض وقطع وصل القرايب

والعيب ترك ملازمات ألموا جيـب
وتبع الردى ومجالسة كـل خايـب


وهذه زهرة او وردة من بستان الشعر

 

 

 

 

[معلومات العضو نجــــــــــديه]

طرح رائع اخوي مطلق
ومشكور عالفكره

خذ قليل الهرج عن طول الجدال=كلمه عند العوارف سايده
من لايعدك ياخوي راس مال=خذ وصاتي لاتعده فايده
ولاعتزيت وقلت أنا أخو الرجال=والله إني اخوك كان جتك كايده

 

 

 

 

[معلومات العضو الظافر]

مقام الفتى في منصب العز ساعة

ولا ألف عام يصحب الذل صاحبه


بيت عن قصيدة كاملة في العزة والأنفة والكرامة

 

 

 

 

[معلومات العضو راشد المسعري]

أرحب يالحصان

متميز يابو عبدالله دائما في قصائدك وفي مواضيعك وخاصة هذا البستان الشعري وهذي أبيات أعجبتني وهي للشاعر الكبير سلطان الهاجري:-


الرفيـق اللـي ليـا غبـت مايحمـي قفـاي
اجل لامن صرت حاضر ماني فـي حاجتـه

احتمـي دوري ودور القبيلـه مــن وراي
جمـدو هــرج الفـراغـات ياهراجـتـه

كانهـا بمصامـخ الـروس ولا بـاي بـاي
خلـو الفلـم المدبلـج عـلـى دبلاجـتـه

طول عمري ماستمع من ضعيف الراي راي
ولاطمعـت بديـك خيـبـر ولا دجاجـتـه

العداوة شـي عـادي تجينـي مـن عـداي
من نسج نسج العـداوات عرفـت نساجتـه

وإن كلاني مخلب مـن مخاليـب أصدقـاي
قلت ضاعت صيدته فـي طـرف عجاجتـه

وإن ثناهـا مـرة ثانيـة جعـلـه فــداي
لافسـق كلـب الخواجـة كـلا خواجـتـه

الارض ماهي ورث ابي والسماء ماهو سماي
مير الاعوج لاعترض لي عدلـت عواجتـه

أفـردة واذوقـه لمستيـن مـن عـصـاي
وأدبـة تأديـب طفـل عـلـى دراجـتـه

لين ينسى عنـاد راسـه ويذكـر مستـواي
ينتبـه ولا يسوهـج عـلـى سوهاجـتـه

في نظرة الناس مالون واهوه هـاي هـاي
والمـدوج مابعـد فـاق مــن دواجـتـه

أبك أنا لو اشرب البحـر مايقطـع ظمـاي
وانت مثل الضب يزحـف تحـت عجاجتـه

 

 

 

 

[معلومات العضو مطلق الحصان آل عمار]

ماكل رجلٍ للثقيلات نقّال =ولا كل رجلٍ يستحق التقادير
ولا كل رجلٍ يلبس الثوب رجال =لوكان ثوبه زيننه الآزارير
ولا كل ركابٍ يقال انه خيّال= لو كان يقني حاذيات المسامير
ولا كل هراجٍ يقال انه فتال = لاصار ماله مع هل العرف تصدير
كم واحدٍ عقله كما الكوخ طربال= من مر ينفخ به ولافيه تدبير
وكم واحدٍ من جمله الناس تمثال=ديكور جسم ولا درى عالمه غير

 

 

 

 

[معلومات العضو شافي القويسي المخاريم]

ألا يالله انـي طالبـن طاعتـك ورضــاك=وعـلـمٍ ليـاذكـرو هــل الخـيـر نـذكـربـه
أنا في رجا عطفك وانا ملتجـي بحمـاك=تـفـرج هـمـوم القـلـب يـافـارج الكـربـه
ليا ذعذع الغربي وحرك غصون الراك=وناح الحمـام وعالـي الصـوت يجهربـه
تنهـت مثـل المضـرم اللـي لقـا التمـبـاك=تنهـت صويـبٍ مـونـسٍ لـكـزة الحـربـه
أجـاوب حمـام الـورق يالايمـي عسـاك=يحـدك زمانـك يــم مــن لا تـبـي قـربـه
ذليـل لـيـا جيـتـه خـجـول تـعـد خـطـاك=تـلـزا وقلـبـك وأهـــج الـنــار يسـعـربـه
ألا ياحـمـام الــورق هيضتـنـي بـغـنـاك=مــع الـهـم والغـربـال والبـعـد والغـربـه
ألا ياحمـام الـورق ماشـفـت وألا جــاك=تــرى ينـفـع المـهـمـوم عـلــمٍ يبـشـربـه
عن الدار وأهل الـدار والسـر مايخفـاك=غـريـبٍ تـحـداه الـزمـان وقـلـع سـربـه
منـول يجـوز العـذر للـي يـروح هـنـاك=وأنـا اليـوم مالـي عـذر ويـش اتعـذربـه
مسكها حكيم الـراي وان دارت الأفـلاك=وقاد السفينـه وأشـرق النـور مـع دربـه

 

 

 

 

[معلومات العضو مطلق الحصان آل عمار]

جتك القصيده تتل اليوم شاعرها=يدفع لها زايد الاشواق ياغالي
دام المشاعر حكت لك عن ظوامرها=وش عاد تطلب شهاده حق وتمالي
العين حارب لذيذ النوم ناظرها =والقلب ينبض غلاتك حبه زلالي

مطلق الحصان

 

 

 

 

[معلومات العضو مطلق الحصان آل عمار]

كم واحدٍ وده ووده ووده=لكنّها ماجت على الكيف ياذيب
ان جا يبيها جاير الوقت رده=وحده على عكس اختياره مطاليب
ولو ان كلن حصل اللي يوده=كان استوت ماعاد فيها عذاريب

مطلق الحصان

 

 

 

 

[معلومات العضو مطلق الحصان آل عمار]

الثريا فوق الارض ولا حد(ن) قد جاها=تشعف السارين فالمسرى وفي مبداها
فالسما تشعق ودايـم فالفضـا براقـه=تنقطع عنها الحلوم ولا خذت مجراهـا

 

 

 

 

[معلومات العضو مطلق الحصان آل عمار]

الثريا فوق الارض ولا حد(ن) قد جاها=تشعف السارين فالمسرى وفي مبداها
فالسما تشعق ودايـم فالفضـا براقـه=تنقطع عنها الحلوم ولا خذت مجراهـا

مطلق الحصان